JEREMI 21:7 - Boy Lonana

⁷ Ŋgoo dagan wanni, Yawe di ana, an hin ci Sedesiyas, mul ma Yudana, ki u suu mam suu sunda u suu hin bay miɗ ki ko tuguɗi bora hu ɦoŋzi nammana ki u ŋgewna, baktarra lay. An hin ɦasi ki ko mul ma Babilonna, ko suu babali masisina lay, ki ko suu min a casi kina lay. Asi hin casi ki bay saara, bay wasi hahawasi lay, bay oora hurusi lay.»

JEREMI 21:7 Iomraidhean Croise

EZAYI 27:11

Hu li gorgor ko guna so ki wa ni asi hin kusum kiyo. Boyogina hin ŋgalam kiyo. Na daŋ may suu asina ka wi dlara asi laɗtaɗi. Kay ndaɗta sa ma li dla ndaɗta ka wasi hahawasiɗi may. Sa ma lasina ka wasi hahawasiɗi.

EZAYI 47:6

An hurun ɓeŋ ay eg suu mansina, An mbuɗ suu mansina ki zolona. An hiniŋsina ki aŋ lasasiya. Aŋ wasi hahawasi ka na ndeɗi lay. Aŋ las suu maarina lay, golosi kaɗi.

JEREMI 13:14

An hin ɗaɓasi eg tasiya, kususi ki gegelay eg ndaramma, somoyosi u goryosiya hu li ma dewna. Yawe di na. Hahaw kaɗi, gi deɓ kaɗi, oo kaɗi, a dooron bay ɓeŋesi ki kaɗi.»

JEREMI 14:12

Lini asi li laara lay, an ka humusi tii masinaɗi. Lini asi lan ɓivun ma ŋgalam kina u ma ɦawana lay ni, tle asina hurun ka vasiɗi. An hin casi ki u ŋgewra u baktara u tuguɗi bora.»

JEREMI 15:5

Sa wak hahawakŋa ni ge? Ɗaŋ ge Yerusalem, ni ge a lak dla jivira egekŋi ge? Sa hin loɓ tam a humuk dlaakka na ni gege?

JEREMI 15:9

Cara vuɗ goora ki kiɗisiyara miɗ kiyo. Ndaɗ ka musuk oloɗi. Fataɗ ca ki hu buuna dukka gayra wa. Dlara zolona mba kaɗ wa. Ndaɗ mbuɗ ki zolona wa. Dlara hin ŋgoo daganda ni an caɗ ki u ŋgewra, hin ɦaɗ ki maŋ suu babali maɗsina. Di ni Yawe.

JEREMI 19:7

Hu li namma an hin mbuɗ boy ma vi Yudana ki dlara bay uɗta, dlara vi Yerusalemba lay, an hin casi ki u ŋgewna fok suu babali masisina. An hin yow suu min a casi kina cukusisina kasiya. An hin ɦasi maɗasi ki maŋ layagi suu pii kolo huulonana u mburi suu kay ndaŋgarana a tiisina.

JEREMI 20:4

Ko ndaɗta na Yawe ɓak anaba, «Ŋgoo dagan wanni an hin mbuɗuŋ ki ndaana, banayaŋŋa lay, asi hin puk kaŋga fun ŋgewna vi suu babali masisina aŋ hin wi dla ndaɗta u iriŋ lay. An hin ɦal suu Yudana ki maŋ mul ma Babilonna. Nam hin yowosi tuɗusi ki Babilon, nam hin casi ki u ŋgewna.

JEREMI 22:25

Gasi, an ɦaŋ ki maŋ suu min a caŋ kina. Suu aŋ li ndaana kosina, maŋ Nabukodonosor mul ma Babilonna, maŋ suu Kaldena.

JEREMI 27:6

Cecem wanda anni sa ɦal mbas ndaɗta ki ko saan ma sunda Nabukodonosor, mul ma Babilonna, mburi suu bagina lay an ɦamsina a asi sunumu.

JEREMI 32:4

Sedesiyas mul ma Yudana hin ka suɗ ki ko saɓak suu Kaldenaɗi. Na may mul ma Babilonna hin vamu, nam hin ɓakŋi sa ka kal dukgi. Nam hin wi dla ndaɗta ni u irimu.

JEREMI 34:3

Aŋ lay ni hin ka suɗ ki kombi, nam hin vaŋu, aŋ hin li lassa. Aŋ lay mul ma Babilonna lay hin cologi fun tagiya nam hin ɓakaŋŋi sa ka jokom dukgi. Aŋ hin tuɗ ki Babilon.

JEREMI 36:29

Aŋ hin di Joakim mul ma Yudana ana, Yawe ɓak anaba, aŋ ŋgal magaa bakka jewra ki yalan ana an ɓii huruɗ ana mul ma Babilonna hin mbay ɓeŋ mbas ndaɗta kiyo, hin njay suu warna u mburi suu huruɗna ki lay.

JEREMI 37:17

Mulna Sedesiyas sun kam halam aya. Mulna joɓom ki ŋgay hu ziim ana, «Na ni boy ma Yawe ɓakamma ka su?» Jeremi hoŋom dira ana, «Haa.» Nam hin dam olo ana, «Mul ma Babilonna hin vaŋ lasaŋu.»

JEREMI 50:17

Israel ni timiira viɗ ki dlona dikiɗta. Jew gigiŋŋi mul ma Asirina gaɗ jaŋaɗ aya, Nabukodonosor mul ma Babilonna hin jak u ndaɗu, hin daɓaɗ ki ta ta hiniɗ ni sokoɗu.

YOORA 2:20

Gola, Yawe, sa ma aŋ lam dla cora egem ko wanda nana ni gege? Lini boyogina kom goryosi, suu ndi ki jivina wa may. Lini suu jok vun Lona casi kiwa hu givin ma togolla vi Bu Suunana wa may ni.

YOORA 2:22

Aŋ hin yi suuna ko ndal hu buu ma luuna na. Suu ŋguy kan mbuɗun ndaanana, hu buu ma yara vi Yawena sa hin ka hin iiriɗi, ka suɗɗi lay. Suu an haɗasina, wulusina, sa babali manna daɓasi kiyo.

EZEKIYEL 23:28

Kay Bu Suuna, Yawe, di ana, an hin ɦak ki ko suu babali maksina, ko suu may suu huruk ka minisi dlaasiraɗina.

EZEKIYEL 7:9

Irin ka a gologi jivi oloɗi. An ka wagi hahawagiɗi. An warakagi ni u poy magira. Dla cora hin dukugi ni na gak gak. Agi hin wi ki ana li dla ndaɗta ni an Yawe daŋ may.

EZEKIYEL 8:18

An may ni hin li dlara ni u hurun ma ki ɓeŋina. An ka wi hahaw saɗi. An hinni hahaw sa ka irin oloɗi. Asi hin tiira, may ni an ka humusi tii masi nammaɗi.»

EZEKIYEL 9:10

Kay ndaɗta irin ka a wi hahaw sa oloɗi. An ka saa kay sa oloɗi. An tinisi kasi ni nek poy masira cora.»

GA 8ATAMBARA 28:50

Ni njaf suu yasi eŋ ɦayna, ni suu ka ŋga sa ŋgolɗi lay, ka wi hahaw gogooɗi layna.