JEREMI 20:12 - Boy Lonana

¹² Yawe ma Saɓakŋa Kom Belna, aŋ sa wi saara vi sa ɗegeena, sa wi dlara huu suunara u saara, an hin waŋ aŋ sa sukuluŋ u asiya, kay ana an hin dlaanda halaŋŋi koŋu.

JEREMI 20:12 Iomraidhean Croise

2 DLAŊ MULINARA 24:22

Mulna Joas humum ka gam kay jivira bum Yoyoda lambara kekgi. Nam cam goromma kiyo. Hu li ma nam a miɗna ni nam di ana, «Ko Yawe wiya, nam hin joɓ u dla ndaɗta ni namu.»

SOOLLA 11:5

Lona ka gol suu ɗegeena, u suu cona halaŋ, nam ka min sa ma li dla coraɗi.

SOOLLA 139:23

Lona golon hurunu, wan hurun kiyo, tukunu, wan saa manda.

SOOLLA 17:3

Aŋ golon hurunu, njeŋge lay aŋ ka wanu, aŋ golon hurunu, fi co ka huɗi. Vunun ka di dlara coɗi lay.

SOOLLA 54:7

Nam hoŋ cora maŋ suu ka lasanna, u ɗegee maŋga aŋ daɓasi kiyo.

SOOLLA 58:10

Jew bay asi a gijaŋ ɗuffa may ni, aŋ kaasi ki u ŋgolomosiya. Mbiriwinda hin njayasi kiyo. Lona ŋgalasi ki ko hurum ma ɓeŋga.

SOOLLA 59:10

An hin fi saɓak manna ay ni koŋu, ɦoŋziin ma saɓakŋa, ni aŋ Lona gaw.

SOOLLA 62:8

Suɗ manda u bibiŋil manda ka tok eg Lona, ɦini man ma eŋŋa u liin ma ŋgayra halaŋŋi hu Lona dew.

SOOLLA 7:9

Yawe kaɓakŋa kay suuna. Takan jivi manda kiyo, Yawe, u ɗegee manda kay an li va kaɗi.

SOOLLA 86:4

Li dlara furi huu saaŋ ma sunda aya, kay an maɗ kon ha kolo ni egeŋu, Bu Suuna.

EZAYI 37:14

Ezekiyas tli magaa ndaɗta kom tani, ndumuɗ ndummi tuɗ kolo hu ziŋ Yawera, buɗ magaa ndaɗta ki fok Yawe.

EZAYI 38:14

Tii manna mbuɗ ni ko ndal ma vi dlemerekŋana na, an tii ko ndal gugukka na. Irinda gol ha kolo egeŋga ka tew oloɗi. Bu Suuna an ki ni gulukiya, mbay njun kanu.

JEREMI 11:20

Yawe, ma Saɓakŋa Kom Belna, aŋ sa ti mulla u ɗegeerana, aŋ sa wi huu suuna u saarasi layna. An hin wi dlara aŋ hin lasira egesira kay ana an hin tanni hu duk koŋu.

JEREMI 12:8

Joona mbuɗ ki kanni ko ndal dlona duk buburara na. Nam ŋgoɓonu, an ka minim oloɗi may.

JEREMI 17:10

An, Yawe, sa wi saa suuna, wi dlara hurusira lay, kaɓakŋa kay gegelay ni u dlaamba u sunumba nam laɗta.

JEREMI 17:18

Ko zolona li kay suu lasanna, li kan anɗi, ko dla cora ndi ni kasiya ndi kan anɗi. Mbaasi buu ma cona ay kasiya, casi ki u koŋ ma waɗ eŋ cocona.

1 PIYER 2:23

Suuna ŋgulum lay ni nam hal dlara a ŋgul may kaɗi, suuna lasamu nam hal dlara sa sugulum kaɗi, nam hin boy namma halaŋŋi ko Lona ma kaɓakŋa u voɗom ɗegeena.

1 PIYER 4:19

Ko ndaɗta na suu wihawra u minda vi Lona tuɗ fok a li jivira u hurusi halaŋ maŋ Lona ma li tlena halaŋŋa, ma li u vi vun mammana.

WIRA ŊGAYRA 18:20

«Huulona furi kay ɓalak mamba, suu njafna vi Lonna halaŋ lagi furira, suu vovoɗta u suu jok vun Lona, Lona kaɓakŋa kay zi namma ni kay cora nam lakira egegira.»

WIRA ŊGAYRA 2:23

Li ka naɗi ni an hin caɗ goryoɗ kiyo. Ni suu vi Kristuna halaŋ hin wi ana an ni sa ma wi saara u minda hu suunara. An hin warak gegelay ni u sun mamba nam laɗta.

WIRA ŊGAYRA 6:10

Asi sawalla ay kolo u delesira eŋga ana, «Bu Suuna ma jivi teteɗ gasina, aŋ juɓ na gak gak, hin kaɓakŋa kay suu hu ndaŋgara a cukusi daŋgayna kay cira asi cami kira ni saɓage?»

1 SAMUEL 1:15

Ane hoŋom dira ana, «Malanna an ka ni cara yaɗ jak kiraɗi, an ci va kaɗi. Sum veŋ ma guruɗ sa kaɗi. An tii tan fok Yawe ni tiiriya.