JEREMI 20:6 - Boy Lonana

⁶ Aŋ taŋga, Pasehur, u suu maŋsina halaŋ, aŋ hin tuɗ ki mbaɓura, aŋ hin tew ki hu Babilon aŋ hin miɗ ki ni huwa. Asi hin tosoŋŋi huwa. Gasi aŋ u banayaŋ suu aŋ ɓakasi boy ma kaboynana halaŋ halaŋ.»

JEREMI 20:6 Iomraidhean Croise

EZAYI 9:15

Suu may suu tuɗ fok suu Israelna viɗisi ki wa. Suu asi tuɗ fokosina tli ni voɗta cora may.

JEREMI 14:13

An dam ana, «Aa, Bu Suuna Yawe na may suu jok vun Lona dasi ana, ŋgewra hin ka cagiɗi. Baktara hin ka mba kagiɗi. An hin ɦagi jivira ka daɓbira hu li namma.»

JEREMI 14:16

Suu asi ɓakasi dla ndaɗta nana hin cuk ki kaŋga keŋ voɗta Yerusalemba ko baktara u ŋgewra. Sa hin ka tososi maɗasiɗi lay. Asiya, boyogosiya, goryosi suu njufiina u gorɓiina ko ndaɗta na an hin cukusi coosira kasiya.»

JEREMI 20:1

Mul ma li ɓivunna, Pasehur, ma goŋ Immer ma ŋgol sunda hu zira vi Yawera, hum del Jeremi ɓak boy namma ki halaŋ.

JEREMI 20:4

Ko ndaɗta na Yawe ɓak anaba, «Ŋgoo dagan wanni an hin mbuɗuŋ ki ndaana, banayaŋŋa lay, asi hin puk kaŋga fun ŋgewna vi suu babali masisina aŋ hin wi dla ndaɗta u iriŋ lay. An hin ɦal suu Yudana ki maŋ mul ma Babilonna. Nam hin yowosi tuɗusi ki Babilon, nam hin casi ki u ŋgewna.

JEREMI 23:32

An hin li dla cora eg suu jok vun Lona suu doyra kaboyna dasina. Yawe di na. Suu njaɗaɗ ki u kaboyna u dlaasira ganyamba viɗin suu mansina kiyo. An sunusi ay kaɗi lay, joɓosi va kaɗi lay. Asi ka li va ma jivi eg suu asinaɗi. Di na ni Yawe.

JEREMI 29:32

Na ɗaŋŋi an hin li dla cora eg Semaya ma Nehelamma, eg njafam lay. Sa dukusi dew lay hin ka fi liim duk suuna a hin li furira kay tlesuu jivi suu an hin ɦasi maŋ suu mansina naɗi. Di na ni Yawe. Na ni nam ɓak ka ni dla cora suuna yow duuna u Yaweraɗi su?»

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

YOORA 2:14

Suu mak suu jok vun Lona ka wi tlena ay maku, ni kaboyna u ganyamba. Asi ka gak u dla cookka kiɗi, ni dlara hoŋok ki daganda. Asi wak tlena ay ni maku, di ni dlara kaboyna viɗ suuna kira.

EZEKIYEL 22:28

Suu masi suu jok vun Lona dasi ana hoo ta gulumunna kiyo. Asi wi ni wira kaboyna ɦawaa, di dlara ha fokka ni ganyamba ɦawaa. Asi di ana Bu Suuna, Yawe, di na, doliɗi ni Yawe di ka naɗi.

DLAŊ LEVIRA 26:17

An hin pereɗ zagaɗan magiya, suu babali magisina hin cagiya, suu gonok magisina hin lak a mulina kagiya. Agi hin yow liŋŋa ni bay sa ma dikigi ugi lay.

MISE 2:11

Na ni hin fi sa ma dol u semeɗna su, a hin kaboyna ana, «Kay veŋ u sum ma yara an hin kaboyna ni kagiya.» Na ɗaŋŋi nam hin li ni a sa ma di boyna maŋ suu asina na.

ZAKARI 13:3

Na ɗaŋŋi li ni sana tuɗ fok u boy ma dira, jokom ha ki may ni, bum u sum hin dam ana, «Aŋ kak iiri oloɗi. Aŋ njaɗ ni dlara kaboyna u sem Yawe.» Na ɗaŋŋi bum u sum hin cokomu hu li ma nam jok boyna ki tuna.

GA 8ATAMBARA 28:25

Yawe hin mbuɗugi ni a suu paɗ liŋŋa fok suu babali masisina. Agi cuk ha ki a ŋgafasira ni hu voɗta dewra, hin njay kogi a liŋŋa ki ni hu voɗta zeɗ zeɗ kiɗisiya. Dlara lagi ndaɗta mbuɗ suu kay yam mbassa halaŋŋa ki ndaa cocoo.