JEREMI 20:8 - Boy Lonana

⁸ Tew tew hu li ma an min a ɓak boyna wanni, an yi kolo u delen eŋga ana, mbay njununu. «Yara egen lay, lassa kan lay,» Kay boy ma vi Yawena an mbuɗ ki va lassa hu buuna tew tew lay, ŋgulun lay, panan lay.

JEREMI 20:8 Iomraidhean Croise

2 MULINA 2:23

Nam tuɗ ha kolo hu Betel, hu li ma nam taɓa ha kolo hu voɗta na ni, gorkemba sel ay ki hu ɦoŋzina panam di ana, «Tuɗa, sa ma yam korina, tuɗ ɗow sa ma yam korina.»

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

EZAYI 57:4

Agi a panagi ni gege? Agi ɗus irigi ni eg gege? Agi tanaɗ sinigi ni u gege? Ni ka agi gor suu yagi eŋŋaɗi su? Ni ka agi njaf suu kaboynaɗi su?

JEREMI 15:10

Ni hahaw me nage? Sunu, ndak vuɗun ki dukuɗ ge? An sa duk suuna hu mbassa halaŋ. Suuna ka mininɗi lay, ka dan dlan jiviɗi layna. An joɓ va kaɗi lay, tli va kaɗi lay. Asi halaŋ gan vunna.

JEREMI 15:15

Aŋu, aŋ wiya, Yawe, maa ki kanɗi. Aŋ njununu. Aŋ saan sugulun u suu lasanna. Ko an mbuɗ ki cora u juɓpa aŋ juɓpaɗi. Ni kaŋ aŋu, aŋ wi ana an ka vi ŋgulla kanni na.

JEREMI 17:27

Lini agi humungi ka kay buu ma vi Lonna ŋgaɓam ki duk ndarayammanaɗi, ka saa kay tlira tli nekka hu buu nammaraɗi lay, kay kalla kal hu vun grek ma Yerusalemma hu buu ma vi Lonnaɗi lay ni, an hin ŋgal kura vun grek namma ndaɗ hin ŋgal zigini suu jivi suu Yerusalemma ki lay, hin ka tew kiɗi lay.

JEREMI 20:7

Yawe, aŋ suun dlara ki kan u nunuh manda wa. Gasi an ay jew nunuh daŋ may. Aŋ ay saɓakŋa suun jew day faɗ ha ki u ndaɗta. Hu buuna tew tew ni asi mbuɗun ki va sanda, asi halaŋ pananu.

JEREMI 28:8

Suu jok vun Lona suu li sun masira ki fokon lay, fokoŋ jew day layna, ɓak dlara kay mbassa bolowo kay mulina bolow lay, ɓak kay duuna, kay dla cora, kay tuguɗi bora lay.

JEREMI 5:1

Tuɗugi hu voɗta Yerusalemba, gologi ɗaŋ hin joɓogiya, halagi hu li namma. Agi fi sa dew su? Agi fi sa njun kay sa ɗegeena dew su? Ma hal a di gasirana. Na daŋŋi an hin ɦal gira maŋ ɦoŋzina.

JEREMI 5:6

Na ɗaŋŋi dlo ma ay duk gura na hin vasi kiyo. Bosogo ma hu fullana hin komosi kiyo. Sindilna hin buu kaŋga ŋgoo ɦoŋziisina, hu li ma asi hin kal kina, nam hin palawasi kiyo. Kay ana yaasira wul ha fokŋi wuli na ɗow ɗow, dla coosira ka seŋ tuɗta tuɗ fokkaɗi.

JEREMI 6:10

Sa hin humun boy manna u gaɗ mandana ni gege? Ҥii, humusi ki ŋgeliya, asi ka ndak a hum dlaɗi. Asi gol boyna vi Yawe ni ko ndal ŋgulla na, asi ka minimbi.

JEREMI 7:9

Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?

HABAKUK 1:3

Aŋ mbuɗun a an wi dla cora u irin ŋgolla na ni kay mege? Aŋ min colla col duk suu li dla cora su? Fokon halaŋŋi suu li dla cora ɦurum tlena vi suunana. Hu li ma kaɓakŋa ni honira hin yow koloo.

Boy Ma Ayra Ma LUK Ɓiirimma 11:45

Sa wi magaara gaɗta dew di ana, «Mala Haɗta ɓak maŋŋa aŋ ɓak wanna ni ŋgulumi ni amiya.»

HEBRENA 11:26

Nam furi kay ŋgulla vi Kristu irim saɓak su begera Egiptera, nam saa mamba tini kay warak ma fokŋa.

HEBRENA 13:13

Ay tuɗuygi doŋ kaana a siɓ panna ko namma may.

1 PIYER 4:14

Lini asi ŋgulugi lay furiyugiya agi ni suu haɗina vi Kristu kay Musukka Bibiŋilla, Musuk Lonara mba kak kagiya.