JEREMI 3:19 - Boy Lonana

¹⁹ An ɓak tan ana, an a mbuɗuk ki duk goryon zeɗta ni, an ɦak mbas mayra dlara tak taɗ ki ii suuna ɦayra, ni li ma su ki kay njaf suuna u jivira belna. An hin di ana, agi hin yan ki ana bugiya, agi hin ka noyon ki oloɗi.

JEREMI 3:19 Iomraidhean Croise

SOOLLA 106:24

Asi gol mbas mayra jivi cocora ki lalasi, asi vi ka u boy mammaɗi.

SOOLLA 16:6

Fiinna ka kolo hu li ma jivi ɦayna, nam irin jivi cocoo.

SOOLLA 89:26

An hin ɦam lum ŋgolna ni mamu, ay hu lum ŋgol ma dukŋa ta ta mbo lum ma Efratana ni varamu.

VUN ŊGOLNA 3:35

Suu wi dlara hin fi bibiŋilla. Suu laɓana hin fi ni zolona may.

EZAYI 63:16

Kay aŋŋi Bumiya, Abraham lay ka wamiɗi, Israel, ka wami oloɗi lay. Aŋ, Yawe, dew ni bumiya. Ni sa ma buɗumi kina, ay day day seŋŋi na daŋ may.

EZAYI 64:8

Yawe mbuɗ yara ta ta a kal ki saɓakiɗi, humuŋ gaŋ kay dla coomira na gak gakgi, na may gol iriŋ ay kami halaŋ, ami ni suu maŋsina.

JEREMI 12:10

Bolow suu taa suuna ɓeŋen gugutlu manda kiyo, tayan sene manna ki kaŋga u sesiya. Sene man ma jivi namma asi mbuɗum ki fulla, va ka huɗira.

JEREMI 3:17

Hu li namma ni asi hin yi Yerusalem ana, «Dlamba mulla vi Yawera.» Njaf suuna halaŋ hin hoŋ irisi ay kaɗu kay sem Yawena ma ɦam ki maŋ Yerusalemma. Asi hin ka su vunna u yasira eŋga kal ki na nderaɗi.

JEREMI 3:4

Olo, cecem wanda na ni ndak ka yan ana, «Bunu, aŋ ma minin ay u gooron daynaɗi su?»

JEREMI 31:20

Efrayimmi goron ma an minim ɦayna su? Ni goo ma li dlara hurun vaɗta su? Tew tew hu li ma an ɓakŋa ni, an hin yam sem olo. Hurun minim cocoo. An saa kam ɦay. An minimu, gasi an minimu. Yawe di na.

JEREMI 31:9

Asi mbay u tiina. Asi yi kolo ana, «Oora.» Ni an zuɗusiya. An tuɗusi hu ɦuɗugum mayra laɓi jivira, hu voɗta dewra ka sesi daɓ eg vaɗi. Gasi an mbuɗ ki ni bu Israel, Efrayimmi goron ma ŋgolna may.

JEREMI 33:9

Asi hin li ni a gogor guun ma ɗuf wilina, ni semma tiira, ni dlara eg sana jivi mayra tak ki maŋ njaf suuna kay ndaŋgara halaŋ ana an ɦal tlesuu jivina maŋ Yuda u Israel ɦay lay. Asi hin mbuɗ ki ndaana ko tlesuu jivi suu an ɦasisinana lay, begera an ɦasira ŋgol cocora lay.

JEREMI 5:7

Duk dla cora ko wanda na ɗaŋŋi hin ɦak gira ni nanage? Goryok noyon kiyo, asi suu tasi u sem loogi suu ɦawana lay. An ɦasi tlena halaŋ, na may asi li zoŋga, asi zuɗ tasi fun ziŋ gawlaŋgara.

EZEKIYEL 20:6

Hu buu namma ni an suu tan tli kon kolo dasi ana an hin cukusi ay ki hu mbassa Egiptera. Tinisi irisi hu mbassa an goloɗ ay ki min a cukusi hura, ni mbas mayra law gi mbiira u mbul yumma, mbassa seɗ tii ki su ndaryaɗ mbassa halaŋga.

DANYEL 11:16

Sa ma hin mbay a duurusina hin li ni dlara u hurumba, sa ka col fokom dewɗi, nam hin col ha ki hu mbassa jivi ɦayra u cira nam ci suu nam fasi fokomma.

DANYEL 11:41

Nam hin kal hu mbas mayra jivi ɦayra, suuna hin fi maɗna cocoo. Suu wanna hin suɗ kommi asiya, suu vi Edomma u suu vi Moabma, goryoŋ Amon suu vuɗ fok jewna may.

DANYEL 11:45

Nam hin pi mbutluɓ mamma mulla duk ɦoŋ lum ma ŋgolona u ɦini mayra teteɗ jivi ɦayra. Buurum hin daɓ hu li namma bay sa mbay a njunumu.»

DANYEL 8:9

Goo mek taa na ew day ay ki eg mek taa dukusi dew wul ki ŋgol cocoo. Kolo duk na, daliya u maɗiina hu mbas mayra jivi cocora.

Magaara Vi Sa Jok Vun Lona OZE 11:8

An hin lakŋi nanage Efrayim, an hin ɦakŋi maŋ gege, Israel? An hin lakŋi nana ko ndal Adma nage, an hoŋok ki ni ko ndal Seboim na su? Hurun ɓeŋŋi hurunu, na may ni oora hurunda mbuɗ yoo taɗ gaw may.

GALATENA 3:26

Agi mbuɗ a goryoŋ Lonana ni u vira kay taɓ maygira u Yesu Kristura.

EFESNA 1:5

Lona saa ki fok jew ana nam min a mbuɗuygi ki a goryom hu Kristu, nam li na ni kay dla ndaɗta irim jiviya.

GA 8ATAMBARA 14:1

Agi ni goryoŋ Yawe Looginana, hu li ma agi a tii maɗna ni jii tagiɗi, kaa yagi kiɗi lay.

HEBRENA 10:39

Aygi ka duk suu hoŋ ki dagan hin ba kinaɗi. Aygi ni duk suu vina ka hu voɗta suɗta.

1 PIYER 1:17

Hu cen magira agi yi Lona ana Bugiya ma kaɓakŋa kay suuna halaŋ fun tasi dewna, u va ma sana lamma, hu li ma agi ka hu ndaŋgara tuna ni agi lagi ndaana u Lona hu poy magira.