JEREMI 27:5 - Boy Lonana

⁵ Anni sa li ndaŋgara u suu warna layna, li mburi suu kay ndaŋgarana lay, an lasi ni u saɓakanu. An ndak a ɦasi maŋ gegelay ma an minimma.

JEREMI 27:5 Iomraidhean Croise

URA TIN AYRA 1:25

Lona li mburi suu kay ndaŋgarana u njafasi zeɗ zeɗ, u tlesuu ɦaram kaŋgana, u njafasi zeɗ zeɗ u tlesuu tuɗ u sesina u njafasi zeɗ zeɗ may. Lona wi ana tle asina irim jiviya.

URA TIN AYRA 9:6

Sa ma vo busu sana kina, sa hin voom busuɗum kini voy may. Kay Lona li sana ko tamba na.

1 MULINA 8:42

Kay suuna hin hum ha ki kay seŋ ma ŋgol cocona, kay koŋ ma saɓakŋa u bikiŋ ma nek cocona. Lini nam mba a ceneŋ eg zi ndaɗta ni,

EZDRAS 1:2

«Mulla kay ndaŋgarara halaŋ, Yawe Lo ma kolo huulonana ɦanda ki wa, nam ɦan voɗta u tamba ana an minim zira hu Yerusalem hu Yuda.

NEHEMI 9:22

Aŋ ɦasi mulina u suuna kiyo. Aŋ ɓorowosi ndaŋgara ii hakarara ki kosiya. Asi hin tli mbassa Sihonda kiyo. Ni mbassa vi mul ma Hesbonnara. Ni mbassa vi Og, mul ma Basannara.

SOOLLA 102:25

An di ana, «Loonna, tlan iiri manda duk bay buu manna ndaki.» Kay aŋŋi sa ma ka din dinna.

SOOLLA 96:5

Loogi suu vi suunana halaŋŋi ŋga tara ɦawaa. Yawe li huulona ni namu.

KALKIRA 20:11

kay Yawe li huulona u ndaŋgara ni hu buu ma karkiyana, li mbo lumma u tlesuu dukumma halaŋ. Hu buu ma kiɗisiyana nam koɗ tamu. Kay ndaɗta Yawe paɗ vunum ki kay buu namma, lam ki teteɗ may.

KALKIRA 6:6

Kay ndaɗta aŋ di suu Israelna ana, ni an Yawe. An hin paɗagi ki hu lassa suu Egiptena ka lasagira, an hin buɗugi ki ko mbaɓura, an hin saagi sugulugi ni u saɓakŋa u eŋga.

EZAYI 42:5

Lona Yawe di ana, sa ma li huulona ni anu, sa ma beɗem ki kolo nana ni anu. Sa ma ɦal musukka huu tlesuu iiri coco kay ndaŋgara wanna ni anu. An ɦal musukŋa huu tlesuu tuɗ kaɗna halaŋ.

EZAYI 44:24

Yawe ma suɗuŋ ay kina di ana, Sa ma miniŋ ay huu suŋŋa dayna ni gege? Ni an Yawe, ma li tlena halaŋŋa. Huulona halaŋ lammi an dew. Ndaŋgara halaŋ laɗ ni an dew daŋ.

EZAYI 45:12

Anni sa ma min ndaŋgarana, cuk tlesuu iirina kaɗ ni an lay. An li huulona kolo ni u bik kon lay. Suu kolo huulonna halaŋ an golosi, ɦasi gaɗta ni anu.

EZAYI 48:13

Na daŋ may, kon li ndaŋgara ni namu, kon ma njufna li huulona ni namu, lini an yasiya ni asi mbay fokonni na zak gaw.

EZAYI 51:13

Agi maa ki kay Yawe ma lagina gaw su? Nammi sa ma li huulonana lay, li ndaŋgara layna. Agi dlak ndaana hu buuna tew tew fok suu lasagina na ni kay mege? Agi gol ko asi saɓak coco a dikigi kira na ni amege? Cemi ni yaasi ndaɗta ni ara wan ologe?

JEREMI 27:4

Aŋ hin ɦasi boy namma ha kosi u sem malayasina ana, Bu Suuna, ma Saɓakŋa Kom Belna, Lona vi suu Israelna, gola ni dlara agi hin daɗ maŋ maliyaginara.

JEREMI 32:17

«Bu Suuna Yawe, aŋŋi sa li huulona u ndaŋgara lay u saɓak maŋ ma ŋgolnana. Aŋ ɦal saɓak maŋŋa kiyo, va ka kaŋ loɓbi.

JEREMI 51:15

Sa li ndaŋgara u saɓak mamma na, ma li duliyara u yal mammana, ma u yal mamma li huulonana.

DANYEL 2:38

Aŋ sa ma nam ɦaŋ suuna ka hu duk koŋŋa, mbuuri suu bagina u laygi suu duk lonana, hu li ma asi ka huna halaŋ nam tiniŋ a mulna kasi halaŋ halaŋ.

DANYEL 4:14

Dla ndaɗta li ni u gaɗta vi suu saɓakŋa, boy namma u gaɗta vi suu teteɗna a suu ka iirina wi ana Lo ma Kolo Dayna ni malaŋ mulla vi suunara, nam ɦaɗ maŋ gegelay ma namminimma col sa ma gi yam kaŋgana ki kolo duk suuna.

