JEREMI 26:13 - Boy Lonana

¹³ Cecem wanda mbuɗugi tuɗ magira u dlara agi laɗta ki zeɗ, humugi yira Yawe Loogina yagira, Yawe hin doo dla cora nam a lagira gin egegira kiyo.

JEREMI 26:13 Iomraidhean Croise

KALKIRA 32:14

Yawe hin hin dla mayra nam gin a ɓalak suu Israelna kira.

EZAYI 1:19

Lini agi humunu ni agi hin ti tlesuu jivi suu hu mbas ndaɗtana ni agiya.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

JEREMI 11:4

Ta an ɓakaɗ dlaɗ ay maŋ somoyogi hu li ma an cukusi ay ki hu mbassa Egiptera, hu li ma kura cocona. Humungi delenu, takangi dlara an ɓakagirara ki kiɗiki. Na ɗaŋŋi agi hin mbuɗ ki suu mansina may. An hin mbuɗ ki Loogina may.

JEREMI 18:11

Cecem wanda aŋ tuɗ di suu Yudana u suu Yerusalemma, Yawe ɓak ana, «An hin tinigi dla cora kagiya. An hin faɗ vun dlaanda ki egegiya. Gegelay hom dla coomba ki gasi, mbuɗugi tuɗ magira jiviya, mbuɗugi dlaagira agi laɗta ki jiviya.»

JEREMI 18:8

Lini suu asina hom ko dla cora an tinisira kasirawa ni, an hin ka lasi dla cora an a lasira gin egesira oloɗi.

JEREMI 26:19

Na ni mul ma Yudana, Ezekiyas, u suu mamsina hin cam ki su? Asi hoŋ yasi ga u Yawe ni hoŋi na ɗowɗi su? Yawe hin doo dla cora nam gin a lasira egesira ki kasiya. Aygi may ɗaŋŋi hal a laygi ni dla cora.»

JEREMI 26:3

Asi li hin hum kala, li hin hom ki kay dlaasira cora kay dla cora asi laɗta kala, an hin doorosi dla cora an tinisira kasi ginda ki kala kay dla cora asi laɗta.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 36:3

Kala suu Yudana hin tin saarasi kay dla cora an di kaɗ ana hin lasira egesiyara kala, a gegelay hin hom ki kay dla coomba u tuɗ mamba cora, a an hin ɦasi gira kay maɗ ma asi camma u cora asi laɗta.»

JEREMI 38:20

Jeremi dam ana, «Sa hin ka ɦaŋ kiɗi, hum del Yawe u dlara an daŋgara aŋ hin kak jiviya, hin suɗ ki lay.

JEREMI 42:10

Lini agi vi kagi a kak hu mbas ndaɗta ni an hin hoŋogi balamagiya. An hin ka paliyagi ki oloɗi, an hin hoŋogi balamagiya ka paɗagi kiɗi. An hin minigi ii dla cora agi laɗta.

EZEKIYEL 33:11

Dasi ana Bu Suuna suu tam u iiri mamba. Di ni Bu Suuna Yawe, an furi saɓaki ni kay miɗ ma vi suu li dla cora su? Ni na ɗow ana sa ma li dla cora mbuɗ poy mamba nam kak iiriya, hoŋogi aya hoŋogi ay hin poy magira cora kiyo, agi min a ba tagi ki ni kay mege, agi suu Israelna?

JOEL 2:14

Sa wi ana nam li ka yoo tam tu olona ni gege, ŋgoo dagan wanni nam hin hin paɗvun mamma kay ɦalla ɦawara u ɓivun ma lira maŋ Yawe Loogina.

JONAS 3:9

Sa ndak wiɗi lini Lona hurum heɓa, hin mbuɗ hurum a hiniygi kalage, hu li namma aygi ka ndak a ba kiɗi.»

JONAS 4:2

Nam cen Yawe di ana, «Ҥii, Yawe ni boy ma an dam hu li ma an ay hu mbas mandanaɗi su? Kay ndaɗta an mbuɗ a pii ki a tuɗ hu Tarsis ni naɗi su? An wi ki jivi ana, aŋŋi Lo ma jivina ma wi hahaw suuna, huruŋ ka mbuɗ ya zakgi, huruŋ oy u dlara jivira, aŋ ndak hoŋ ay kay dlaaŋga aŋ daɗ a li cora eg sanara.

GA 8ATAMBARA 32:36

Yawe hin kaɓakŋa kay suu mamsina, humum hin gam kay suu mam suu sunda, hu li ma nam wasi asi mbuɗ ki maŋi cocona, sa ma njun kasi ka oloɗi layna.

HEBRENA 5:9

Hu li ma nam mbuɗ ki pasiyakŋa ni nam mbuɗ ni sa ma ɦal suɗta bay daɓpa, maŋ suu hum umma halaŋ.

SUU KAƁAKŊA 2:18

Hu li ma Yawe manasi suu kaɓakŋa fokosina ni, Bu Suuna ka u sa ma kaɓakŋa hu li nammana. Nam buɗusi ki ko suu babali masisina hu li ma sa kaɓakŋa ka iiri tuna halaŋ. Kay Yawe humusi tii masi ma ko suu babali suu ka lasasina. Yawe humusi yoo masira.