JEREMI 24:10 - Boy Lonana

¹⁰ An cukusi ŋgewiina, baktarra u tuguɗi bora kasi ta ta asi bulum ki kay ndaŋgara an ɦasira ki u somoyosira.

JEREMI 24:10 Iomraidhean Croise

1 MULINA 14:15

Yawe hin ci suu Israelna. Asi hin mbuɗ ɦulul kolo ko ndal cerewna gasi kolo duk mbona fun lummara na. Nam hin dik suu Israelna ki hu mbassa jivira nam ɦaɗ ka maŋ somoyosira. Nam hin njayasi ha ki ŋgoo lumma ŋgolna ii ma hiniŋŋa. Kay ana asi min fulina ma asi a goɓomma kay tasiya. Asi duu ni u Yawe.

EZAYI 51:19

Dlara hahawra mbay kaŋ na mba'. Mbas maŋga ɓalak kiyo, may ŋgolla ndi kay suu maŋsina, duuna lay, sa ma hin mba egeŋ a ɗiliŋ iriŋŋa ni gege?

JEREMI 14:12

Lini asi li laara lay, an ka humusi tii masinaɗi. Lini asi lan ɓivun ma ŋgalam kina u ma ɦawana lay ni, tle asina hurun ka vasiɗi. An hin casi ki u ŋgewra u baktara u tuguɗi bora.»

JEREMI 15:2

Lini asi joɓoŋ anaba, «Ami tuɗ ni arage?» Ni aŋ hoŋosi dira anaba, «Yawe ɓak ana, Maŋ maɗna, sa ki maŋ maɗna na. Maŋ ŋgewra, sa ki maŋ ŋgewra na. Maŋ mayra, sa ki maŋ mayra na. Maŋ mbaɓura, sa ki maŋ mbaɓura na.»

JEREMI 16:4

Mayra hin casi ki ni ndaɗu. Sa hin ka tiirisi maɗasiɗi lay, ka wasi ususiɗi lay. Asi hin li ni ko tlesuu cim ndaŋgarana na. Asi hin miɗ ki ko ŋgewra u mayra. Maɗasi hin li ni tlesuu layagi suu pii huulonana u mburi suu kay ndaŋgarana Komosina.

JEREMI 19:7

Hu li namma an hin mbuɗ boy ma vi Yudana ki dlara bay uɗta, dlara vi Yerusalemba lay, an hin casi ki u ŋgewna fok suu babali masisina. An hin yow suu min a casi kina cukusisina kasiya. An hin ɦasi maɗasi ki maŋ layagi suu pii kolo huulonana u mburi suu kay ndaŋgarana a tiisina.

JEREMI 21:9

Sa ma hin kak hu ɦoŋzi nammana hin cam ki u ŋgewna, baktarra u tuguɗi bora. Sa ma hin kal ay ki ŋgaf suu Kalde suu casi kina hin kak iiriya. Nam hin furi kay ana iiri mamba suɗ ki wa.

JEREMI 27:8

Na ɗaŋŋi njaf suuna u muli suu ka min a sunumbina nam tamba Nabukodonosor, mul ma Babilonna, ka tin delesi kaŋga u mbal ma vi mul ma Babilonnaɗi na, an hin ci suu asina ki u ŋgewra, mayra u tuguɗi bora. Yawe di na ta ta asi ɦoɗ njayra ki konu.

JEREMI 29:17

Na ɗaŋŋi Yawe, ma Saɓakŋa Kom Belna ɓak anaba, an hin cukusi ŋgewra, mayra u tuguɗi bora kasiya. An hin lasasi ko ndal tulum ma ki loɗina sa ka tam oloɗina na.

JEREMI 29:18

An hin ciɗisi usi u ŋgewra, mayra u tuguɗi bora. An hin mbuɗusi ki va takka maŋ suuna a asi ɓakaɗ tew tew li ndaana may. Ni dlara hahawra suuna hin tii koɗta, kay njaf suu an njayasi kina humusi hin gasi hu li ma asi min a li dla corana.

