JEREMI 20:7 - Boy Lonana

⁷ Yawe, aŋ suun dlara ki kan u nunuh manda wa. Gasi an ay jew nunuh daŋ may. Aŋ ay saɓakŋa suun jew day faɗ ha ki u ndaɗta. Hu buuna tew tew ni asi mbuɗun ki va sanda, asi halaŋ pananu.

JEREMI 20:7 Iomraidhean Croise

2 MULINA 2:23

Nam tuɗ ha kolo hu Betel, hu li ma nam taɓa ha kolo hu voɗta na ni, gorkemba sel ay ki hu ɦoŋzina panam di ana, «Tuɗa, sa ma yam korina, tuɗ ɗow sa ma yam korina.»

JOB 12:4

An mbuɗ ki ni sa ma ndarayamma san umma. An yi Lona ha kolo nam hoŋon dira aya. Sa ma ɗegeena mbuɗ ki sa ma suuna panam san umma.

JOB 30:9

Cemi ni an mbuɗ ki ni a vaasi ma soolla. An ki ni vaasi ma njunjunda.

SOOLLA 119:51

Suu ŋga tasina panan cocoo, na lay ni an hiniŋ gaɗ maŋga ka kiɗi.

EZAYI 8:11

Yawe u saɓak mamma ŋgolna, hu li ma nam van komu, neen ana an li ko suu hiŋŋa lira naɗi, hin dan ana,

JEREMI 15:10

Ni hahaw me nage? Sunu, ndak vuɗun ki dukuɗ ge? An sa duk suuna hu mbassa halaŋ. Suuna ka mininɗi lay, ka dan dlan jiviɗi layna. An joɓ va kaɗi lay, tli va kaɗi lay. Asi halaŋ gan vunna.

JEREMI 15:18

Ni kay me tiita manda hin mbuɗ ki a fafaɗta nige? Mbil manna ka cilɗi lay, yara u ndarayanna lay nige? Gasi aŋ mbuɗ ki irinni ko goloŋga ganyamba mbo ka huɗira na.

JEREMI 17:16

An ka sa min ana dla cora mbay zakinaɗi, buu ma cona an yam ay ka ni anɗi, aŋ wi layɗi su? Dlara kal ay ki fununda an ɓakaɗ ni fokoŋɗi su?

JEREMI 20:9

Hu li ma an di ana, «An hin ka ɓak boy namma oloɗi, an hin ka ɓak boy u sem oloɗina», nam mbuɗ ki hurun kurufu ko kura ŋgalla na, a tliw tan ki gii daŋgayna an loɓ tan ana an daɓam hurunu may an ka ndakgi.

JEREMI 29:26

«Yawe tiniŋŋi namu balam mul ma li ɓivunna, Yoyada, ko ndal mul ŋgol ma li ɓivunna hu zira vi Lonara kay suu tuɗ kolo duk ɦawana a aŋ njunusi u galiina kaŋgaa.

JEREMI 38:19

Mulna Sedesiyas hoŋ dira maŋ Jeremi ana, «Va ma an saa kam ŋgolna ni yowra suu Kaldena yow suu Yudanara, an lay ni asi hin van lay panan lay.»

YOORA 3:14

Gola an mbuɗ ki va sanda fok su mansina halaŋ, san un hu buuna tew tew.

EZEKIYEL 3:14

Musuk Lonara tlan ki koloo. An mbuɗ ki ya cocoo, kay ko Yawe ɦegi kan eŋ cocoo.

Magaara Vi Sa Jok Vun Lona OZE 9:7

Li ma kaɓakŋa mba wa, li ma ɓak dlara mba wa, Israel wam kiyo. Sa jok vun Lona mbuɗ ki laɓaa, mbuɗ ni sa saaram kaɗina, ni kay ŋgol dla cora aŋ laɗta, ni kay ŋgol duu ma aŋ duurumma.

JONAS 4:2

Nam cen Yawe di ana, «Ҥii, Yawe ni boy ma an dam hu li ma an ay hu mbas mandanaɗi su? Kay ndaɗta an mbuɗ a pii ki a tuɗ hu Tarsis ni naɗi su? An wi ki jivi ana, aŋŋi Lo ma jivina ma wi hahaw suuna, huruŋ ka mbuɗ ya zakgi, huruŋ oy u dlara jivira, aŋ ndak hoŋ ay kay dlaaŋga aŋ daɗ a li cora eg sanara.

MISE 3:8

An doli ɗaŋŋi u heɓpa vi Musuk Yawera an oyra u saɓakŋa u ɗegeera u siɓpa a tak yara vi Yakobpa u suluk ma vi Israelna kiyo.

Boy Ma Ayra Ma LUK Ɓiirimma 16:14

Suu Farisenna hum boy namma ki halaŋ ɗaŋi, gijaŋ pan Yesu kay asi min gursura.

Boy Ma Ayra Ma LUK Ɓiirimma 23:11

Herod u asgaa mamsina pan Yesu cocoo, waɗam lay, cukum baraw ma jivina tamu, hoŋom maŋ Pilat.

SUNDA 17:18

Suu haɗ haɗta Epikurirana u suu Estuwasina ciwayra u Pol. Suu daŋŋa di ana, «Sa ma dagam dagam namma di ni ana mege?» Suu ɦiw ana, «Nam ɓakŋi boyna vi lo ma daŋŋa kalage.» Asi di na kay Pol di Boy ma Ayra ana Yesu paɗ ki kolo iiriya.

SUNDA 17:32

Asi hum Pol di ana nam colom ki kolo hu miɗna iiriya ni, suu daŋŋa panam may, suu ɦiw di ana, «Ami min a humuŋ dlaaŋga ndaɗta hu falira daŋ dew tu olo.»

1 KORINTNA 9:6

Ɗowba ami u Barnabas a li sunda a hal tina funumi ni ami hol su?

HEBRENA 11:36

Suu daŋŋa asi ŋgulusiya, ɓeŋesiya, suu daŋŋa, asi njunusi u galina, cukusi daŋgayna.