JEREMI 23:5 - Boy Lonana

⁵ Buuna hin mbaa, Yawe di na, ma an hin ɦal goona hu njafna vi Davidna. Nam hin ti mulla u saɓakŋa. Nam hin njun kay ma ɗegeena u ma jivina hu mbassa.

JEREMI 23:5 Iomraidhean Croise

2 SAMUEL 23:3

Lo ma vi suu Israelnana di kiyo. Ҥinira vi suu Israelnara dan ki ana, sa ma ti mulla kay suuna u jivirana. Sa ma ti mulla u ndaa ma vi Lonana.

SOOLLA 45:4

Njun ŋgew maŋŋa huruŋu, mul ma duuna, malaŋ ŋgolla ma suuna ŋgaam bel belna.

SOOLLA 80:15

Lona ma Saɓakŋa Kom Belna, hoŋ aya, aŋ ay huulona day ni gol iriŋ aya, wiya doo ay kay sene gugutlu namma.

SOOLLA 99:4

Saɓak ma vi mulnana ni kay min gasira. Aŋ tin gaɗta ni aŋu. Gasira u ɗegeera ni hu Yakob, aŋ lasi ni aŋu.

EZAYI 33:5

Yawe ay kolo kay tlena halaŋ kay ziimma ay ni koloo, nam oy ɦoŋzi ma Siyonna ki u ɗegeera u kaɓak ma gasina.

EZAYI 4:2

Hu li namma ni Yawe hin day ii ŋgusna koloo, humum ɗuf lay. Ŋgus namma suuna hin ŋgaam cocoo, vuɗ dlara hu mbas ndaɗtara hin li ni furira u ayra maŋ u suu Israel suu hin ndena.

EZAYI 42:6

Ni an Yawe, an yaŋŋi u gasira, an vaŋ koŋ kolo wa, an ka goloŋu, a aŋ faɗan vun galam manda an vaɗ u njaf suu warnara kiyo, aŋŋi sa ma hin takasi kiɗikka kina.

EZAYI 45:24

Asi hin di ki u vunusi ana, suɗta u saɓakŋa ni vi Yawe dew daŋ. Suu ŋgulunna halaŋ hin mba ki fokonu, asi hin mbuɗ ki zolona.

EZAYI 52:13

Bu Suuna di ana, saan ma sunda suuna hin ŋgaamu, dlara nam a laɗta nam hin faɗu.

EZAYI 53:10

Yawe min a las saam ma sunda nam hin iiri mamba ki kayra vi suu daŋŋara. Nam hin wi njaf suuna ha fokosiya, fokosiya. Buu mam ma hu duliyara hin ɦuɗ foko, minda vi Yawera hin li kiyo.

EZAYI 53:2

Sa sunda wul fok Bu Suuna ni ko gu ma saariyam kal hu li ma bay yona na. Nam ka gol jiviɗi lay, va ma bibiŋil ka egembi lay. Suuna golom na ni taɗ yasi kiyo, va ma ii sa jivi ka egembi lay.

EZAYI 9:5

Kay vuɗuygi gogoo maa ka dew. Goona ka dew ɦaygina aya, Lomoro ta mulla ay ɓali bikimu. Suuna hin njaɗ ha ki kay semu. «Ma jivi cocona, ma haɗ suuna, Lo ma saɓakŋa, Buy ma din dinna, mul ma heɓpa.»

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

EZAYI 9:7

Bu Suuna kaɓakŋa kay njaf suu vi Yakobma, ɓak namma ndi ni kay suu Israelna.

JEREMI 22:15

Aŋ saa ana aŋ hin ti mulla ni u takka aŋ tak taŋ ki ko gu ɦoyna nara su? Buŋ ti tlena kaɗi su? Ci kaɗi su? Doo ka kay jivira u ɗegeeraɗi su? Nam hin fi jivira ni na.

JEREMI 22:3

Yawe ɓak anaba, njunugi kay ma ɗegeena u ma jivina, buɗugi suu suu saɓakŋa lasasina kiyo, lasasiɗi, lasagi sa mbay ŋgayra varaginaɗi. Goo haw kuyuna u cara donoraɗi lay. Voogi busu suu li va kaɗina kaŋga hu li nammaɗi.

JEREMI 22:30

Yawe ɓak anaba, ɓiirigi kay sa namma, «Sa sunum kaɗina, goo ma li dlara jivi ka na ndeɗi layna.» Duk goryom halaŋŋi ma hin li dla jivi dew kaɗi, ma hin kak kay mulla vi Davidta, a gol u mulla vi Yudara kaɗi.

