JEREMI 27:7 - Boy Lonana

⁷ Njaf suuna halaŋ hin sunumu, nam tamba lay, goromma lay, gorom ŋgolona lay. Kam nam tamba may ɗaŋŋi lina hin mba kamu, suu bolowna u muli suu saɓakŋa hin lasamu.

JEREMI 27:7 Iomraidhean Croise

SOOLLA 37:13

Na may Bu Suuna ka san umu, kay nam wi ana buurum hin tok.

EZAYI 13:1

Ezayi ma goŋ Amosna di dlara nam waɗ kay zi ma Babilonnara kiyo.

EZAYI 21:9

Gola ni dlara ka mbayra, sana dew ay fuli hu pus pus ma kulumina. Nam ka njaɗ boyna di ana, nam ndi ki ga wa, nam ndi ki ga wa, Babilon ndi ga wa. Tlegeyesi suu asi goɓosi ko lona nana halaŋ cuk ki ga wa, to ki lay.»

JEREMI 27:22

Asi hin yowosi tuɗusi ki Babilon. Asi hin kak ha hu li namma ta ta hu buu ma an hin yowosi ay kina. Yawe di na. Na ɗaŋŋi an hin ɦoŋosi ay asi hin mbay hu li namma.

JEREMI 34:1

Yawe ɓak boy mamma maŋ Jeremi hu li ma Nabukodonosor mul ma Babilonna u suu mam suu duuna halaŋ, suu muli suu kay mbassa nam ti mulla kaɗta halaŋ, suuna halaŋ tli Yerusalem u ɦoŋzi ma ŋguy kaɗna halaŋ halaŋ may.

JEREMI 44:30

Na ɗaŋŋi Yawe ɓak anaba, an hin ɦal mul ma Egiptena Faraw Hofra ki maŋ suu mam suu babalira, suu min a cam kina ko an ɦal Sedesiyas mul ma Yudana ki maŋ saam ma babalira Nabukodonosor mul ma Babilon ma min a cam kina na.»

JEREMI 46:13

Boy ma Yawe dam maŋ sa jok vun Lona, Jeremi, a ɓak ki ana Nabukodonosor, mul ma Babilonna hin mbay kay mbassa Egiptera.

JEREMI 52:31

Na may ni hu basara dok hindi yam kiɗisiya ta asi tli Joakim mul ma Yudana tuɗum ki mbaɓura hu til ma doogo yam mbana, hu buu ma dok mba' yam vadlna, Evil Merodak, mul ma Babilonna, hu basara nam kal hu mullara gaw ni nam hoŋ dla cora vi Joakim mul ma Yudana ki dagani, gam ay ki hu daŋgayna.

EZEKIYEL 30:24

Ŋgoo dagan an hin ɦal saɓakŋa maŋ mul ma Babilonna. An hin ɦam ŋgew man ma duuna hu duk komu. An hin kus bik Faraw kiyo. Nam hin yoora, oy tam zamba ko sa ma dagi coco tok a miɗnana na.

DANYEL 2:37

Aŋu, aŋ mulna, mulna vi mulina, aŋ sa ma Lo ma kolo huulona ɦaŋ mulla koŋŋa, ɦaŋ eŋga, ɦaŋ saɓakŋa u bibiŋillana,

DANYEL 4:22

Asi hin dikiŋ ki duk suuna, aŋ hin kakŋi ko taŋ u mbuuri suu bagina asi hin ɦaŋ haɗna ni ko mbutlina na, hin mbusuŋ ki ni u mbaɗagira huulonara, cokira hin jak ki kaŋ yaɗ kiɗisiya, ta ta aŋ hin wi ki ana Lo ma Kolo Dayna ni malaŋ mulla vi suunara, nam ɦaɗ maŋ gegelay ma nam minimma.

HABAKUK 2:7

Na ni asi suu aŋ tli balna kosina hin ka yow kolo u aŋ taŋga zak ki su? Suu kisigiŋŋa hin ka dliɗ ki koloɗi su? Aŋ hin mbuɗ ni vaasi ma ɦurumba.

HABAKUK 2:8

Ko aŋ ɦurum suuna bolowra na, njaf suu hinna halaŋ hin ɦurumuŋu, kay busu ma vi suunana kay saɓak ma aŋ lam kay mbassana, hu zi ma ŋgolna u suu ɦurumma halaŋ.

WIRA ŊGAYRA 14:8

Sa sunda huulona ma mbana mbay dagan ma fok jewna, nam di ana, «Nam ndi kaŋga wa, ndi kaŋga wa, Babilon ma ŋgolna, nam ɦal sum mamma maŋ njaf suuna halaŋ, sum ma li dla cora.»

WIRA ŊGAYRA 16:19

Ҥoŋzi ma ŋgolna irim ɓorow ki na hindi, ɦoŋzi ma ŋgolna kay ndaŋgara halaŋ bow ki bel bel. Lona humum gam kay Babilon ta ŋgolla, nam haɗ yara hu kop mamma a ndaɗ caɗu.