JEREMI 22:11 - Boy Lonana

¹¹ Gasi, Yawe ɓak kay Sallum anaba, goŋ Josiyasna, mul ma Yuda ma varak balam bum Josiyas, col tuɗ ki hin li nammana. Nam hin ka hoŋ ay oloɗi.

JEREMI 22:11 Iomraidhean Croise

2 MULINA 23:29

Hu iiri mamba Faraw Neko, mul ma Egiptena, col ay a taɓ u mul ma Asirina a njun kamba mba fun lum ma Efratna, Josiyas ka min a hinisi a jakgi. Asi wam may ni, cam ki hu Megido ni na gaw.

2 MULINA 23:30

Suu sun mamsina wam nam miɗ ki may ni, asi tlam ay hu pus pusna ay Megido, mbaaram ki Yerusalem. Asi mba pam hu zul mamba. Suu hu mbas ndaɗtana hin tli goromma Joasaz fokosi balamam a mulna.

2 MULINA 23:31

Joasaz kak a mulna ni basaɗam ki ni dok-mba' yam hindi. Nam ti mulla hu Yerusalemmi tilna hindi. Sem sum ana Hamutal, ni goŋ Hirmiya ma Libnana.

2 MULINA 23:34

Nam kak Eliyakim ma goŋ Josiyasna a mulna kay balam bum Josiyas, jokom sem ki ana Joakim. Joasaz nam gam ha ki daŋgayna may, tuɗum ha ki hu Egipte. Nam miɗ ha ki ni huwa.

1 DLAŊ MULINARA 3:15

Goryoŋ Josiyasna ma vuɗ jewna ni Yohanan ma a mbarana ni Joakim, ma hindina ni Sedesiyas ma fiɗina ni Sallum.

2 DLAŊ MULINARA 28:12

Muli suu ɦiw duk dee suu vi Efrayimma hurusi ɓeŋ ki eg suu ay duunana, suu asina ni Azariya, ma goŋ Yohanana, Berekiya ma goŋ Mesilemotna, Yehizkiya ma goŋ Salumma u Amassa ma goŋ Hadayna.

2 DLAŊ MULINARA 34:22

Hilkiya u suu mulna manasina halaŋ tuɗ vi cara jok vun Lona, Hulda, ni caŋ Salum ma juɓ u barawina, goŋ Tokhatna, goŋ ŋgolo Hasrana. Ca ndaɗta ka cuki ni vo hu Yerusalem hu ɦoŋzi ma wilina. Asi cuɗuɗ boy namma ki jivi may.

JEREMI 22:27

Kay ndaŋga ndaɗta asi hin saa ana asi hoŋ ay voo may hin ka ndakgi.

SOFONI 1:1

Boy ma Yawe dam maŋ Sofoni goŋ Kusina, goŋ Gedaliyana, goŋ Amariyanna, goŋ Ezekiyasna, hu cokira Josiyas goŋ Amonna a mul ma Yudana.