JEREMI 21:2 - Boy Lonana

² «Aŋ joɓ Yawe ay kamiya kay Nabukodonosor, mul ma Babilonna, ka duurumiya. Yawe li hin dlaamba mbuɗ mbuɗta li kami dew a mbuɗum ki ndaana kami kalage?»

JEREMI 21:2 Iomraidhean Croise

URA TIN AYRA 10:10

Ҥoŋzi namma ŋgolo ma jewna ni Babel, Erek, Akad u Kalne, hu mbassa Sinear.

2 MULINA 1:3

Sa sunda huulona vi Yawe mba di Eli ma Tisbena ana, «Tuɗ hu voɗta, tuɗ ŋgaf vok suu mul ma Samarina cukusi ayna dasi ana, Lo vi suu Israelna kaɗi su? Agi a tuɗ joɓ Baal-Zebub, lo ma vi suu Ekronna, na day ni kay mege?»

2 MULINA 17:24

Mul ma Asirina yow suu Babilonna, suu Kutana, suu Avana suu Hamatna u suu Sefarvaimma nam cukusi ki hu ɦoŋzi ŋgol ma Samarina balam suu Israelna. Asi mba vi ziisi ki hu Samari.

2 DLAŊ MULINARA 32:21

Yawe sun saam ma sunda ha hu kaŋ ma vi suu Asirina, ci suu garaŋ suu wi dla duuna ɦayna ki halaŋ halaŋ u suu ŋgolo suu fok suu duunana lay. Mul ma Asirina zolona vam cocoo. Nam hoŋ vo hu mbas mamba ni na gaw. Fali taa dew ni nam kal kalafi hu zira vi loommara, goryom suu vuɗta cuk um cam ki ni na gaw.

KALKIRA 9:28

Cenegi Yawe nam hin sira na ga, an hin hinigi agi tuɗa agi ka juɓ ta ta oloɗi.»

EZAYI 48:2

Agi yi tagi ana suu hu ɦoŋzi ma teteɗna. Agi suu deŋ tagi eg Lo ma vi suu Israelna ma yam ana Yawe, ma Saɓakŋa Kom Belna.

JEREMI 15:11

Yawe di ana, an ɓak ki u vunun ana tlesuu hin ka ŋgoroŋ daganna ni jivira. An di ki u vunun olo ana sa babali maŋŋa hin furi kaŋu, hu li ma hahawra u yoo tara.

JEREMI 21:3

Jeremi dasi ana, «Dlara agi hin i daɗ maŋ Sedesiyassa ni ko wanda na,

JEREMI 32:17

«Bu Suuna Yawe, aŋŋi sa li huulona u ndaŋgara lay u saɓak maŋ ma ŋgolnana. Aŋ ɦal saɓak maŋŋa kiyo, va ka kaŋ loɓbi.

JEREMI 32:24

«Sunda ŋgolora ka mba eg ɦoŋzina tok, dik u suuna kolo u ŋgewna mayra hin ci suuna lay, tuguɗii bora lay. Ҥoŋzi namma mariyaɗ ni hin hin tam maŋ suu duu suu Kaldenaɗi su? Dlara aŋ daɗta mba wa. Aŋ may ni gol ni u iriŋ ɦawaa.

JEREMI 34:1

Yawe ɓak boy mamma maŋ Jeremi hu li ma Nabukodonosor mul ma Babilonna u suu mam suu duuna halaŋ, suu muli suu kay mbassa nam ti mulla kaɗta halaŋ, suuna halaŋ tli Yerusalem u ɦoŋzi ma ŋguy kaɗna halaŋ halaŋ may.

JEREMI 37:17

Mulna Sedesiyas sun kam halam aya. Mulna joɓom ki ŋgay hu ziim ana, «Na ni boy ma Yawe ɓakamma ka su?» Jeremi hoŋom dira ana, «Haa.» Nam hin dam olo ana, «Mul ma Babilonna hin vaŋ lasaŋu.»

JEREMI 37:3

Mulna Sedesiyas sun Yehukal, ma goŋ Selemiyana, u mul ma li ɓivunna Sefaniya, ma goŋ Maaseyana eg sa jok vun Lona, Jeremi, dam ana, «Joɓ ay kamiya, an ceneŋu aŋ joɓ Yawe, Loomina, ay kamiya.»

JEREMI 37:7

Yawe, Lona vi suu Israelna, ɓak anaba, gola ni dlara agi hin daɗ maŋ mul ma Yuda ma sunugi ay egenna agi joɓon haana. Suu duu suu vi Faraw suu hin Egipte ki mbay a njunugina hin hoŋ dagan tli liisi ma hu Egiptena.

EZEKIYEL 7:26

Dlara hahawra u yoora zul ha kay taɗ ni zuli na ɗow ɗow. Boy ma wanna mba na ni, ma hiniŋŋa ay dagan gaw. Asi hin joɓ dlara ha fokka ko sa ma jok vun Lona. Muli suu li ɓivunna gaɗta vi Lonara viɗ ki irisi lay. Sa ŋgol ma gaɗ kemba ka oloɗi lay.

SUU KAƁAKŊA 20:27

Suu Israelna joɓ Yawe. Hu li namma ɗaŋŋi, Zandukka vi Yawera ka tini huwa.

1 SAMUEL 10:22

Asi hin joɓ Yawe olo ana, «Sa daŋ mbay tani su?» Yawe di ana, «Nam wanna, ki ŋgayra eg tlegena wanni.»

1 SAMUEL 28:15

Samuel di Sol ana, «Aŋ loɓon tan a an kal ay ki kolo ni kay mege?» Sol di ana, «An u saara ŋgolla kan cocoo. Suu Filistinna ka duu u anu. Lona ɦuɗ tam ki egen na day, nam hoŋon dira ka oloɗi lay, ka fun suu jok vun Lonaɗi lay, ka u doyra diraɗi lay. An yaŋ ay ni kay a aŋ takan dlara an hin laɗta.»

1 SAMUEL 28:6

Sol joɓ Yawe, may Yawe hoŋom dira kaɗi, ka u doyra diraɗi lay, ka u Urimɓi lay, ka fun suu jok vun Lonaɗi lay.