JEREMI 23:9 - Boy Lonana

⁹ Kay suu jok vun Lona, an tanda mbuɗ ki ndaana, tliw tan halaŋ dlaka. An mbuɗ ki ko sa guruɗ kina na, ko sa ci summana na, ni kay Yawe ni kay boy mamma teteɗna.

JEREMI 23:9 Iomraidhean Croise

SOOLLA 60:3

Ҥi, Lona, aŋ hinimi kiyo, aŋ njayami kiyo, aŋ mbuɗ ki yara egemiya, cemi aŋ hoŋomi ay wa.

SOOLLA 69:20

Aŋ wan asi ka ŋgulunu, panan lay, mbuɗun ki zolona, suu babali mansina halaŋ ka njari fokonu.

EZAYI 28:1

Hahawra ka kay mulla Efrayimba, bibiŋil maɗta tak ki kolo kay suu ŋgolo maɗsina ko ɓo tlena na, asi tew tew gurɗiya, asi li mbul ma jivina kasiya, na may tew tew ni asi ki gurɗi buuri ga u summa.

EZAYI 29:9

Dlakagi ŋgusugiya, agi viɗ ki duk na viɗ. Agi mbuɗ ki dugiya, lakagi dugiya. Agi ki guruɗiya, may guruɗ ka ni u summaɗi, agi viriw tuɗta hu voɗta, may ni ka u sum ma yaɗi.

EZAYI 51:21

Na may cemi humugiya, agi suu las cocona, suu yagi ay homi gana, suu lassa guruɗugi ay kina, ni ka guruɗta u sumaraɗi.

EZAYI 6:5

An ɓak tan ana, «Hahawra ni kanu, an ba ki wa, kay anni sa war ma vunum njenjena, an kaki ni duk suu vunusi njenjena may, irin wi mulna, Yawe, ma Saɓakŋa Kom Belna.»

JEREMI 20:9

Hu li ma an di ana, «An hin ka ɓak boy namma oloɗi, an hin ka ɓak boy u sem oloɗina», nam mbuɗ ki hurun kurufu ko kura ŋgalla na, a tliw tan ki gii daŋgayna an loɓ tan ana an daɓam hurunu may an ka ndakgi.

JEREMI 36:16

Humba asi hum boy namma ki na halaŋ halaŋga ni asi mbuɗ ki ndaana cocoo. Ŋgoo dagan asi di Baruk ana, «Ami hin ka maa boy namma bay jokom ki maŋ mulna bel belɗi.»

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

JEREMI 8:18

Yaanda sa ka faɗ kumu kaɗɗi. Mbalatan halaŋ ki mbuɗi yaa.

JEREMI 9:1

Li ni li ma buu ka gin kan hu fulla duk suu tuɗ koyra ni, an hin suu mansina ki huwa. Asi halaŋŋi suu li zoŋga, suu dlasi cona.

YOORA 3:15

Nam murɗun ki u dla cora, nam gurɗun ki u boy ma dira.

EZEKIYEL 13:3

Bu Suuna, Yawe, di ana, Hahawra kagiya, agi suu jok vun Lona suu bay yalna, suu di dlara u min masira bay wi va ay tu layna.

EZEKIYEL 9:4

Yawe dam ana, «Tuɗ ha duk hu ɦoŋzina hu ɦoŋzi ma Yerusalemma, ɓii lomorora ki vok suu may suu ka yoo tasi ko dla cora li dukusi wanda halaŋ halaŋ.»

EZEKIYEL 9:6

Suu maana, gorozoŋina, njufiina u gorɓiina, gorkemba u boyogina, agi casiya ta ta daɓasi kiyo, na may suu lomorora ki tini vogosina agi ŋgenesiɗi. Agi gijaŋŋa ha ni hu Ziŋ ma Teteɗna.» Asi gijaŋŋa ha ni u suu ŋgolo suu laki fun zirana.

DANYEL 8:27

Na ɗaŋŋi an Danyel mbuɗ ki maŋiya, an mbuɗ tuguɗiira buuna bolowo. Olo an col kolo gijaŋ sunda vi mulnara. An mbuɗ ki ndaana ko tlesuu an wasina, sa dew lay ka wi u tle asinaɗi.

HABAKUK 3:16

An hum na ni hurun ɓeŋ ki ni na gaw. Vunun dlak ko vun namma, tan mbuɗ ki maŋira gaw, an kak hu li ma dewna hurun ki ɓeŋiya. Kay an ndak juɓ buu ma ɓeŋga ka ŋgen tan a tuɗ li yara u suu duu u aminaɗi.

ROMMA 7:9

Ay hu jewra bay gaɗta wanni an iiriya, hu li ma gaɗta mba mbani cora mbuɗ iiriya,