JEREMI 23:2 - Boy Lonana

² Na ɗaŋŋi Yawe, Lona vi Israel, ɓak kay suu taaram suu mamsina tinisi kay haɗna na anaba, «Agi ni suu hiningi suu mansina kay tasi asi njay kina. Agi tin saaragi ka kasiɗi. Na ɗaŋŋi an tanda hin tin saaran kagiya, gagi daŋgayna kay dla cora agi laɗta.» Yawe di na.

JEREMI 23:2 Iomraidhean Croise

KALKIRA 32:34

Cemi aŋ tuɗa, tin suuna hu li ma an daŋ kamma, sa sun huulona manna hin tuɗ fokoŋŋi namu. May buu ma an mbay u tanda wa ni an hin cukusi daŋgayna kay dla coosira.»

JEREMI 10:21

Suu taa suuna ki giniŋi, asi ka hal Yaweɗi. Ni kay ndaɗta saɓakasi kaɗi, yoorina halaŋ hin ki kay tasiya.

JEREMI 11:22

Na ɗaŋŋi Yawe, ma Saɓakŋa Kom Belna, ɓak anaba, «An hin kaasi ɓakŋa kasiya, gor zoŋŋi masisina hin casi ki u ŋgewina. Goryosi suu njufiina u gorɓiina hin miɗ ki ko mayra.

JEREMI 13:17

Lini agi ka humbi ni, an hin mbuɗ tan ki hahawra hu liinna, kay ana dla ndaɗta ndakan wa, irin hin tii simina, tiira, mbus ki u simina, yoori suu vi Yawena tuɗ ki ni hu daŋgayna.

JEREMI 13:20

Tli iriŋ kolo gol haa, asi ka mbay mbayawi, yoori suu varaŋŋa ni arage? Timigii maŋ suu ŋgaaŋŋa ni arage?

JEREMI 13:21

Aŋ hin di ni me ologe hu li ma suu aŋ haɗasi ki u wihaw maŋgana, suu ki vo varaŋŋa hin mbuɗ ki iriŋ cora. Gasi tiitara hin faŋu, ko ndal cara hu buu ma vuɗta na.

JEREMI 17:10

An, Yawe, sa wi saa suuna, wi dlara hurusira lay, kaɓakŋa kay gegelay ni u dlaamba u sunumba nam laɗta.

JEREMI 21:12

Suu vi Davidna, Yawe ɓak anaba, kaɓak ma ɗegeena maɗii hu buuna tew tew, buɗugi suu suu saɓakŋa lasasina kiyo. Li ka naɗi ni yaanda hin mba kagi ko ndal kura na. Ndaɗ hin ŋgal lina, sa ka ndak a caɗ kiɗi, ko dlaasira cora asi laɗta.

JEREMI 23:34

Lini sa jok vun Lona ɗowba mul ma li ɓivunna ɗowba sa duk suuna daŋ ana, «Nekka vi Yawera ni an hin li dla cora eg sa namma u suu mamsina.»

JEREMI 44:22

Yawe ka a siɓ dla coogira agi laɗta oloɗi. Na may mbas magira mbuɗ ki ni sene ma jona. Li ma kiɗik kiɗik ma hahawra. Nam mbuɗ ki ni li ma suuna gi vunna maŋ tasi u namma. Suu hurumma casi ki halaŋ halaŋ. Gasi ni dlara ka cecem wanda.

JEREMI 5:29

Ni an ka ndak a lasi dla cora egesiɗi su? Yawe di na. An ka ndak a sa sugulun u suu co suu ko asi nanaɗi su?

JEREMI 5:9

Ni an ka ndak ɓak u asiɗi su? Yawe di na. An ka ndak sa sugulun u njaf suu ko asi nanaɗi su?

JEREMI 8:12

Asi ki viɗiya kay ana asi li dla cora ɦay, may asi ka mbuɗ zoloɗi, asi ka saa kay hahaw masiraɗi. Na ɗaŋŋi asi hin puk ki kaŋga ko suu hiŋŋa na. Hu buu ma kaɓakŋa ni asi hin ka fi sesi ma collaɗi. Yawe di na.

EZEKIYEL 34:5

Yoorina njay ki dew dew ni ko coogira. Asi hin ki ni a ti ma vi vabakgi suu ŋgoo bagina. Asi njay ki na dew dew.

Magaara Vi Sa Jok Vun Lona OZE 2:13

An hin bulumuɗ furi maɗta kiyo, luu maɗna lay, vun til maɗna lay, buu maɗ ma sabbatna lay, tok maɗta daŋga zeɗ zeɗta lay ki halaŋ halaŋ.

MISE 7:4

Ma jivi dukusina ni ko ndal wayra na, ma jivi suna ko ndal kaa wayra na. Hu buu ma suu maŋ suu golla yaŋŋa aŋ mbay dukusiya, cecem wanda asi viɗ ki wa.

ZAKARI 10:3

Yaanda ni kay suu taa yoorina. An hin kaɓakŋa ni kay ŋgekgina. Gasi Yawe, ma Saɓakŋa Kom Belna, hin gol yoori mamsina, zi ma Yudana. Nam hin col kulum mamma duuna huwa.

ZAKARI 11:16

Gola an ka tli sa taa yoona ay hu mbassa wanda, timiira ba kira nam hin ka caa yam kaɗɗi mayra viɗ kira nam hin ka halaɗ ay oloɗi, mayra dakka nam hin ka ciliɗ kiɗi, mayra garaŋga nam hin ka laɗ uɗɗi lay. Nam hin kom suu ɗoorina kiyo, kususi gayasi ki lay.»

MATIYE 25:36

An ay gandala ni, agi ɦan baraw ma cukka lay. Tan tanu ni, agi golon un jivi lay. An ay daŋgayna, agi heelen ay lay.»

MATIYE 25:43

An ay koyra ni, agi van ka varagiɗi. An ay gandala ni, agi ɦan baraw ma cukka kaɗi lay. Tan tanu ni, agi golon kaɗi. An ay daŋgayna, agi heelen kaɗi lay.

Magaara JAK Ɓiiriɗta 1:27

Vira gasi u voɗoɗta, ta Lona Buna goloɗ ko bay cora egeɗta na, ni gol gor suu kuyuna u boyogi suu donona hu wihaw masira jiviya, gol tam jivi ko dlara hu duliyara ka mbuɗ tam njenjeɗi may.