JEREMI 21:5 - Boy Lonana

⁵ Aŋ maɗ koŋ kiyo u saɓak maŋŋa aŋ taŋga hin li duuna u yara, yara ŋgol cocora.

JEREMI 21:5 Iomraidhean Croise

KALKIRA 6:6

Kay ndaɗta aŋ di suu Israelna ana, ni an Yawe. An hin paɗagi ki hu lassa suu Egiptena ka lasagira, an hin buɗugi ki ko mbaɓura, an hin saagi sugulugi ni u saɓakŋa u eŋga.

KALKIRA 9:15

Lini an mina ni an li ka caŋ ki u tuguɗira wa, aŋ u suu maŋsina halaŋ, aŋ li ka bulum ki kay ndaŋgara wa lay.

EZAYI 10:4

Sa ma suɗ ki dew kaɗi, agi hin li ni cuki duk suu hu daŋgaynana, ɗowba duk suu a casi kina. Na lay ni Bu Suuna hurum heɓ ka eg suu Israelna tuɗi. Kom ka ki maɗii a lasasira tuwa.

EZAYI 5:25

Kay ndaɗta huu Yawe ɓeŋ eg suu mamsina. Nam maɗ kom kasi casiya. Ҥinira halaŋ geŋeɗa, maɗasi gol cukira ga ko tlesuu delbuɗnana na. Na lay ni hurum ma ɓeŋ kina heɓ ka tuɗi, kom ka ni hu li ma yara gak.

EZAYI 63:10

Asi ay may ni ka hum u dlara nam daɗtaɗi, asi mbuɗum Musuk mamba teteɗta yoora. Kay ndaɗta nam mbuɗ hurumu, mbuɗ ay a sa ma duurusina nam duu ay u asi ni namu.

EZAYI 9:12

Suuna hoŋ ay ka eg sa ma ka casinaɗi. Asi hal Yawe ma Saɓakŋa Kom Belna, kaɗi.

EZAYI 9:17

Kay dla cora vi suunara ni ko kura ŋgalla na, ndaɗ ŋgal gu ma siina u meera ki halaŋ, ŋgal tlesuu ŋgoo hu fullana ki bel, ndoosna ɗus kolo ni nam doy hol.

JEREMI 32:17

«Bu Suuna Yawe, aŋŋi sa li huulona u ndaŋgara lay u saɓak maŋ ma ŋgolnana. Aŋ ɦal saɓak maŋŋa kiyo, va ka kaŋ loɓbi.

JEREMI 32:37

«An hin tokosi ay eg tasi ay hu mbassa an njayasi ha ki hura halaŋ halaŋ u yaandana u hurun ma ɓeŋi cocona lay. An hoŋosi ay hu li namma an hin kakasi hu u heɓpa a fafaɗta.

JEREMI 36:7

Kala li ni tii masina hin tew ki eg Yawe kala, a gegelay hom ki kay tuɗ mamba cora kay ana yara vi Bu Suunara ta nam a laɗ eg suu asinara ka ŋgol cocoo.»

JEREMI 37:10

Ko ndaɗta na may ni agi hin cagi suu duu suu Kaldena kiyo, suu tlagi liigina kina, suu ɦiw hin hina, asina hin min tasi ay kaŋga hu mbutluɓ masina hin ŋgal ɦoŋzi namma kiyo.

JEREMI 6:12

Ziisina ɦam ki maŋ suu hiŋŋa, sene masina u boyogosi lay. An maɗ kon ha kay suu hu mbassana wa. Yawe di na.

YOORA 2:3

U saɓak yaamba ŋgol cocora nam bulum saɓak ma Israelna ki halaŋ halaŋ. Nam ka col kay bikim ma njufna fok saam ma babaliraɗi. Nam ŋgal kura vo vi Yakob ko kura ŋgal lina ay keŋga na.

EZEKIYEL 39:3

Hu li namma ni an hin caŋu, gu mbuuru maŋga hu koŋ ma gulunara hin kus kiyo. Mbuurura hu koŋ ma njufnara hin cuk ki kaŋga may.

EZEKIYEL 5:8

Kay ndaɗta Bu Suuna, Yawe, di ana, An hin mba duurugi ni u tanda. An hin lagi dlara ti huna egegi ni ii njaf suu daŋŋa na gok gok.

GA 8ATAMBARA 4:23

Gologi tagi jiviya, ka humugi maa ki kay galamba Yawe, Loogina, vaɗ u agi wandaraɗi, goɓogi fulinaɗi, u tlesuu Yawe, Looŋŋa, dooroŋ ki kasina bel aŋ goɓosiɗi.

GA 8ATAMBARA 4:34

Ɗowba lo ma ɦawa maa tuk tam dew a mba duk suuna a tlasi ki a suu mamsina u takka ko wanda na ka su? Ma duu kay suu mamsina u bik kom u saɓakŋa li ndaana coco ko ndal Bu Suuna Loogina li ay kagi hu Egiptera na ka su?