JEREMI 22:3 - Boy Lonana

³ Yawe ɓak anaba, njunugi kay ma ɗegeena u ma jivina, buɗugi suu suu saɓakŋa lasasina kiyo, lasasiɗi, lasagi sa mbay ŋgayra varaginaɗi. Goo haw kuyuna u cara donoraɗi lay. Voogi busu suu li va kaɗina kaŋga hu li nammaɗi.

JEREMI 22:3 Iomraidhean Croise

2 SAMUEL 23:3

Lo ma vi suu Israelnana di kiyo. Ҥinira vi suu Israelnara dan ki ana, sa ma ti mulla kay suuna u jivirana. Sa ma ti mulla u ndaa ma vi Lonana.

2 MULINA 24:4

Olo ni kay busu suu li va kaɗi ma asi voom ki kaŋga ɦawa bay uɗna. Dla co ndaɗta oy ki hu Yerusalem. Yawe ka min zi ma Yerusalem namma oloɗi, ka min a heɓ hurum eg zi nammaɗi.

JOB 22:9

Aŋ dik boyogi suu donona ni u kosi ma vadlna. Kus bik gor suu kuyuna ki lay.

JOB 24:9

Asi paɗ vun gogoo ma kuyuna ay ki fun pona. Suu hawra asi tinisi lamanna kasiya.

SOOLLA 68:5

Gagi soolla maŋ Lona, gagi soolla u semu, minigi voɗta Lona tuɗ hura kiyo. Sem ana Yawe, furiyugi fokomu.

SOOLLA 82:4

Buɗ suu maŋina kiyo, u suu hawra, buɗusi ki ko suu ka lasasina.

SOOLLA 94:21

Asi hal iirira vi suu ɗegeena, sa ma li va kaɗina asi halammi namu.

SOOLLA 94:6

Asi ci boyogi suu donona u koygina kiyo, asi ŋgaɗ gor suu kuyuna kiyo.

KALKIRA 22:21

Agi ka las cara donoraɗi, las go kuyunaɗi lay.

KALKIRA 22:22

Lini aŋ lasamu, nam yi ha kolo egen wa ni, an humum tii mamma.

VUN ŊGOLNA 23:10

Jak ki kay ii hakara somoyoŋ suu jewna ŋgaaɗ ka ki day dayraɗi. Kal ki hu sene ma vi goo ma kuyunaɗi.

VUN ŊGOLNA 6:17

Gol ii mayra ŋga tara u sinda kaboyna. Ko ma vo busu sa ma ɓalak va kaɗina kina.

EZAYI 1:23

Muli maŋsina mbuɗ ni suu babalira, taɓ vunsi ni u suu kulna. Asi halaŋ minni tlesuu suuna ɦasisinana. Asi cuɗ ni sem li ma a fi warakŋa huna. Asi ka li kem suu kuyuna jiviɗi, ka hum tii ma vi boyogi suu dononaɗi lay.

EZAYI 58:6

Laara an miniɗta ni ko wandara na. Buɗ zew yara hurugira kiyo, fokogi zew nek dlaagira cora kiyo, hin suu li sunda fokogina ki buɗiya, lassa agi las suu fokogina halaŋ hiniɗ kiyo.

EZAYI 58:7

Ni ana ɓorow fu ma aŋ tamma u sa ma mayra camma. Olo ni suu wi hawra zi ka kasiɗina minisi zina kasiya. Lini aŋ wi sa maa ki siili wa ni, ɦam barawna tamu. Aŋ ka njun huruŋ ki eg wayaŋŋaɗi.

JEREMI 19:4

Hu li ma asi noyon ki may, asi ɓeŋ li namma ki u ɓivun ma ŋgalam maŋ loogi suu daŋ suu loɓ tasi ay ka kasiɗi lay, ka kay somoyosiɗi lay, ka kay muli suu Yudanaɗi layna. Asi oy li namma ki u busu kem gorira li va kaɗira.

JEREMI 21:12

Suu vi Davidna, Yawe ɓak anaba, kaɓak ma ɗegeena maɗii hu buuna tew tew, buɗugi suu suu saɓakŋa lasasina kiyo. Li ka naɗi ni yaanda hin mba kagi ko ndal kura na. Ndaɗ hin ŋgal lina, sa ka ndak a caɗ kiɗi, ko dlaasira cora asi laɗta.

JEREMI 22:17

Iriŋ u saaraŋ tinira ni kay li ma aŋ a fi tlena huna, a vo busu sa ma li va kaɗina ki kaŋga lay. Li dlara eg suuna u saɓakŋa bay saara lay.

JEREMI 26:16

Suu maliyaŋ ndaŋgara u suuna halaŋ di muli suu li ɓivunna u suu jok vun Lona ana, «Sa namma agi vi ka lam dla co egembi. Nam ɓakaygi ni u sem Yawe, Looygina.»

JEREMI 5:28

Ɗoori coco lay. Asi ti u dla cora ni asiya. Asi ka ŋga sa ɗegeena oloɗi, ka saa kay sa kuyunaɗi lay, dlaasira li kosi jiviya. Asi ka saa kay dlaŋ suu hahawraraɗi lay.

