JEREMI 20:16 - Boy Lonana

¹⁶ Ko sa namma mbuɗ ki ni ko ndal ɦoŋzi ma Yawe toom ki kaŋga, saa ka kambina na. Ko nam hum suuna yi maɗii ana mbay njunusiya, faali njalak njalak asi yi kolo a duunara na.

JEREMI 20:16 Iomraidhean Croise

JEREMI 18:22

Ko suuna hum tii ma hahawra varasiya hu li ma aŋ hin mbaasi dla cora ay kasi gawna, kay ana asi ŋguyun ki u dawna a vanda. Asi ɗaaran bayra kaŋga u senu.

JEREMI 18:8

Lini suu asina hom ko dla cora an tinisira kasirawa ni, an hin ka lasi dla cora an a lasira gin egesira oloɗi.

JEREMI 23:14

Na may vo vi suu jok vun Lona suu Yerusalemma, an wi dlara ŋgolora ɦay. Asi hin tasi ki kay boy zoŋga, asi kakŋi duk dla cora. Asi njun ŋgolla ni u suu li dla cora hu li ma asi wi ana sa dew lay ka min a hin dla coomba kiɗi layna. Asi halaŋ mbuɗ ki irinni ko suu Sodomma na. Suu asina tli tasi ni ko suu Gomorna na.

JEREMI 26:13

Cecem wanda mbuɗugi tuɗ magira u dlara agi laɗta ki zeɗ, humugi yira Yawe Loogina yagira, Yawe hin doo dla cora nam a lagira gin egegira kiyo.

JEREMI 4:19

Hurunu, hurunu, an torɗi tan ko tiitara. Mugulun mbuɗ tuɗ na zak zak. Hurun ki mbuɗi yara. An ka ndak a seŋ tanɗi kay ana an hum del tokolom ma duuna.

YOORA 4:6

Dla cora vi suu man suu jivinara, ŋgolla ni sura vi Sodomba. Ndaɗ bulum ki kaŋga ni na gaw bay sa tin kom egeɗ lay.

EZEKIYEL 21:22

An may ni ko konu, hin lina maŋ yaanda halaŋ. Ni an, Yawe, di na ni anu.»

Magaara Vi Sa Jok Vun Lona OZE 10:14

Ci wayra duuna col kolo duk suu maŋsina wa, ɦoŋzi maŋ ma saɓakŋa halaŋ hin toom kiyo, ko ndal Salman to ɦoŋzi ma Betel ta kura ki hu buu ma duu ma nam ci cara ki u goryoɗta na.

Magaara Vi Sa Jok Vun Lona OZE 11:8

An hin lakŋi nanage Efrayim, an hin ɦakŋi maŋ gege, Israel? An hin lakŋi nana ko ndal Adma nage, an hoŋok ki ni ko ndal Seboim na su? Hurun ɓeŋŋi hurunu, na may ni oora hurunda mbuɗ yoo taɗ gaw may.

Magaara Vi Sa Jok Vun Lona OZE 13:14

An hin buɗusi ay ki duk suu miɗina. Ay hu li ma maɗna an hin gaɗasiya. Maɗna saɓak maŋŋa arage? Li ma vi suu miɗina na dla cooŋga arage? Irin ka wi hahaw sa oloɗi.

AMOS 1:14

An hin cuk kura kay gulumun ma Rabbana, ndaɗ hin ŋgal ziginina kiyo, hu buu ma hin yi kolo a duunana, hu buu ma babaana paɗ walna.

AMOS 2:2

An hin cuk kura kay Moab, ndaɗ hin ŋgal zigini suu vi Keriyotna kiyo, Moab hin miɗ u tiitara, ko yi kolo a duunara na, ko bu tokolomma a duunara na.

AMOS 4:11

An bulumugi ki ko ndal Lona bulum suu Sodom u Gomorna kira na lay. Agi ay ni ko ndal vun guna ɓaɗam ay ki duk ku zinana na, na may agi hoŋ ay ka egenɗi. Yawe di na.

JONAS 3:4

Jonas kal hu ɦoŋzina buuna dew gawni nam ka di suuna ana, «Hin buuna dok fiɗi ni ɦoŋzi ma Ninivena hin ɓalak kiyo.»

JONAS 4:2

Nam cen Yawe di ana, «Ҥii, Yawe ni boy ma an dam hu li ma an ay hu mbas mandanaɗi su? Kay ndaɗta an mbuɗ a pii ki a tuɗ hu Tarsis ni naɗi su? An wi ki jivi ana, aŋŋi Lo ma jivina ma wi hahaw suuna, huruŋ ka mbuɗ ya zakgi, huruŋ oy u dlara jivira, aŋ ndak hoŋ ay kay dlaaŋga aŋ daɗ a li cora eg sanara.

SOFONI 1:16

Ni buu ma tokolomma hin buna, suuna hin yi kolo a duu u ɦoŋzi ma saɓakŋa, u zigini suu fiyek mini kolo keŋ gulumunnana.

SOFONI 2:9

Ni kay ndaɗta Yawe, ma Saɓakŋa Kom Belna, Lona vi Israel suu tam u iiri mamba ana, Moab hin mbuɗ ki ko Sodom na, goryoŋ Amonna ko Gomor na. Asi hin mbuɗ ki ni sene ma wayra, mbuɗ ki ni li ma vuvuna, ndaŋgara bulumuɗ ki a fafaɗtara. Suu mansina usira hinda hin ɦurumusi tlegeyesiya, suu man suu hinna hin kak hu mbas ndaɗta.

Boy Ma Ayra Ma LUK Ɓiirimma 17:29

Buu ma Lot hin zi Sodomma ka kina, Lona si suufra u kura, casi ki halaŋ.

GA 8ATAMBARA 29:22

«Mbas mamba halaŋ huruɗ ni kura, vuvuna, sa ka zaa va huɗi lay, bubu ka ɗufi huɗi lay, va ka day hu na dewɗi, tli taɗ ni ko zi ma Sodomma u Gomorra, Adma u Cevoyim zi ma Yawe u yaamba toom kina.»

GA 8ATAMBARA 29:23

Njaf suuna halaŋ hin ɓak ana, «Yawe a li mbas ndaɗta ki na ni kay mege? Hurum ɓeŋ ki saɓaki ŋgolla eg mbas ndaɗta na ni amege?»

2 PIYER 2:6

Lona kaɓakŋa kay ɦoŋzi ma Sodomma u Gomorna ŋgalasi ki u kura, nam tak suu li cora ana hin li fok u asi ni na may.

Magaara JUD Ɓiiriɗta 1:7

Saaragi kay Sodom u Gomor u mbassa ŋguy kasira halaŋ, suu huna li dlara yowna, njufina mbuɗ buu u ndarayasi njufina ko suu sunda huulona asina naa. Lona hin ŋgalasi ki halaŋ u kura ka daɓ kiɗira, ɓak ma kaasina kasina ndak ne yam suuna halaŋ.