DANYEL 4:17

Ŋgusu ma aŋ wamma, ma mbuɗ ŋgolo saɓak layna, ma fiyekem tuɗ ta ta kolo huulonana, ndak a wam ay keŋ ndaŋgara ma daɓma day lay na,

DANYEL 4:22

Asi hin dikiŋ ki duk suuna, aŋ hin kakŋi ko taŋ u mbuuri suu bagina asi hin ɦaŋ haɗna ni ko mbutlina na, hin mbusuŋ ki ni u mbaɗagira huulonara, cokira hin jak ki kaŋ yaɗ kiɗisiya, ta ta aŋ hin wi ki ana Lo ma Kolo Dayna ni malaŋ mulla vi suunara, nam ɦaɗ maŋ gegelay ma nam minimma.

DANYEL 4:25

Dla ndaɗta li ki eg mulna Nabukodonosor.

DANYEL 5:18

Aŋ mulna, Lo ma Kolo Dayna ɦal mulla, ŋgolla, bibiŋilla u saɓakŋa maŋ Nabukodonosor buŋu.

SUNDA 14:15

«Banayamina agi lagi na ni mege, ami ni suuna ɦawa ko agi na may, ami mba dagi Boy ma Ayra a agi hinigi fuli suu asina kiyo, mbuɗugi irigi eg Lona ma iirina na ɗow. Ma li huulona li ndaŋgara li lum ŋgolna u tlesuu hurumma halaŋ.

SUNDA 17:24

Lona ma li duliyara u tlesuu huruɗna halaŋŋa, nammi Bu Suuna vi tlesuu kolo huulona u suu kay ndaŋgarana halaŋ. Nam ka kak hu zi ma sa minim u kombi.

SUNDA 17:26

Nam cuk suuna halaŋ col ay ni u sana dew. Nam ɦasi ndaŋgara ni masiya. Nam ŋga ii lina ha ki fok jewe, hin ɓorowosi li ma asi kak huna ki kosiya.

GA 8ATAMBARA 2:19

Aŋ hin tuɗ tew vok goryoŋ Amonna na, li dlara duu u asiɗi, halasi a yaɗi, an ɦaŋ li maa ka na nde hu mbassa vi goryoŋ Amonnaɗi. Kay mbas ndaɗta an ɦaɗ ki ni maŋ goryoŋ Lotna.»

GA 8ATAMBARA 2:21

Suu asina ay zuli cocoo, asi wuli fiyekira ko suu Anakŋa na may, may ni Yawe daɓasi ki fok suu Amonna, asi dikisi kiyo, hin cuk ki hu balamasiya.

GA 8ATAMBARA 2:7

Kay Yawe Loogina paɗ vunum ki kagi hu dlara agi laɗta halaŋ. Nam gologi ay ŋgoo bagi hu fulla ŋgolla, basara ca ni dok-fiɗi. Yawe Loogina ka u agiya va ma kaɗak kagi kaɗi.»

GA 8ATAMBARA 2:9

Yawe dan ana, «Hal honi u suu Moabmaɗi, duu u asiɗi. An ka a ɦaŋ va hu mbas masira na ndeɗi kay an ɦal mbassa Ara ni maŋ goryoŋ Lotna.

GA 8ATAMBARA 32:8

Hu li ma Lona ma kolo dayna ɓorow mbassa maŋ suunana, nam ka ii hakara ki ko njaf suuna zeɗ zeɗ u ndum goryoŋ Israelna halaŋ.

GA 8ATAMBARA 4:17

Min vabak megelay ma kay ndaŋgara tanina, ɗowba min foto layagi suu pii kolona.

GA 8ATAMBARA 4:25

Hu li ma agi vuɗ gorra wa, u gor ŋgologi magisina mbuɗ wa, agi basaɗ ki coco hu mbas ndaɗta wa ni, lini agi ɓalak tagi a goɓogi loogi suu ɦawana, minigi fulina tlesuu ɦawana, lini agi li dlara ka ii Yawe, Loŋŋa, jiviɗira a ɓalakam hurumu,

GA 8ATAMBARA 4:32

Saaragi kay dlara jak ay ki fok jewra gige, tlesuu li ay ki fok jew bay Lona min sa warna tu layna. Joɓ tagi gige u vun ndaŋgara tun ayra ta ta u daɓ maɗta, dlara mbuɗ mbuɗ ta ŋgol li kaɗi su? Sa hum dlara li ko ndata na ki dew su?

GA 8ATAMBARA 4:35

Yawe takagi dla ndaɗta ki na ni kay agi mba wi ki ana nam dew ni Lona, lo ma daŋ ma ko nam na kaɗi.

GA 8ATAMBARA 5:16

«Aŋ hum u gi buŋ u suŋ jiviya ko Yawe Looŋŋa gaɗaŋga na, kay a buu maŋ ma Yawe ɦaŋŋana mbuɗ fok ŋgol kay ndaŋgara may, aŋ kak u tara fanira may.

GA 8ATAMBARA 9:29

Doliɗi ni asi ni suu maŋsina. Ni jooŋ ma kay taŋŋa, aŋ cukusi ay ki ni u bik koŋ ma saɓakŋa.»

KOLOSNA 1:16

Lona min tlesuu kolo huulona, kaŋga kay ndaŋgara lay halaŋŋi u namu, tlesuu suuna wasina u suu sa ka wasiɗina, dlamba mulla, u eŋga, u ŋgolla, garaŋga. Lona lasi halaŋŋi u namu ni mam nam lay.

HEBRENA 1:2

Kay aygi suu ka hu buu ma dagan cecemina nam daygi boyna ni hu Goromma. Lona li tlena halaŋŋi u namu, tle asina halaŋ Lona hinimsina halaŋŋi komu.

WIRA ŊGAYRA 4:11

«Bu Suuna mamina, Loomina, aŋ ndaki a sa ɦaŋ ŋgolla maŋu, geleɗeŋu, saɓakŋa lay ni maŋ bel. Kay aŋ min tlena halaŋŋi aŋu, tlena halaŋ ka iiri ni u min maŋga.»