JEREMI 23:6

Hu coki mamba ni Yuda ki suɗiya. Israel kak u heɓpa. Gola ni sem ma asi hinimma kamma, «Yawe ni ɗegee maygira.»

JEREMI 29:11

An wi dla mayra an vi vunun kaɗ a lagira egegira. Di na ni Yawe. Ni vi vun ma ɦagi begera, ka vi vun ma mbuɗugi hahawɗi. An hin ɦagi jivira, agi hin saa kan may.

JEREMI 30:3

Buuna hin mbaa, Yawe di na, an hin hoŋ suu man suu Israelna u suu Yudana aya. Yawe di na. An hin hoŋosi ay hu mbas mayra an ɦaɗ ki maŋ somoyosira. Asi hin tlaɗ a jona.»

JEREMI 30:9

Asi hin sunni Yawe, Loosina u David mul ma an hin tinim kasina.

JEREMI 31:27

Buuna ka mbaa, Yawe di na, ma an hin zaa njaf suu Israelna u suu Yudana ki a njaf suu warna, njaf mburina lay.

EZEKIYEL 21:27

Hu kom ma njufna ŋgaɓpa ndi ni kay Yerusalem ana, vin ni asi hin tin gu ma to gulummuna kiyo, ɦal voɗta camba, tum soo mayra duuna, col gu ma to gulumunna vun grekŋa, mol tlena kolo kel tasiya, vek zulla ki hu voɗta may.

EZEKIYEL 34:16

Yoo ma viɗ kina an hin halam aya, ma tuɗ ki dayna an hin koɗom irim ay may. Ma gayam ki kusina an hin jakamu, ma tuguɗiira an hin ɦam saɓakŋa. Na may yoori suu ɗoori cocona u suu saɓak cocona, an hin baasi kiyo. An hin taa yoori mansina ni u ɗegeera gasira.

EZEKIYEL 34:29

An hin jivisi tlena hu sene masina cocoo, mayra ka a casi a viɗisi ki ɦoŋzina oloɗi lay. Njaf suu daŋ suu mba a lasi dlara zolo egesi ka oloɗi.

EZEKIYEL 45:8

Ko ndaɗta na ni mulina hin fi liisi ma lakka duk suu Israelna may, ni asi ka hin a ɦeɓ suu vi Bu Suunanaɗi. Asi hin u mbassa hin wanda ni maŋ suu Israelna may.

DANYEL 9:24

Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

AMOS 9:11

Hu buu namma ni an hin tli yam zira vi Davidta bowira kiyo, an hin miniɗ iriɗ ma bow kina lay. Min tlesuu ɓeŋ kina lay, an hin hoŋoɗ minda ko ndal ndaɗ ay jewra na.

MISE 5:3

Nam hin col kolo taa timigii mamsina u saɓak Yawena, u bibiŋilla vi sem Yawe Lonara. Asi hin kak kaŋgaa, kay nam hin li a ma ŋgolna ta ta keŋ ndaŋgara ma daɓ ayna.

ZAKARI 3:8

Hum haa, Josuwe, mul ŋgol ma li ɓivunna, aŋ u ndaryaŋ suu ka moli fokoŋŋa, suu asina ni va ma takka, An ka hoŋ saan ma sunda aya ma yam ana, gogor guna na.

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

MATIYE 2:2

Asi joɓ ana, «Mulna vi suu Juif ma vuɗ wilina ka ni arage? Ami ay u lo maɗiina, wi ciciwra ay kamu, ami mbay a goɓ ga fokomu.»

Boy Ma Ayra Ma JAŊ Ɓiirimma 1:45

Ŋgoo daganda Filip ŋgaf u Natanael dam ana, «Sa Moiz u suu jok vun Lona di kamma ami fam wa. Ni Yesu goŋ Yosef ma Nazaretna.»

Boy Ma Ayra Ma JAŊ Ɓiirimma 1:49

Natanael dam ana, «Mala Haɗta, aŋŋi Goŋ Lonna, Mulna vi suu Israelna.»

1 KORINTNA 1:30

Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma.

HEBRENA 8:8

Lona ka yal suu mamsina kay cora ko nam di hu magaara na, «Bu Suuna di ana buuna hin mbaa, hu li namma an hin vi galamba wilira u suu Israelna, ni suu hu njafna vi Yudana.

WIRA ŊGAYRA 19:11

An gol irin ha kolo ni wi huulona ki maliya, kulum haɓma kal ki kiɗiki, sa ma fuli kamma sem ana ɗegeena, gasina, ma kaɓakŋa, ma duu duu ma ɗegeena.