Biblia Todo Logo
Bìoball air-loidhne

- Sanasan -




JEREMI 20:10 - Boy Lonana

10 An hum boy ma tiitara ma suuna ɓakamma. Suuna halaŋ halaŋ ki mbuɗi ndaana. «Gagina um kiyo.» «Gasi daŋ may ami gam um kiyo.» Banayan suu minin ɦayna halan cemmi ni dlaanda cora na ɗow. «Kala nam hin viɗ tam u nuh nuh mamba hin ndi kaŋga ami hin faɗ vun dla ndaɗta kiyo, sa sugulumi ki may.»

Faic an caibideil Dèan lethbhreac




JEREMI 20:10
35 Iomraidhean Croise  

Jezabel gi sana a vun sunda eg Eli dam ana, «Vin maɗii ko wanda na aŋ li ka iiri tuwa, an caŋ ka ki ko ndal aŋ ci suu joɓpa ki wandara naɗi ni logina lan cora egenu.»


Akab di Eli ana, «Aŋ sa ma babali manna, fan wa daŋ su?» Nam hoŋom dira ana, «An faŋ wa kay aŋ gus taŋ ki ni u busu sana kay dla cora aŋ laɗ fok Yawe wanda.


Agi tuɗ dasi ana, Mulna ɓak ay ana gagi sa namma daŋgayna. Ҥammi u fu ma hin kina u yona may ta ta juɓ buu ma an hoŋ ay ki vo ɦawa va lan kaɗina tuwa.»


Mul ma Israelna di Josafat ana, «Sa ma ka tani dew ma ay ndak a tuɗ joɓ Yawe ay funumma. Na may an ka minim dlaambaɗi kay nam ka dan dlara jivi kanɗi, di ni dla cora sak sak. Ni Mise, ma goŋ Yimlana.» Josafat di ana, «Ka mulna ɓak ko ndaɗta naɗi.»


Banayan suu njenjena mbuɗ ki ni suu babali mansina. Suu an minisi ɦayna lay ɦal ŋgorosi manu.


Asi maaran ki ko sa ma ki miɗina na, anni ko tlesuu cukusi ki del buɗna na.


An hum dla cora suuna daɗta cocoo, dlara laŋ ndaana, ŋguyun yan kina cutl. Asi dlaɓ vunusi halaŋŋi kanu, asi vi vunusi a baanni iiri manda.


Banan ma tami ko tami dewna, ma an ɦal hurun ki mam belna lay mbuɗ dan dla cora kanu.


Dla coomba tok kammi ndaɗu, vira nam vi ga wanda ni ka col koloɗi.


Lona ma kolo dayna ɦan suɗta ay wa, nam cuk suu lasanna gaa, nam wan hahawanu, golon u gasi mamba.


Sa ma ŋgay gonokka hurumma ɓak dlara u ganyamba. Sa ma di dlara ŋgeŋŋa duk suuna ni sa ma laɓanna.


Suu may suu kaɓakŋa kay suuna u boy masi ma njaɗtana, suu gun dawna fok ndaryasina u njaɗ masira a vasi u ɓakŋana, cuk suu li va kaɗina ga hu zullusiyana, asi ka oloɗi.


Asi hin duu u aŋu, na may asi ka ndak a laŋ va egeŋgi.» Yawe di ana, «An ka u aŋ a buɗuŋ kira.»


Anni ko goo timii ma lalamma na, tuɗum hu li ma ŋgaɗtara na. An ka wi ana dla cora asi laɗta ni kan layraɗi. «Kaaygi ŋgusna ki u mbiirim egemu, kaaygina ki hu mbassa vi suu iirinara. Ka sa yam sem oloɗi.»


Na ɗaŋŋi Yawe ɓak eg suu Anatotna, suu min a caŋ kina, di ana, «Ɓakagi boyna ha ki u sem Yawe oloɗi, li ka naɗi ni aŋ hin miɗ ki komiya.»


Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»


Vin wan ɗaŋŋi hu li ma Pasehur mbay a buɗum kira, Jeremi dam ana, «Yawe ka yaŋ ana Pasehur oloɗi may, hin yaŋ ana Ndaana hu lina bel bel.»


Nam tew fun ziŋ Benjaminna may ni ŋgaf sa ŋgol ma asgaana yam ana Iriya, ma goŋ Selemiyana, goŋ Hananiyana. Sa namma vi Jeremi dam ana, «Aŋ tuɗ ndi ni duk suu Kaldena.»


Kal ki ŋgoo bagiɗi. Kal ki hu voɗtaɗi, kay ana ŋgew ma vi sa babalinana ka ki hu lina bel a ci suuna.


Suu cuki huruŋŋa ka li ŋgeŋŋa kay tasi, ci suuna kiyo. Suu daŋŋa ka ti tlesuu li ɓivunna maŋ fulina kolo kay lii mbuyna. Suu daŋŋa li dlara zolona cocoo.


Doli ɗaŋŋi Danyel namma ni ma ŋgolna vi suu sunda u suu kaɓakŋa kay ana ŋgussa mbuɗ mbuɗta kamu, mulna di ana tinim a ma ŋgolna kasi halaŋ.


Asi gijaŋ pereɗ Yesu, hin sun suu pereɗ boyna ha egemu. Suu asina li tasi ki ko ndal suu a geleɗemma na. Doyɗi ni halam a vammi u boyna. Asi min tasi a vammi kay sem boy ma col ay fun mul ma ŋgolnana.


Suu asina ndak ka a di ki kay dla mayra asi mba seken kaɗ koyniraɗi lay.


Suu ŋgolona hum boy namma na ni hurusi ɓeŋ egesiya, hal a ci suu vovoɗta kiyo.


Suu ŋgolona hum boy namma na ni hurusi ɓeŋ ki cocoo gijaŋ muɗ siisi na ŋgirit ŋgirit u yara eg Etiyen.


Lean sinn:

Sanasan


Sanasan