JEREMI 23:3 - Boy Lonana

³ «An may ni hin tok u suu man suu hinna kay tasiya, hu mbassa an njayasi ki hura halaŋ. An hin hoŋosi ay hu kaana asi hin zul coco lay, fi begera coco lay.

JEREMI 23:3 Iomraidhean Croise

SOOLLA 106:47

Suɗumi kiyo, Yawe, Loomina, tokomi ay ki duk njaf suu daŋŋa. Ami hin geleɗeŋŋi seŋ ma teteɗna, ami hin ɦaŋ ŋgolla ni maŋ aŋ dew.

JEREMI 16:15

May hin di ni na ɗow ana, «Yawe ma sel suu Israelna ay ki hu mbassa mbayawra, ay ki hu mbassa nam njayasi ha ki huruɗta halaŋŋa.» Gasi, an hin hoŋosi ay hu ndaŋga mayra an ɦaɗ ki maŋ somoyosira.

JEREMI 29:14

Agi hin fan may. Di na ni Yawe. An hin hoŋogi balamagiya, an hin tokogi eg tagi u njafagi bel, ay hu li ma an njayagi ay ki huna bel may. Di na ni Yawe. An hin hoŋogi hu li ma an yowogi ay huna may.

JEREMI 30:10

Aŋ saan ma sunda, Yakob, li ndaaɗi. Di na ni Yawe. Hin tok a asi kak ki Israel. An hin buɗuk ay ki hu mbassa dayra, njafak lay hu ndaŋgara agi ay ki ŋgayra huruɗta. Yakob hoŋ aya, nam fi saɓakŋa wa, nam ki kaki na en, sa mbuɗum ndaa ka oloɗi.

JEREMI 30:3

Buuna hin mbaa, Yawe di na, an hin hoŋ suu man suu Israelna u suu Yudana aya. Yawe di na. An hin hoŋosi ay hu mbas mayra an ɦaɗ ki maŋ somoyosira. Asi hin tlaɗ a jona.»

JEREMI 31:7

Na ɗaŋŋi Yawe ɓak anaba, lagi furira u Yakob, lagi tlesuu ti suu jivina maŋ mul ma vi suunana. Lagi furira, ayagiya, dagi ana, Yawe buɗ suu mamsina ki wa, suu Israel suu usi hinna.

JEREMI 31:8

An hin mbaasi ay ki hu mbassa ii mbayawra, hin tokosi eg tasi hu vun ndaŋgara ma daɓma. Dukusi ni suu dugina ka lay, suu dalira ka lay, boyogi suu wiina ka lay, suu ndak ki a vuɗtana ka lay. Asi hoŋ ay tani suuna bolow cocoo.

JEREMI 32:37

«An hin tokosi ay eg tasi ay hu mbassa an njayasi ha ki hura halaŋ halaŋ u yaandana u hurun ma ɓeŋi cocona lay. An hoŋosi ay hu li namma an hin kakasi hu u heɓpa a fafaɗta.

JEREMI 46:27

Na may aŋ, saan ma sunda, Yakob, li ndaaɗi, hin a dla ndaɗta suu kaŋgi, Israel. An hin buɗuŋ ay ki ko mbassa ay ki dayra, njafaŋ lay ay ki kay ndaŋgara asi ŋgay ki hura. Yakob hoŋ aya. Nam wi ki gasi wa. Nam ka kaki na en. Sa nam li ndaa kom ka oloɗi.

JEREMI 50:19

An hin hoŋ Israel hu liiɗ ma ti haɗna, ndaɗ hin taa kay Karmelna u suu Basanna asi hin hoɓ ki kay ɦinira Efrayim u Galaadta.

JEREMI 8:3

Suu hinna halaŋ, suu hin iiri hu njaf suu co asina, hin min maɗna ŋgolla su iirira, suu hin hin iiri hu li ma an njayasi ki huna halaŋ. Yawe, ma Saɓakŋa Kom Belna, di na.

EZEKIYEL 11:17

Aŋ dasi ana, Bu Suuna, Yawe, di ana, an hin tokogi yagi ay ki duk njaf suuna halaŋ, an hin tokogi ki hu mbassa agi njay ha ki huruɗta, hin ɦagi mbassa Israella may.

EZEKIYEL 36:11

Suu warna u yoorina an hin zuluk sina kak cocoo. Asi hin zul cocoo, hin vuɗ coco lay. An hin zuluki bolow a su jewra. An hin ɦagi tlena ni sura fok jewra. Agi hin wi ki ana anni Yawe.

EZEKIYEL 36:24

«An hin taaragi ay ki duk njaf suu ɦawana. An hin tokogi ay ki ni hu mbassa daŋga zeɗ zeɗ halaŋ. An hin mbaaragi ay ki kay ndaŋga magira.

EZEKIYEL 36:37

«Bu Suuna, Yawe, di ana, an hin li ko ndal wanda na olo. An tak tan ii suu Israelna a njun usi hu dlara fasira. An hin zulusi ko ndal yoori suu zuli hu kadlaŋgana na.

DLAŊ LEVIRA 26:9

An mbuɗ irinni egegiya, an hin zulugi cocoo, njafagi hin zula. An hin li galam manda u agira na gak gak.

MISE 2:12

An hin tokogi kay tagiya, suu vi Yakobma halaŋ halaŋ, an hin tok suu Israel suu hinna, an hin taɓasi dew ko ndal timigii suu vi Bosrana na, ko ndal yoorina ay hu li ma tira na. Del suuna hin kal ay ki dukusiya.

MISE 7:12

Hu buu namma asi hin hoŋ ay egeku, ay hu Asiri ta ta tew Egipte, col hu Egipte ta ta tew fun mbo lumma Efratna, fun mbo lum ma ŋgolna tew fun mbo lum ma ŋgol hiŋŋa lay, ay kay ɦinira ta ta tew kay ɦinira hiŋga lay.