JEREMI 2:7 - Boy Lonana

⁷ An tuɗ tinigi hu mbas mayra mbiira ɦayra kay agi juguɗ voɗuɗ u jivi maɗta. Na may a kal ha huruɗta ni agi mbuɗun mbas manda ki njenjera. Agi mbuɗun liina ki li ma cona.

JEREMI 2:7 Iomraidhean Croise

NEHEMI 9:25

Asi tli ɦoŋzi ma saɓakŋa ɦayna u ndaŋgara mbii cocora kiyo. Asi yow zigini suu tlesuu jivina hurusina ki zeɗ zeɗ bel, goloŋga asi gaɗta, sene gugutlura, ŋgusu conora, ŋgusugi suu vuɗta bolow coco may. Asi tiya hoɓ kiyo, asi ɗoo ki kak u furira ni u jivi maŋga ŋgolla.

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

EZAYI 19:25

Asi hin yi sem Yawe, ma Saɓakŋa Kom Belna, ana, «Gi deɓ Egipte suu mansina, Asiri ni sunda an laɗ u bik konda, Israel ni suu mansina.»

JEREMI 16:18

An gijaŋ warakasi dla cora asi laɗta yasi mba' mba', dla cosira lay kay ana asi mbuɗun mbas manda ki njenjera u dlasira moli ko didiŋga nara, oyon joonna ki u dla coosira.

JEREMI 3:1

Lini sana dik caamba kiyo, ndaɗ hinim ki tuɗ a kak ki u sa daŋŋa ni, nam ndak a hoŋ egeɗ olo su? Ndaŋga ndaɗta ka ki ni mbuɗi njenje gawɗi su? Ndak may ni li gawlaŋŋa u suuna bolowra ndak hin mbay egenu. Yawe di na.

JEREMI 3:2

Tli irik kolo gol ha hu voɗta. Li ma ndak li gawlaŋ ka hurumbina ka ni wan su? Ndak kak kaŋga keŋ voɗta a juɓusira, ko ndal Arabma hu fullara na. Ndak mbuɗ ndaŋgara ki njenje u dla cookka u boy zoŋ makka wa.

JEREMI 3:9

U tuɗ maɗta cora feɗta ndaɗ ɓeŋ ndaŋgara ki lay. Ndaɗ li zoŋga u gogoyra lay u guna lay.

JEREMI 32:23

Asi tuɗ hu mbas ndaɗta hin kak huruɗu. Na may asi humuŋ deleŋ kaɗi lay, gaɗ maŋga lay. Asi tuɗ ka uɗɗi. Asi min ka a li dlara aŋ dasi ana asi laɗuraɗi halaŋ. Ni kay ndaɗta aŋ mbaasi dla cora ay kasi halaŋŋi na.

JEREMI 32:30

«Gasi, ay hu gorosi day ni suu Israelna u suu Yudana li ni dlara an ka miniɗɗira. Suu Israelna ɓeŋen hurun ki u dlara asi laɗta.

EZEKIYEL 20:24

Kay asi li ka u neendaɗi. Asi noyon gaɗ manda kiyo. Asi mbuɗ Buu ma vi Lonna ki lalasi. Asi tuɗ ni u fuli suu vi somoyosina.

EZEKIYEL 20:28

«An cukusi hu mbassa, an suu tan tli kon kolo ana an a ɦasirara. Asi hal ni ɦini mayra kolo dayra u ŋgus mayna ɗufi cocona, li ɓivun masina ni huwa. Asi li ni ɓivun ma ɓalak huuna na ɗow. Asi tin mbul ma his jivina ni huwa, vo sum veŋ masina ni hu may.

EZEKIYEL 20:6

Hu buu namma ni an suu tan tli kon kolo dasi ana an hin cukusi ay ki hu mbassa Egiptera. Tinisi irisi hu mbassa an goloɗ ay ki min a cukusi hura, ni mbas mayra law gi mbiira u mbul yumma, mbassa seɗ tii ki su ndaryaɗ mbassa halaŋga.

EZEKIYEL 23:35

Kay ndaɗta Bu Suuna, Yawe, di ana, ni kayra ana humuk maa ki kanu. Ndak zuɗun ki ŋgorok dagan ni ndak zii nek dla cookka ndak laɗta u dla zoŋ makka tu ɗaŋ.»

EZEKIYEL 36:17

«Goŋ sanna, aŋ hum haa, suu Israel suu ka cuki kay ndaŋga masirana mbuɗuɗ ki njenjera u poy masira cora u dlara asi laɗta. Poy masira ki irin njenjera ni ko ndal cara tew hu tiliɗ ma tuguɗira mbuɗ ki njenjera na.

Magaara Vi Sa Jok Vun Lona OZE 9:3

Asi hin ka tew a kak hu mbassa vi Yaweraɗi. Efrayim hin hoŋŋi hu Egipte, hu Asiri ni asi hin ti ni tlesuu njenjena.

MISE 2:10

Cologi kolo, tuɗugiya, ka ni li ma koɗ tara tuɗi. U cookka, ndak hal dlara ɓeŋ lina, may ɓeŋga ŋgolla hin mba kaku.

NDUMBA 13:27

Asi cuɗ dla ndaɗta maŋ Moiz ana, «Ami tuɗ ay hu mbassa aŋ sunumi ha hura wa, mbas ndaɗta jivi cocoo, ni mbassa li gi mbul yumma u mbiira, gola ni vuɗ tlesuu ay huna.

GA 8ATAMBARA 21:23

Ka hinim maɗam a buu kolo hum gunaɗi, agi pam ki ni hu buu namma gak gak gaw. Kay sa ɓali ki kolona ni givun ma vi Lonna. Agi ka mbuɗ ndaŋga magira ki njenjeɗi, ndaŋga ndaɗta Yawe Loogina ɦagira ni magi a jona.

GA 8ATAMBARA 32:9

Yawe man suu Israelna ki ni a suu mamsina nam ka golosiya, Yakob ki ni a joomma.

GA 8ATAMBARA 6:18

Aŋ li ni dlara jivi ɗegeera ii Yawe, a kak u furira kal hu mbas mayra Yawe vi vunum kaɗ u somoyoŋga.