JEREMI 23:8 - Boy Lonana

⁸ May ɗaŋŋi asi hin di ni na ɗow ana, «Yawe ka iiriya, ma cuk suu Israelna ay kina, ma mbaa goryoŋ suu Israelna ay ki hu mbassa mbayawra, hu mbassa an njayasi ki kaɗta halaŋ a asi mba kak kay ndaŋga masira.»

JEREMI 23:8 Iomraidhean Croise

EZAYI 11:11

Hu buu namma ni Bu Suuna hin maɗ kom njun kay suu mamsina a yamba mbara, kay a buɗ u suu mam suu hin ay ko suu Asirina u suu Egiptena ndena kira, suu ay hu Patros, Kus, Elam, Sinear u Hamatna u suu ay kay daara duk lum ŋgolnana may.

EZAYI 14:1

Yawe hin wi hahaw Yakob. Nam hin man suu Israelna olo. Nam hin hoŋosi ay hu mbas masira. Suu koyogina hin taɓ ay u asiya, asi hin cuk tasi duk suu vi Yakobma.

JEREMI 16:14

Na ɗaŋ buuna mba wa, Yawe di na. Hu buu namma wanni sa hin ka di ana, «Yawe ma sel suu Israelna ay ki hu mbassa Egiptena ka iiri» ɗi.

JEREMI 16:15

May hin di ni na ɗow ana, «Yawe ma sel suu Israelna ay ki hu mbassa mbayawra, ay ki hu mbassa nam njayasi ha ki huruɗta halaŋŋa.» Gasi, an hin hoŋosi ay hu ndaŋga mayra an ɦaɗ ki maŋ somoyosira.

JEREMI 23:3

«An may ni hin tok u suu man suu hinna kay tasiya, hu mbassa an njayasi ki hura halaŋ. An hin hoŋosi ay hu kaana asi hin zul coco lay, fi begera coco lay.

JEREMI 29:14

Agi hin fan may. Di na ni Yawe. An hin hoŋogi balamagiya, an hin tokogi eg tagi u njafagi bel, ay hu li ma an njayagi ay ki huna bel may. Di na ni Yawe. An hin hoŋogi hu li ma an yowogi ay huna may.

JEREMI 30:10

Aŋ saan ma sunda, Yakob, li ndaaɗi. Di na ni Yawe. Hin tok a asi kak ki Israel. An hin buɗuk ay ki hu mbassa dayra, njafak lay hu ndaŋgara agi ay ki ŋgayra huruɗta. Yakob hoŋ aya, nam fi saɓakŋa wa, nam ki kaki na en, sa mbuɗum ndaa ka oloɗi.

JEREMI 30:3

Buuna hin mbaa, Yawe di na, an hin hoŋ suu man suu Israelna u suu Yudana aya. Yawe di na. An hin hoŋosi ay hu mbas mayra an ɦaɗ ki maŋ somoyosira. Asi hin tlaɗ a jona.»

JEREMI 31:8

An hin mbaasi ay ki hu mbassa ii mbayawra, hin tokosi eg tasi hu vun ndaŋgara ma daɓma. Dukusi ni suu dugina ka lay, suu dalira ka lay, boyogi suu wiina ka lay, suu ndak ki a vuɗtana ka lay. Asi hoŋ ay tani suuna bolow cocoo.

JEREMI 32:37

«An hin tokosi ay eg tasi ay hu mbassa an njayasi ha ki hura halaŋ halaŋ u yaandana u hurun ma ɓeŋi cocona lay. An hoŋosi ay hu li namma an hin kakasi hu u heɓpa a fafaɗta.

JEREMI 8:3

Suu hinna halaŋ, suu hin iiri hu njaf suu co asina, hin min maɗna ŋgolla su iirira, suu hin hin iiri hu li ma an njayasi ki huna halaŋ. Yawe, ma Saɓakŋa Kom Belna, di na.

EZEKIYEL 28:25

«Bu Suuna, Yawe, di ana, hu li ma an tok yam suu Israelna ay ki kel tasi hu li ma an njayasi ay ki huna halaŋ halaŋ, an hin tak teteɗ manda ki dukusi ii njaf suu daŋŋa halaŋ. Asi hin mba cuk ziisi ki hu mbas masira, mbassa an ɦaɗ maŋ saan ma sunda Yakobpa.

EZEKIYEL 34:13

An hin koɗosi ay ki duk suuna, suu ay ki hu mbassa daŋga zeɗ zeɗna an hin tokosi yasi ay ki halaŋ halaŋ, hin mbaarasi ay ki kay ndaŋga masira. An hin taarasi kolo kay ɦinira vi suu Israelna kaŋga hu ɦuɗugumba lay, hu li ma cuk zina lay.

EZEKIYEL 36:24

«An hin taaragi ay ki duk njaf suu ɦawana. An hin tokogi ay ki ni hu mbassa daŋga zeɗ zeɗ halaŋ. An hin mbaaragi ay ki kay ndaŋga magira.

EZEKIYEL 36:35

Suuna hin ɓak kaɗ ana, mbassa sa li ka horok huɗira, mbuɗ ki ko ndal sene ma Edena ɦawa na. Ҥoŋzi ma li ki tooy kaŋgana, u zigini suu li ki tooyna mbuɗ mini saɓak cocoo. Suuna cuki hu lay.

EZEKIYEL 37:25

Asi hin lakŋi hu mbassa an ɦaɗ maŋ saan ma sunda Yakobpa. Mbassa somoyogi ay jew cuki hura. Asi hin cuk huruɗ ni asiya. Goryosiya u goryoŋ goryosina lay lak huruɗ a fafaɗta. Saan ma sunda David hinni mul masina a fafaɗta may.

EZEKIYEL 39:28

Asi hin wi ki ana anni Yawe, Loosina. Kay hu li ma an njayasi ay ki duk njaf suu daŋŋa ni an hin tokosi ay vo balamasi kay ndaŋga masira. An ka hinisi ha ki hu li namma oloɗi.

MISE 7:15

Ko ndal hu buu ma aŋ kal ay ki hu mbassa Egiptera na, an hin takam dlara mbuɗ mbuɗ manda.

SOFONI 3:20

Hu buu namma an hin hoŋogi ay voo, hin li ni hu buu ma an hin tokogi kay tagina. Segi hin tii ki kay yam mbassa, an hin mbuɗugi suu ŋgolona duk suu kay ndaŋgarana, Yawe di ana an hin mbuɗugi dlaagira jewra ki jivira ni irigi gaw.