JEREMI 2:36 - Boy Lonana

³⁶ Ndak tuɗ ni hu li ma cona u zulla zul ii dla cookka. Ndak hin fi dla cora ŋgolla ko ay hu Egipte u Asirira na may.

JEREMI 2:36 Iomraidhean Croise

2 DLAŊ MULINARA 28:16

Hu coki ndaɗta mulna Akaz joɓ mul ma Asirina ana nam njunumu.

EZAYI 20:5

Suu li tin saa masira kay Etiyopi u Egipte dewna hin mbuɗ ki ndaana cocoo, ni suu may suu li fi njunda ay ko suu Egiptena cocona.»

JEREMI 2:18

Cecem wanda va mbaɗak vunuk hu voɗta Egiptera a ndak tuɗ ci yona hu lum ma Horusna ni mege? Va mbaɗak vunuk hu voɗta Asirira a ndak tuɗ ci yona hu lummana ni mege?

JEREMI 2:23

Ndak hin di ana, «An ka ki mbuɗi njenjeɗi. An ka liŋ kay cee Baalɗi,» ni nanage? Gol tuɗ makka hu ɦuɗugumba, gol dlara ndak laɗta. Jamballa cara taɗ feɗta ŋguy kay balam seɗtana.

JEREMI 2:33

Ndak wi yal ma gi ii dlara may, gasi ndak tuɗ taɓ tak ki u suu ci maɗna wa.

JEREMI 22:20

Ɗiŋ kolo kay ɦinira Libanda, yi ha kolo u deleŋga eŋga hu Basan. Hu lina bel bel aŋ yi huwa, banayaŋŋa halaŋ, asi casi ki wa.

JEREMI 22:22

Suu goloŋŋa halaŋ semeɗna sunusi a taa suuna, banayaŋŋa tuɗ ki mbeera wa. Gasi, zolona u hahawra hin mba kaŋu kay ci wayra aŋ caɗ kay dla cooŋgara.

JEREMI 31:22

Ni saba na ga ndak hin li ha ki colira keŋ tu na wan ge, go tamara li dla cora. Yawe li dlara wilira kay ndaŋgara. Cara min hu zina ki maŋ sa njufna.

JEREMI 37:7

Yawe, Lona vi suu Israelna, ɓak anaba, gola ni dlara agi hin daɗ maŋ mul ma Yuda ma sunugi ay egenna agi joɓon haana. Suu duu suu vi Faraw suu hin Egipte ki mbay a njunugina hin hoŋ dagan tli liisi ma hu Egiptena.

JEREMI 46:12

Njaf suuna humuk dla zolo makŋa kiyo, kay ana tii makŋa oy yam ndaŋgara kiyo. Sa saɓakŋa daɓ eg ndaram ma saɓakŋa asi puk kaŋga ko tasi mba' halaŋ.

YOORA 4:17

Ami may ni irimi ka tinira a juɓ njunda may ndaɗ ka mbaɗi. Ami juɓ ta ta ana suuna mbay njunumiya may. Asi ni ka suu ndak a suɗuminaɗi.

YOORA 5:6

Ay hu Egipte ami maɗ komi koloo ay hu Asiri lay a hoɓ hayami u funa.

EZEKIYEL 16:28

Ndak hin li zoŋga u suu Asirina lay, kay dla ndaɗta ka ndakakgi. Ndak li u asi na lay, ni ka hoɓbi lay.

EZEKIYEL 29:7

Suu tlaŋ kosi a jik tasi u aŋŋa ni aŋ kus ki kosi gaw. Suu waɗaŋ kolo kelesina aŋ kususi pel bikisiya. Hu li ma asi a jik tasi u aŋŋa aŋ kus ki kosiya, aŋ guluɗusi u furusi kiyo.

Magaara Vi Sa Jok Vun Lona OZE 10:6

Goo mbutl namma lay asi hin tlam tuɗum ha ki Asiri, ɦam ki a ɓivunna maŋ mul ma ŋgolna. Efrayim hin fi ni dlara zolona. Israel hin tii taɗ kay cora ndaɗ laɗ ndaɗta.

Magaara Vi Sa Jok Vun Lona OZE 12:1

Efrayim ŋguyun ki u kaboyna, suu Israelna u dla cora may. Na may Yuda ka tuɗ u Lona tuwa, kaki u ɗegeera eg ma ki Teteɗna.

Magaara Vi Sa Jok Vun Lona OZE 14:3

Vagi boyna kogi hin hoŋogi ay eg Yawe dam ana, «Aŋŋi sa bulum cora ki halaŋŋa, min dlara jivira, balam bolo mbutlina ami hin ɦaŋ a ɓivunna ni boy ma funumina.

Magaara Vi Sa Jok Vun Lona OZE 5:13

Efrayim wi tuguɗii mamba wa, Yuda wi mbil ndoɗi mamma wa. Efrayim tuɗ ha eg Asiri, cuk gor suu sunda ay eg mul ma ŋgolna, nam may ni ka ndak a garaɗagi tuguɗii magira kiɗi lay, ka ndak a buɗugi ki ko mbil ndoɗinaɗi lay.

Magaara Vi Sa Jok Vun Lona OZE 7:11

Efrayimmi gugukka giniŋga totoonoɗ kaɗira, asi yi Egipte lay, asi liŋ hu Asiri lay.