JEREMI 3:16 - Boy Lonana

¹⁶ Hu coki ndaɗta hu li ma asi zul ki bolow coco hu mbassa wa ni, Yawe di ana, sa hin ka di ana, «Zandukka Galamba vi Yawera» oloɗi. Dlaɗ hin ka li kay sa dewɗi lay. Sa hin ka yaɗ seɗɗi lay. Sa hin ka saa ana ndaɗ ka dukuygiɗiraɗi lay. Sa hin ka hoŋoɗ lira oloɗi.

JEREMI 3:16 Iomraidhean Croise

EZAYI 60:22

Njaf suu vo kaɗakina hin mbuɗ na buɓ buɓ. Suu may suu wi hawra hin mbuɗ ni suu zuli cocoona. An, Yawe, hin li dla ndaɗta ki hu liiɗ ni cem cem gaw.

EZAYI 61:4

Asi hin min tlesu suuna toosi ki gana ki koloo, hahawra li ay kay somoyosira asi hin daɓaɗ kiyo. Ҥoŋzi ma suuna toom kina asi mbuɗum ki wiliya. Tlesuu ay ki ii somoyosi day dayna min kiyo, yoo ka oloɗi.

EZAYI 65:17

Gola an min a li huulona ma wilina, li ndaŋgara wilira may. Ni dlara jak ki jewra halaŋ ka li oloɗi, sa humum ka a gam kay dlara jak kira oloɗi.

JEREMI 3:17

Hu li namma ni asi hin yi Yerusalem ana, «Dlamba mulla vi Yawera.» Njaf suuna halaŋ hin hoŋ irisi ay kaɗu kay sem Yawena ma ɦam ki maŋ Yerusalemma. Asi hin ka su vunna u yasira eŋga kal ki na nderaɗi.

JEREMI 30:19

Suuna hin gi deɓpa ŋgol cocoo, vun sunna hin soo a li luuna. An hin mbuɗusi ki bolowo, asi hin ka hoŋ ki kaŋga oloɗi. An ɦasi saɓakŋa wa.

JEREMI 31:27

Buuna ka mbaa, Yawe di na, ma an hin zaa njaf suu Israelna u suu Yudana ki a njaf suu warna, njaf mburina lay.

JEREMI 31:8

An hin mbaasi ay ki hu mbassa ii mbayawra, hin tokosi eg tasi hu vun ndaŋgara ma daɓma. Dukusi ni suu dugina ka lay, suu dalira ka lay, boyogi suu wiina ka lay, suu ndak ki a vuɗtana ka lay. Asi hoŋ ay tani suuna bolow cocoo.

JEREMI 7:4

Halagi boy ma mbambara a hoŋogi dira ana, «Ni ziŋ Yawera, ni ziŋ Yawera, ni ziŋ Yawera. Nam ki tani wanna.»

EZEKIYEL 15:5

Hu li ma nam ay jew ɦawa va ŋgenem kaɗina sa li va ka u nambi. Hu li ma kura hin ŋgalam kina ni nam hin ndak a li va olo su?

EZEKIYEL 37:26

An hin vi galamba heɓpa u asiya. Ni galam mayra dindinda. An hin lakasi huwa, hin zulusi cocoo. An hin pi Ziinda dukusi may, ni a fafaɗta.

AMOS 9:9

Gasi, gologiya, an hin ɦal voɗta, an hin dlamaɗ suu Israelna duk ɦoŋ suuna halaŋ ko ndal yik wana hu bewra ka hin ŋgetlna cuk kaŋga duk kira na.

SOFONI 3:11

«Hu buu namma ni ndak hin ka haɗ huruk kay dlaaka cora oloɗi, kay yara ndak landa egendaɗi lay, kay hu li namma an yow suu ŋga tasi cocona ki varak da, ndak hin seŋ li mayra li dla cora kay ɦini manda teteɗta kiyo.

MATIYE 1:11

Josias vuɗ Yekoniya u gorsemma vuɗ ni, suuna yowosi ha ki Babilon.

MATIYE 3:9

Saaragi hurugi ana, Abraham ni bumiya naɗi. An dagiya, Lona ndak a mbuɗ ɦinira ki a goryoŋ Abrahamma layɗi su?