JEREMI 20:9 - Boy Lonana

⁹ Hu li ma an di ana, «An hin ka ɓak boy namma oloɗi, an hin ka ɓak boy u sem oloɗina», nam mbuɗ ki hurun kurufu ko kura ŋgalla na, a tliw tan ki gii daŋgayna an loɓ tan ana an daɓam hurunu may an ka ndakgi.

JEREMI 20:9 Iomraidhean Croise

SOOLLA 39:3

An seŋ tanu hin sa ma halanna ɓaka, na may lassa ka hinin dukgi.

JEREMI 23:29

Boy manna tli tammi ko ndal tlesuu wanna na, ko ndal kura u do caffa luɗ gogoyra kira na. Yawe di na.

JEREMI 23:9

Kay suu jok vun Lona, an tanda mbuɗ ki ndaana, tliw tan halaŋ dlaka. An mbuɗ ki ko sa guruɗ kina na, ko sa ci summana na, ni kay Yawe ni kay boy mamma teteɗna.

JEREMI 4:19

Hurunu, hurunu, an torɗi tan ko tiitara. Mugulun mbuɗ tuɗ na zak zak. Hurun ki mbuɗi yara. An ka ndak a seŋ tanɗi kay ana an hum del tokolom ma duuna.

JEREMI 6:11

«An ki u yara vi Yawera hurun oy cocoo. An ka ndak a ɦeɓeɗ duk oloɗi.» Hin ya ndaɗta li kemba hu ɦoŋzina, kay gorzoŋŋi suu irisi kaay ko tasina. Njufiina u boyogina yowosi ki wa, sa maana u sa buu mamma ki ŋgol cocona.

EZEKIYEL 3:14

Musuk Lonara tlan ki koloo. An mbuɗ ki ya cocoo, kay ko Yawe ɦegi kan eŋ cocoo.

EZEKIYEL 3:3

Nam dan ana, «Goŋ sanna, hoɓ hayaŋ ki u magaara ɗuɗi ndaɗta an ɦaŋga wandara.» An hin taɗ may. Ndaɗ fununni jeɓeɗta ko ndal mbul yumma na.

AMOS 3:8

Dlona ŋgoɓ wa ni, sa ka li ndaaɗina ni gege? Bu Suuna, Lona, ɓak wa, sa ka jokom boy mamma kiɗina ni gege?

JONAS 1:2

«Col koloo tuɗ hu ɦoŋzi ma ŋgolna, Ninive, dasi boyna kay coosira. Kay ana dla cora hu ɦoŋzi nammara tew ha ki ta ta egenu.»

JONAS 1:3

Jonas col kolo colni pii tin irim ki hu ɦoŋzi ma Tarsisna a ŋgay tam ki day eg Yawe. Nam tuɗ ga hu Yoppe, tuɗ fi lum kawi ma asi minim a tuɗ Tarsisna huwa. Nam warak suu lum kawina, ful usi a tuɗ ki hu Tarsissa may. Ki day eg Yawera.

Boy Ma Ayra Ma LUK Ɓiirimma 9:62

Yesu dam ana, «Aŋ sa zumma li gol iriŋ dagani ni ka ndaki kay Mul Lonaraɗi.»

SUNDA 17:16

Hu li ma Pol ka juɓ Silas u Timote hu Aten wanni, nam wi ana ɦoŋzi namma oyra u fulina cocoo ni ɦam saara ɦay.

SUNDA 18:5

Falira gi Silas u Timote mba Masedoinda wanni, Pol ka li va daŋ kombi, di ni Boy Lonana sak sak, tak ki maŋ suu Juifna ana Yesu ni Sa ma Lona Fuurumma.

SUNDA 4:20

Ami tamira ka ndak a tin vunumi kay va ma ami wam u irimi lay, humum u humumi laynaɗi.»