JEREMI 26:19 - Boy Lonana

¹⁹ Na ni mul ma Yudana, Ezekiyas, u suu mamsina hin cam ki su? Asi hoŋ yasi ga u Yawe ni hoŋi na ɗowɗi su? Yawe hin doo dla cora nam gin a lasira egesira ki kasiya. Aygi may ɗaŋŋi hal a laygi ni dla cora.»

JEREMI 26:19 Iomraidhean Croise

2 SAMUEL 24:16

Sa sunda huulona maɗ kom ha kay Yerusalem a ɓeŋeɗ kira. Na may Yawe min ka li dla ndaɗtaɗi, hin di sa sunda huulona ma kiriɓ suuna kina ana, «Na ga. Cecem wanda tli koŋ kiyo.» Doli ɗini sa sunda huulona vi Yawe ka ki ni hu li ma to wana Aravna ma Jebusna.

2 DLAŊ MULINARA 32:20

Mulna Ezekiyas u sa ma jok vun Lona, Ezayi ma goŋ Amosna, cen Lona kay a nam njun usiya.

2 DLAŊ MULINARA 34:21

«Tuɗugi joɓogi Yawe kay u suu Israel suu hin ndena kay suu Yudana kay dla magaara gaɗta ta agi faɗ ay wandara kay yara vi Yawera tok kaygi ni ŋgol cocoo, kay ana somoyoygi li ka u gaɗta vi Yaweraɗi, li ka u dlara ɓiiri hu magaa ndaɗtara belɗi.»

KALKIRA 32:14

Yawe hin hin dla mayra nam gin a ɓalak suu Israelna kira.

EZAYI 26:21

Kay Yawe kal ay ki vo hu ziim a sa sugul ci maɗ masina, ni kay suu hu duliyarna halaŋ. Ndaŋgara hin tak busu ma vo ki kaɗna kiyo. Ndaɗ ka baa yam suu casi kina oloɗi lay.

EZAYI 37:1

Hu li ma mulna Ezekiyas hum boy namma na ni, nam haa baraw mamma kiyo, cuk baraw bolna egemu, tuɗ hu Ziŋ Yawera.

EZAYI 37:4

Kala, Yawe, Looŋŋa, hum boy ma sa ma ŋgol kaŋŋa vi suu Asirina ma mul mamma damma ayna wa, sunum ay a ŋgul Lo ma iirina, a kaam ɓakŋa kam kay boy ma co ma nam damma ko Yawe Looŋŋa humba na. Aŋ cenem kay u suu hin ka nde wanna.»

JEREMI 26:15

Agi wi ki kagi ana lini agi can ki wa ni dlara hin vagi ni agiya. Agi tagira lay ɦoŋzi namma u suu hurumma lay. Kay agi ci ki ni sa li va kaɗina. Gasi daŋ may ni Yawe sunun ay ana an dagi boy namma ki agi humumu ni namu.»

JEREMI 26:3

Asi li hin hum kala, li hin hom ki kay dlaasira cora kay dla cora asi laɗta kala, an hin doorosi dla cora an tinisira kasi ginda ki kala kay dla cora asi laɗta.

JEREMI 44:7

Cecem wanda ɗaŋŋi Yawe ma Saɓakŋa, Lona vi Israel, ɓak anaba, ni kay me agi tuɗ fok u lira lagi dla cora eg tagira na gak gak ge? Ta ta gagi njafaagi ki hu Yuda ge? Njufiina, boyogina, kemba vuɗ wilira u suu fun pona tuna lay, hin sa ka iiri na dewɗi.

AMOS 7:3

Yawe hin hoŋ tii tamu, «Dla ndaɗta ka liɗi.» Yawe di na.

HABAKUK 2:10

Aŋ col ni a mbuɗ ziiŋ ki zolona, ci suuna ki bolowra ni aŋ ci ki ni iiri maŋga may.

ZAKARI 7:2

Bethel Saresser ŋgol asgaa suu vi mulna na u suu mamma cuk suuna tuɗ eg Yawe a heɓem hurumba.

MATIYE 23:35

Ni kay ndaɗta suu ɗegee suu asi casi ki na, busuusi hin hin ni kagiya. Busu Abel ma ɗegeena u busu suu hiŋŋa halaŋ, gak gak, tew busu Zakari, goŋ Barasina, ma agi cam ki hu Ziŋ Lonara bay nam tew givin ma togolla tuna, busuusi namma halaŋŋi hin ni kagiya.

SUNDA 5:39

Lini sun masira mbay gasi ni vi Lona ni, agi ka ndak a ɓeŋeɗ kiɗi. Gologi tagi jiviya lagi ko agi ni suu duu u Lonna naɗi.» Suu tokina vi u boyna vi Gamaliyel.

WIRA ŊGAYRA 16:6

Asi ni suu ci suu vi Lona u suu jok vun Lona ki layna cemi aŋ ɦasi busuna asi camu, asi fi ni warak masina.»