JEREMI 26:5 - Boy Lonana

⁵ Lini agi ka hum boy ma suu man suu jokon vununna dammaɗi, suu an sunusi ha egegi tew tewnaɗi, ka humugiɗi lay ni.

JEREMI 26:5 Iomraidhean Croise

2 MULINA 17:13

Yawe ne yam suu Israelna ki coco fun suu jok vun Lona zeɗ zeɗ. Suu Israelna u suu Yudana halaŋ ana, «Humugi u gaɗ manda u gaɗta an dagira ay ki jew maŋ somoyogira, an hin hoŋ dagira magi agi tagira olo, fun suu man suu sununna, suu jok vun Lonana.»

2 MULINA 17:23

ta ta mbuɗ a Yawe dikisi ha ki egem day, ko ndal nam di ay ki fok jew fun suu mam suu sunda, suu jok vun Lona suu Israelnara na. Suu Israelna tuɗ ki na day eg mbas masira, ha ki hu Asiri ta ta cemi.

2 MULINA 24:2

Yawe sun suu ɦurumba ay kay Joakim. Suu Babilonna, suu Arameemma, suu Moabma u suu Amonna, asi mba ɦurum mulla Yudara ki ko ndal boy ma Yawe dam ay ki fok jew fun saam ma jokom vunumma na.

2 MULINA 9:7

Aŋ hin ci suu vi Akab sa ŋgol maŋŋana kiyo. An hin sa sukul suu man suu sunda suu jok vun Lona u busu suu sun suu vi Yawena halaŋ, ma Jezabel voom ki kaŋgana kiyo.

EZDRAS 9:11

Fun suu maŋ suu sunda suu jok vun Lona aŋ ɓii gaɗta ni ko wanda na, ndaŋgara agi hin kal huruɗ a tlaɗ wanda ki njenjee, njenje ko suu hu mbassana u dla coosira asi oyoɗ ki col ha ii ko wanna day tew ki ko hiŋŋa u dla coosira.

JEREMI 11:7

An fi tan u somoyogi ay hu buu ma an cukusi ay ki hu mbassa Egiptera day karami, an vi vunun u asiya loɓ ka ki dukgi. Hoŋosi dira tew tew ana, humungi delenu.

JEREMI 29:19

Ni kay ana asi ka humun boy mannaɗi. Yawe di na. Na ɗaŋŋi an sunusi suu man suu sunda ha tew tew suu jok vun Lona. Na may asi ka humbi. Di na ni Yawe.

JEREMI 32:33

Asi ɦan zagaɗasiya, ka ɦan hurusiɗi, an haɗasi na tew tew lay ni asi ka humunɗi, ka van haɗ manda kasiɗi lay.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 35:17

Na ɗaŋŋi Yawe ma Saɓakŋa, Lona vi suu Israel, ɓak anaba, An hin mba dla cora ay kay suu Yudana u suu hu Yerusalemma u bolowoɗ halaŋ ta an vi kan a lasira egesira. Kay ana an ɓakasi cocoo asi humun kaɗi, an yasi coco lay asi hoŋ dira kaɗi lay.»

JEREMI 44:4

An sunugi suu man suu sunda suu jokon vununna ana asi dagi na tew tew lay ana, lagi tlesuu co suu an ka minisiɗinaɗi.

JEREMI 7:13

Doliɗi ni cecem wanda ko agi li dla co ndaɗta ki halaŋ lay ni, Yawe di na, an ɓakagi tew tew lay agi hum kaɗi ni, an yagi ni agi hoŋon dira kaɗi lay.

JEREMI 7:25

Ay hu li ma somoyosi sel ay ki hu mbassa Egiptera day ta ta hu buu ma karamma an hin ka bay sunusi suu man suu sunda jew jok vun Lona ha tuwa, hu buuna tew tew tan ka loɓbi.

EZEKIYEL 38:17

Bu Suuna, Yawe, di ana, «Aŋŋi sa ma an ɓakaŋ ay ki hu basara jak ay ki day dayra fun suu man suu jokon vununnaɗi su? Suu jok vun Lona suu Israelna di boy namma ay ki hu coki ndaɗta naɗi su? Ana aŋŋi sa ma an hin cukum ay kay suu man suu Israelna.

AMOS 3:7

Kay ana Bu Suuna, Lona ka li dla bay tak dlara hurumba ki maŋ suu mam suu sunda suu jok vun Lonaɗi.

ZAKARI 1:6

Na ni boy manna u gaɗ manda suu an hinisi ka maŋ suu man suu sunda suu jok vun Lona tewegi somoyogi kaɗi su? Na daŋŋi asi hoŋ aya, di u vunusi ana, Yawe, ma Saɓakŋa Kom Belna, col a lasaygi ni kay voɗ maygira u tuɗ maygira cora, nam lasaygi ni na.»

WIRA ŊGAYRA 10:7

Falira sa sunda huulona ma kiɗisiyana hin bu difnara ŋgayra vi Lonara hin daɓmi hu buu namma. Ko nam di suu sunda suu jokom vunumma na.

WIRA ŊGAYRA 11:18

Dee suuna hurusi ɓeŋa ni yaaŋga mba wa, ni hu li ma kaɓakŋa vi suu miɗina, buu ma aŋ a warak suu maŋ suu sunda suu jokoŋ vunuŋŋa mba wa, maŋ suu maŋŋa halaŋ suu laŋ ndaaraŋŋa, suu ŋgolona u kemba. Buu ma aŋ a ba suu ɓeŋ ndaŋgara kina mba wa.