JEREMI 21:13 - Boy Lonana

¹³ Ni duk ɦoŋ tay mba' may ɗaŋ aŋ sa ka hu ɦoŋzi nammana, ɦinira hu fullara. Di na ni Yawe. Agi suu di ana, sa hin mbay duuruygina ni gege? Sa hin kal hu ziygina ni gege?

JEREMI 21:13 Iomraidhean Croise

SOOLLA 125:2

Ko ɦinira ŋguy ki kay zi ma Yerusalemma na, Yawe ŋguy yam suu mamsina ki ni na may, cecemi lay a fokka lay a fafaɗta.

KALKIRA 13:20

Asi yow ha Sukot tuɗ lak hu Etam. Ni tok eg fulla.

KALKIRA 13:8

Aŋ gegelay ni jok haɗ ndaɗta ka maŋ goroŋŋa hu buu namma ana ‹Yawe wan hahawan kalan ay ki hu mbassa Egiptera ni na.›

EZAYI 22:1

Gola ni dlara ŋgayra waɗ kay ɦuɗugumba Yerusalemba. Suu maŋsina ɗiŋ ki kolo kay yam ziginina na halaŋ halaŋŋi amege?

JEREMI 17:3

Aŋ ma ɗegee ma goɓ Lona kay ɦinira lay, hu lina bel layna, bege maŋga u tlegeyeŋ halaŋ an ɦasi ki maŋ suuna asi ɦurumusi kiyo, kay cora agi laɗ hu li ma kolo dayna kay ndaŋga magira halaŋ halaŋga.

JEREMI 21:5

Aŋ maɗ koŋ kiyo u saɓak maŋŋa aŋ taŋga hin li duuna u yara, yara ŋgol cocora.

JEREMI 49:16

Ndak kal ki saɓaki, kay ana ndak gol tak ki ŋgolla su ndarayakŋa, mbuɗusi ki ndaana lay. Ndak mayra ka kakira hu zul gogoyrara, ɗiŋ kolo kay ɦini mayra fiyekkara. Lini ko ndal kokolora na ndak min ziik kolo kay li ma mbuyna ni, ay kolo hu li namma an hin zuɗuk ay ki kaŋgaa. Yawe di na.

JEREMI 50:31

Duk ɦoŋ tami mba', ni boy cona, Bu Suuna Yawe ma Saɓakŋa Kom Belna, di na. Buu makŋa mba wa. Ni li ma ndak hin ɓak dlaakka kina.

JEREMI 51:25

Ni duk ɦoŋ tay mba', ɦini mayra ɓeŋ tlena kira. Yawe di na. Ndak mayra ɓeŋ ndaŋgara ki halaŋga. An maɗ kon ha kaku, an zuɗuk ay kaŋga kay ɦinira, mbuɗuk ki ɦinira murus kura.

JEREMI 7:4

Halagi boy ma mbambara a hoŋogi dira ana, «Ni ziŋ Yawera, ni ziŋ Yawera, ni ziŋ Yawera. Nam ki tani wanna.»

YOORA 4:12

Asi wi dla ndaɗta kaɗi, muli suu kay ndaŋgarana lay, duk suu hu duliyarana lay ni sa hum ka ana sa duuna, sa babalira hin mbay hu Yerusalemba kaɗi.

EZEKIYEL 13:8

Kay ndaɗta Bu Suuna Yawe di ana, agi di dlara kaboyna ni, wi ni wira mbaɗta lay ni, an hin mbay kagiya, di ni Bu Suuna Yawe

EZEKIYEL 21:3

Aŋ di gura Negebpa ana, ndak hum boy ma vi Yawena haa. Bu Suuna, Yawe, di ana, gola an min gak kura ay dukuku. Ndaɗ hin ŋgal ŋgusugi suu ŋgolomma u suu sooyna kiyo. Ku ndaɗta hin ka tewɗi. Ndaɗ hin ŋgal sene ma vi suu dalinana ki halaŋ ta ta tuɗ tew ay ki ii ma mbayawna.

EZEKIYEL 34:10

Bu Suuna, Yawe, di ana, an hin mbay kay suu taa yoorina asina. An hin mba hal yoori mansina, hin ɓaɗasi sina ki hu duk kosiya. An hin doorosi ki kay sun masira taa yoorina. Asi ka ndak a taa tasira hol holla oloɗi. An hin ɓaɗasi yoori mansina ay ki funusiya. Asi ka hin fasi a komba oloɗi.

EZEKIYEL 5:8

Kay ndaɗta Bu Suuna, Yawe, di ana, An hin mba duurugi ni u tanda. An hin lagi dlara ti huna egegi ni ii njaf suu daŋŋa na gok gok.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

NAHUM 2:13

Dlona vi mbuurina ay ɦasi maŋ goryomu, maŋ suu tamagina lay. Nam oy zulum u tliw mbuuri suu nam vasi ay bagina.