JEREMI 27:10 - Boy Lonana

¹⁰ Dlara asi dagirara ki ni coo, asi min a ɦuɗugi ki eg ndaŋga magira day lay. Gasi an hin njayagi kiyo, agi hin miɗ kiyo.

JEREMI 27:10 Iomraidhean Croise

KALKIRA 22:18

Sa ma buu u yoonana, cam ki ciiya.

JEREMI 14:14

Yawe hoŋon dira ana, «Dlara suu jok vun Lona ɓakaɗ u senda ki ni coo. An cukusi ay ka ni anɗi. An joɓosi va kaɗi lay. An dasi dla ha kaɗi lay. Wiisira ni ta kaboyna. Asi di ni boy ma um kaɗina. Dlara njaɗaɗ u yasira, dlara asi faɗ kolo duk ganyam suuna u ndaɗta ni boy ma asi ɓakamma.»

JEREMI 23:16

Na ɗaŋŋi Yawe, ma Saɓakŋa Kom Belna, ɓak anaba, Tinigi saaragi kay boy ma suu jok vun Lona dagina naɗi. Asi ganagi ni yagiya. Dlara asi daɗta ni saa masira mbay kay yasira. Dla ndaɗta col ay ka fun Yaweɗi.

JEREMI 23:25

An hum vun suu jok vun Lona suu ɓak boy ma kaboyna u senna di ana, «Tlena tak tasi irinu, tlena tak tasi irinu.»

JEREMI 27:14

Humugi boy ma suu jok vun Lona dagina ana, agi hin ka sun mul ma Babilonnaɗi naɗi. Boy ma asi dagina namma ki ni coo.

JEREMI 27:15

An sunusi ay ka anɗi. Yawe di na. Boy ma asi ɓakagina u senna ki ni coo. Na ɗaŋŋi an hin njayagi ki may, cagi ki may. Agi u suu jok vun Lona suu dagi boy nammana.

JEREMI 27:16

Maŋ muli suu li ɓivunna u suuna halaŋ an ɓak ana, Yawe ɓak ana, humugi boy ma suu jok vun Lona suu dagi ana tlege suu li sunda hu Zira vi Yawera hin hoŋosi yowra ay ki hu Babilonna cecem ka gi buuɗinaɗi. Boy ma asi dagina namma ki ni coo.

JEREMI 28:11

Sa jok vun Lona, Hananiya, di ki fok suuna halaŋ ana, «Yawe ɓak anaba, ni ko ndaɗta na tew basara mba' ni an hin kus mbal ma nek ma vi Nabukodonosor, mul ma Babilonna, kiyo. An hin tlam ki kay njaf suuna halaŋ.» Sa jok vun Lona, Jeremi, tuɗ ni na gaw.

JEREMI 28:16

Na ɗaŋŋi, Yawe ɓak anaba, an hin dikiŋ ki kay ndaŋgara. Aŋ hin miɗ ki hu basa ndaɗta kay ana aŋ ɓak boy ma suuna yow duuna u Yawena.»

JEREMI 32:31

Ҥoŋzi namma mbuɗun ki yara ay hu umba tin ayra na day ta ta karami. An ndak a zuɗusi ha ki egenu.

JEREMI 8:19

Asi hum yira ndaana suu mansina yaɗ ay hu ndaŋgara dayra. Yawe ay ka hu Siyonɗi su? Mul mamma ay ka huɗi su? «Ni kay me asi lan dla cora egen u fuli masisina nige, u dla mayra bay uɗta col ay hu lii daŋŋarage?»

YOORA 2:14

Suu mak suu jok vun Lona ka wi tlena ay maku, ni kaboyna u ganyamba. Asi ka gak u dla cookka kiɗi, ni dlara hoŋok ki daganda. Asi wak tlena ay ni maku, di ni dlara kaboyna viɗ suuna kira.

DANYEL 4:7

Doyra dan ay kaŋga hu liin ma buuna wanni, an gol irinu ni ŋgus ŋgolna coliya, kay yam ndaŋgara duk ɦoŋga gagayra, kolo fiyek cocoo.

ZAKARI 10:2

Gasi daŋ may fulina hoŋ dira ni dlara uɗ kaɗira. Suu joɓpa dlara tak taɗ irisira ni kaboyna. Asi gijaŋŋa ni u dlara kaboyna, heɓ huu suuna u ganyamba. Ni kay ndaɗta suuna tuɗ ha ki ko ndal mbutlina hu katlaŋgara na, hahaw coco lay kay sa golosi kaɗi.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

GA 8ATAMBARA 18:10

Ka sa maa dukugi ɦal gorom ma njuf ɗowba ta tamara ŋgalaɗ ki a li ɓivunɗi, ka sa maa ɦal tam kay dlara kumuna, joɓ loogi suu ɦawana li dlara dawra li dukugiɗi.