JEREMI 32:24

«Sunda ŋgolora ka mba eg ɦoŋzina tok, dik u suuna kolo u ŋgewna mayra hin ci suuna lay, tuguɗii bora lay. Ҥoŋzi namma mariyaɗ ni hin hin tam maŋ suu duu suu Kaldenaɗi su? Dlara aŋ daɗta mba wa. Aŋ may ni gol ni u iriŋ ɦawaa.

JEREMI 32:25

Aŋŋi sa danna, Bu Suuna Yawe, ana an gus senena warakam begera kiyo, yi suuna ay duku. Na ɗaŋŋi ɦoŋzina hin ɦal tam ki maŋ suu Kalde suu duuna.»

JEREMI 34:17

Na ɗaŋŋi Yawe ɓak anaba, Agi humun vunun ka kay cukka cuk gorsegina u ndarayagina kira kaɗi ni, an may ni hin vi vunun kagiya, Yawe di na, cagi ki u ŋgewiina, u mayra, tuguɗi bora lay. An hin mbuɗugi ki a va ma tak ma suuna halaŋ u suu muli suu kay ndaŋgarana lay li ndaana komma.

JEREMI 42:17

Suu war suu hin cuk tasi hu voɗta tuɗ ŋgay tasi ki hu Egiptena hin casi ki u ŋgewra, mayara u tuguɗi bora. Sa hin ka suɗ kiɗi, ka hin iiriɗi lay ko dla cora an mbaasira ay kasira.

JEREMI 42:22

Cecem wanda agi ndak wi ki kagi jivi ana asi hin cagi ki u ŋgewra, mayra u tuguɗi bora hu li ma agi min tuɗ a ŋgay tagi huna gaw.»

JEREMI 5:12

Asi tin vunusi kay Yawe di ana, «Nam ka iiriɗi. Dla cora ka mba kaygiɗi. Ŋgewra hin ka caygiɗi lay. Mayra hin ka caygiɗi lay.

JEREMI 9:15

An hin njayasi ki duk njaf suu asi tasira lay. Somoyosi lay wasi kaɗina an hin gasi ŋgewra kay ceeresi naa su ta ta daɓasi ki cira tuwa.

JEREMI 9:16

Na ɗaŋŋi Yawe, ma Saɓakŋa Kom Belna, ɓak anaba, jokogi tagiya, mbaagi boyogi suu tiina aya. Yagi boyogi suu wi yal tiina ɦayna asi mbaya.

EZEKIYEL 33:27

Aŋ tuɗ dasi ana, Bu Suuna, Yawe, di ay ana, an suu tan u iiri manda, suu may suu ka vo ɦoŋzinana suu duuna hin casi kiyo. Suu ha ki ŋgoo bagina an hin cukusi vabakgina kasi vasi ki may. Suu ka ki ŋgay hu ŋgil goyra u huɗugumbana tuguɗi bora hin casi ki may.

EZEKIYEL 6:11

Gola, ni dlara Bu Suuna, Yawe, daɗta, «Koogi kogiya, cagi segi kaŋgaa di ana ndak wa na ga, dla cora, givun ma kay suu Israelna, ana ŋgewna hin casi kiyona, mayra hin ndi kasiya u tuguɗira zeɗ zeɗta lay ndak wa.

EZEKIYEL 7:15

«Ha ki kiɗikŋi ŋgewna kaa. Vo hu zina ni tuguɗira u mayra ka may. Sa ma tuɗ ha ki ŋgoo fun duunana ŋgewna camu. Sa ma ka vo hu zinana mayra u tuguɗira cam ki may.

GA 8ATAMBARA 28:21

Yawe ndak a cukugi tuguɗira cora kagi daɓagi ki ndeŋ ndeŋ bay agi a tew hu mbassa agi min a tlaɗ ki wandara.

WIRA ŊGAYRA 6:8

An gola ni wi kulumma tam buf bufu, sa ma fuli kamma sem ana Miɗna, sa ma tuɗ umma ni hu lina vi suu miɗina. Ndaŋgara ɓorowi duk fiɗira ɦasi eŋga kay keŋ maa dew asi tuɗ ci suuna ki u ŋgew ŋgolna huwa, u mayra ŋgolla, u tuguɗira, u vabaki suu co suu kay ndaŋgarana.