JEREMI 2:8 - Boy Lonana

⁸ Muli suu li ɓivunna ka di ana, Yawe ni arageɗi? Suu ka u saɓak ma vi Lonana kosina ka wanɗi. Suu taa suuna mbuɗ yara u anu. Suu jok vun Lona ɓak ki ni u sem Baal. Asi liŋŋi u suu sunusi kaɗina.

JEREMI 2:8 Iomraidhean Croise

1 MULINA 18:22

Eli di suu Israelna ana, «An dew ni a sa ma jok vun Lona ma vi Yawena. Suu joɓpa suu vi Baalna ni 450.

1 MULINA 18:29

Faalira jak ki may ni, asi gijaŋ joɓa may, ta ta tew hu li ma asi a taa tlena, lay ni va li ka na ndeɗi, ka hum del vaɗi lay, sa ka hoŋ diɗi lay.

1 MULINA 18:40

Eli dasi ana, «Yowogi suu joɓ suu vi Baalna hin maa dew a pii kiɗi.» Asi yowosi halaŋ. Eli tuɗusi ha ki kaŋga fun lumma Kison, ŋgaɗasi ki halaŋ halaŋ.

JOB 35:10

Na may sa ma di ana, «Lona ma lanna ni arage kaɗi. Nammi sa ma ay gi soolla njeŋge lay a geleɗemma.

EZAYI 28:7

Muli suu li ɓivunna u suu jok vun Lona viɗ ki u sum ma cira ni na lay. Asi daw kolo ni ka wi li ma asi tuɗ hunaɗi. Sum ma cira viɗisi ki wa, asi mbuɗ ki ni mborɓi summana. Wiisira ha fokka viɗ ki irisi lay. Hu li ma asi a di dlara ni ka di jivi oloɗi daɓ sesi wa.

EZAYI 29:10

Kay Yawe gagi ŋgus mayra senna kagiya, ndaɗ dugugi irigi ki wa, ni suu jok vun Lonna. Ndaɗ baaragi yagi ki wa, suu wi dlara hu fokka.

EZAYI 30:5

Na may asi halaŋ hin mbuɗ ay zolona fok suu ka lasi vaɗina, asi ka ndak a njun usiɗi, ka lasi va ma jivi na ndeɗi lay. Hin mbarasi ay kasi ni panna u zolona na ɗow.

JEREMI 10:21

Suu taa suuna ki giniŋi, asi ka hal Yaweɗi. Ni kay ndaɗta saɓakasi kaɗi, yoorina halaŋ hin ki kay tasiya.

JEREMI 12:10

Bolow suu taa suuna ɓeŋen gugutlu manda kiyo, tayan sene manna ki kaŋga u sesiya. Sene man ma jivi namma asi mbuɗum ki fulla, va ka huɗira.

JEREMI 16:19

Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

JEREMI 2:11

Njaf suuna ndak a jok ki u lo ma daŋŋa su? Doli ɗaŋŋi ka ni looginaɗi. Suu mansina may ni mbuɗ jivi masira ki u va sunum kaɗina.

JEREMI 2:6

Asi di ka ana, Yawe ni arage? Ma selemi ay ki hu mbassa Egiptera, ma takami voɗta ay hu fullana, hu mbassa gogoyra u dawna, mbassa faɗta ɦayra, li ma ci suuna kina, mbassa sa ka jak huɗira, sa ka kak huɗi layra?

JEREMI 4:22

Gasi, suu mansina saarasi kaɗi. Asi ka wanɗi. Ni gor suu to'onosi kaɗina. Asi ka ndak a wi dla na ndeɗi. Asi yal coco kay a li dla cora, a li dla jivira ni asi ka wiɗi.

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

JEREMI 7:8

Na may agi ɓakagi boy ma mbambara bay umma sunum kaɗina ɗi.

JEREMI 9:14

Na ɗaŋŋi Yawe, ma Saɓakŋa Kom Belna, Lona vi suu Israelna, ɓak anaba, an hin ɦasi beɗeera kasiya, ɦasi yo ma ci suuna asi camu.

EZEKIYEL 22:26

Muli masi suu li ɓivunna ɓalakan gaɗ manda kiyo. Asi mbuɗun tlegeyen suu teteɗna ki njenjera. Asi ka ɓorow ii tlesuu teteɗna ki u tlesuu ɦawanaɗi lay. Ka ɓorow teteɗta ki u njenjeraɗi. Asi dug irisi ki kay buu ma vi Lonna, mbuɗum ki dukusi lalassa.

EZEKIYEL 34:2

«Goŋ sanna di dlara jok vun Lona kay suu ŋgolo suu Israel suu taa yoorina. Bu Suuna, Yawe, di ana, hahawra kay suu Israel suu taa yoorina, asi suu taa tasira ɗowna. A jivira ni suuna taa ginni yoorina na ɗowɗi su?

Magaara Vi Sa Jok Vun Lona OZE 4:6

Suu mansina lay hin mbuɗ ka ɓakgi, ni cora kay asi ka wi dlaɗira, kay ana asi zuɗ wira wi dlara kiyo an hin zuɗuŋ ha kiyo. Aŋ hin ka li a mul man ma li ɓivunna oloɗi, aŋ maa gaɗta vi Looŋara kiyo, an may ni hin maaraŋ goryoŋ kiyo.

HABAKUK 2:18

Foto mbutl ma sa ceɗ guna ceɗemma jivi mamba ni mege, ɗowba ma yoorom yoorina kay haɗ dla corana, li ni sa ceɗ gu nammana ɦal tam ki mamu a li fuli suu ndumuna.

MATIYE 16:26

Sana li ana tlesuu hu duliyarana halaŋ lini komu ni, nam ba iiri mamba ki wa ni, tlesuu asina hin mbuɗum mege? Va san fam a hin mbuɗ iiri mamba un ni mege?

Boy Ma Ayra Ma LUK Ɓiirimma 11:52

«Hahawra kagiya agi suu wi magaara gaɗta. Agi vagi vun zira vi wira ki kogiya, tagira ka kal huɗi lay, suu cuk huna agi ka hinisiɗi lay.»

Boy Ma Ayra Ma JAŊ Ɓiirimma 16:3

Asi hin li dla ndaɗta na ni kayra asi ka wi bunɗi lay ka wan anɗi layra.

Boy Ma Ayra Ma JAŊ Ɓiirimma 8:55

Na may, agi ka wambi, anu, an wamu. An di wa ana an ka wambi ni, an mbuɗ ni sa kaboyna ko agi na may. An wamu, an hum u boy mamma lay.

2 KORINTNA 4:2

Ami hin ŋgayra zolona kiyo, ami ka lami u hu ma conaɗi, ami ka tlumumi ii Boy Lonanaɗi. Ami takami ni gasira vi Lonara na ɗow, ami gaɗami suuna kay wiisira hurusira halaŋ fok Lona.

GA 8ATAMBARA 33:10

Asi haɗaŋ dlaaŋga maŋ njaf suu vi Yakobma, takaŋ gaɗ maŋga maŋ suu Israelna, asi ka tiniŋ mbul ma his jivina ciniŋu, laŋ ɓivunna halaŋ kay givin ma togolla maŋŋa.

1 SAMUEL 12:21

Ҥuɗugi tagi kiɗi, ni agi hin tuɗ ki ni u tlesuu bay usina. Suu sunusi kaɗina lay. Suu ka buɗ sa kiɗi lay kay ana asi ni dlara ɦawara.

1 SAMUEL 2:12

Goryoŋ Helina sunusi kaɗi. Asi ka wi Yaweɗi.