JEREMI 7:23

An joɓosi ni ko wanda na, «Humungi vununu an hin mbuɗ ki a Loogina, agi may ni hin mbuɗ ki ni suu mansina. Tuɗugi jivi hu voɗta an takagirara, agi hin kak u heɓpa.»

JEREMI 9:24

Buuna ka mbaa, Yawe ɓak na, ma an hin kaɓakŋa kay suu caw ɗiwisi ki may, ɦal tasi ni hu tliwisi ɦawana,

YOORA 3:36

Hu li ma asi li dla cora eg sana hu li ma kaam ɓak mamma ni Bu Suuna ka wiɗi su?

EZEKIYEL 18:12

Nam li mbeleŋ ma yow begera vi suu wi hawra ki lay. Nam li dlara kulla lay, va ma nam deŋem ka balna nam ka hoŋommaɗi lay. Nam gol irimmi u fulina, li ni dla mayra cora tew tew.

EZEKIYEL 18:7

Nam ka li mbeleŋ ma yow va vi sa ki ɗi. Nam hoŋ va ma nam deŋem ka balnana kiyo. Nam ka kulɗi. Nam ɦal fuumma ki maŋ suu mayra casina. Sa ma ki siilina nam ɦam barawna egemu.

EZEKIYEL 22:7

Huruŋŋi sa ka hum vun bum u sum oloɗi. Asi las koyogi suu cuki dukusina cocoo. Huruŋŋi asi yow tlesuu vi gor suu kuyuna u boyogi suu doonora kiyo.

EZEKIYEL 45:9

«Bu Suuna, Yawe, di ana, Agi muli suu Israelna dla coogira buu ni ŋgol cocoo, ndak wa na ga, hin lassa agi lasan suu mansinara lagi ni dlara irin jivira na ɗow, ka agi dikin suu mansina ki kay mbas masira oloɗi. Hin njaf suu Israelna lak hu u mbassa hin wandara. Di ni Bu Suuna Yawe.

DLAŊ LEVIRA 19:15

«Kaagi ɓakŋa ni u ɗegeera, njun u sa ma maŋinaɗi, aŋ ka njun u sa ŋgolna ana nam ŋgoloraɗi lay, kaasi ɓakŋa ni u voɗom a asi ni gorseŋŋara halaŋ.

AMOS 5:15

Noyogi dla cora kiyo, minigi ni dlara jivira, kaagi ɓakŋa u voɗomu, kala Yawe Lona ma saɓakŋa hin wi hahaw suu hin vi Yosefna.

AMOS 5:24

Na may, ko sa ɗegeena li u saɓakŋa ko yo ma ɓaɗna na, gasira ko ndal mbo ma ka ci kiɗina na.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

MISE 6:8

Aŋ sana, asi haɗaŋ tlesuu jivina wa, tlesuu Yawe min ana aŋ lasiyana. Va daŋ kaɗi, ni humba gasira, minda ɗegeera may, tuɗta aŋ tuɗ hu voɗta vi Lona u voɗoɗta may.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

MATIYE 23:23

«Hahawra kagiya, agi suu wi magaara gaɗta u suu Farisenna, agi ni suu mbambana. Tlesuu ko derekka nana agi ɦasi yasi maŋ Lona. Doy ni agi hinigi gaɗta ŋgolora vi Lonara ki kaŋgaa. Gaɗ ndaɗta ni ana tuɗ u ɗegeera may, wi hahaw suuna may, tin huruŋ kay Lona may. Kay ndaɗta wanni, aŋ li hum u gaɗta gorira ni, hin ta ŋgolora ki bay liɗi.

GA 8ATAMBARA 10:18

Ma li ɗegeera kay gor suu kuyuna u boyogi suu donora, ma min suu poy kolona ɦasi tina u baraw ma cuk tasina.

GA 8ATAMBARA 24:17

Aŋ ka gus ɓakŋa a mbuɗ boy ma vi ŋgaynana u goo kuyuna ki coraɗi. Aŋ ka vi baraw ma vi cara donora balnaɗi.

GA 8ATAMBARA 24:7

Lini fi sa ma li dlara saɓakŋa vi wayam ma Israelna lasam ɗowba gusum ha kiyo, sa namma ni hin cam ki ni ciiya, bulumugi dla co ndaɗta ki dukugiya.

GA 8ATAMBARA 25:1

Hu li ma suu Israelna mba' ka ci wayra duk tasiya, agi tuɗusi ha fun suu kaɓakŋa, ma mamma jivina di ana mamma jiviya ma mamma cona di ana mamma coo.

GA 8ATAMBARA 27:19

«Sa may ma li ii sa ma poy kolona, sa ma kuyuna, u cara donora kay vaammana sa namma ba ki wa. Suu halaŋŋa hoŋ dira ana, Amin.

Magaara JAK Ɓiiriɗta 1:27

Vira gasi u voɗoɗta, ta Lona Buna goloɗ ko bay cora egeɗta na, ni gol gor suu kuyuna u boyogi suu donona hu wihaw masira jiviya, gol tam jivi ko dlara hu duliyara ka mbuɗ tam njenjeɗi may.