JEREMI 2:34 - Boy Lonana

³⁴ Busu suu hahawra, suu li va kaɗina ka tini eg vun barawi maksina. Ni gasi eg tle asina an famu, ka ni eg gulumun ma irim ki cooynaɗi.

JEREMI 2:34 Iomraidhean Croise

2 MULINA 21:16

Manase ci suu ɓalak va kaɗina ki cocoo, suluk namma oy ki hu Yerusalem na halaŋ. Suluk ma nam lam eg Yuda halaŋŋa ka ndumbi. Nam li dlara ka ii Yawe jiviɗira cocoo.

2 MULINA 24:4

Olo ni kay busu suu li va kaɗi ma asi voom ki kaŋga ɦawa bay uɗna. Dla co ndaɗta oy ki hu Yerusalem. Yawe ka min zi ma Yerusalem namma oloɗi, ka min a heɓ hurum eg zi nammaɗi.

KALKIRA 22:1

Lini sana fi sa ma kulla a vek u zira cam ki maɗna wa ni sa ka hal dlara saam sugulumbi.

KALKIRA 22:2

Lini faɗta day ki wa kay sa namma ni ka cam oloɗi. Hu li namma sa ma kulla mba warak va ma nam kulumma, lini va ka kombi ni gusum tamba ki a warak dlara nam laɗta.

EZAYI 57:5

Agi ŋgaagi fuli magisina duk gura girmindiŋga u bubura ŋgoo bagiya. Agi ŋgaɗagi goryogi ki fun mbo ŋgolona, u ɦinira lay.

EZAYI 59:3

Huu duk kogi ki coori u busuna, gogor kogi oy u dla cora, vunugi ɓakŋi dlara ganyamba, sinigi hosokŋi dlara gi sulukŋa sak sak.

EZAYI 59:7

Sesi ɓaɗ ni kay dla cora, asi liŋŋi kay a vo busu suu li va kaɗina ki ɦawara. Saa masira ni saara li dla cora. Li ma asi jak huna balamasi ni tlena ɓalaki cocoo.

JEREMI 19:4

Hu li ma asi noyon ki may, asi ɓeŋ li namma ki u ɓivun ma ŋgalam maŋ loogi suu daŋ suu loɓ tasi ay ka kasiɗi lay, ka kay somoyosiɗi lay, ka kay muli suu Yudanaɗi layna. Asi oy li namma ki u busu kem gorira li va kaɗira.

JEREMI 2:33

Ndak wi yal ma gi ii dlara may, gasi ndak tuɗ taɓ tak ki u suu ci maɗna wa.

JEREMI 6:15

Asi ki viɗiya kay ana asi li dla cora. Na may asi ka min wi dla coosiraɗi. Asi ka saa kay dlara mbuɗusi ki zolonaraɗi. Na ɗaŋŋi asi hin puk ki kaŋga ko suu hiŋŋa na. Asi hin daɓ pukka kaŋga hu li ma an hin kaasi ɓakŋa kasina. Yawe di na.

JEREMI 7:31

Asi min otel ma li ɓivunna ha hu ɦuɗugumba Ben-Hinnomba kay a ŋgal goryosi suu njufiina u gorɓiina ki u kura. An joɓ dla ndaɗta kaɗi. An saa ka kay dla ndaɗtaɗi lay.

JEREMI 7:6

Yowogi tlesuu vi sa mbay mbeera dukuginaɗi, sa kuyuna u cara donoraɗi. Voogi busu suu li va kaɗina ki kaŋga hu li nammaɗi. Kay hahaw magira liŋigi kay cee loogi suu daŋŋaɗi.

JEREMI 8:12

Asi ki viɗiya kay ana asi li dla cora ɦay, may asi ka mbuɗ zoloɗi, asi ka saa kay hahaw masiraɗi. Na ɗaŋŋi asi hin puk ki kaŋga ko suu hiŋŋa na. Hu buu ma kaɓakŋa ni asi hin ka fi sesi ma collaɗi. Yawe di na.

YOORA 1:9

Zozoɗ maɗta ki eg baraw maɗna lay. Ndaɗ ka saa kay dlara mbay dagandaɗi. ɓeŋ maɗta ki ŋgol cocoo. Sa heɓeɗ huruɗ kaɗi. Gola Yawe ni zolo manna, babali manna wul ni wuliya.

YOORA 4:14

Asi talal hu voɗta, irisi ki dugiya, busuna mbuɗusi ki njenjera wa. Sa ka tin kom eg baraw masinaɗi.

EZEKIYEL 20:31

Hu li ma agi mbaa tlegeyegi ayna, hu li ma agi ŋgal goryogi kina, agi mbuɗ tagi ki njenjera u fuli magi asina ta ta cemi. An may ni hin hin tan a agi mbay joɓon gasi may su agi suu Israelna? An suu tan u iiri manda di ni Bu Suuna, Yawe, an ka ndak a hin tan a agi joɓonɗi.

EZEKIYEL 22:25

Suu ŋgolo maŋsina ni ko ndal dlo ma ci ŋgoɓpa kay tliw mam ma nam vamma na. Asi yow tlena ki vi suuna, yow begera vi suunara kiyo, ci njufiina ki hin boyogina ki donora coco hu ɦoŋzina.

EZEKIYEL 23:45

Na may suu ɗegeena hin kaasi ɓakŋa kasiya. Ni ɓak may ma vi boyogi suu li dlara zoŋga halaŋŋa u boyogi suu ci maɗna, kay asi ni suu li zoŋga lay, kay busuna ka hu duk kosiya.»

EZEKIYEL 24:7

Kay busu ma ndaɗ vom ki cocona ka ni na gak gak. Ndaɗ vo busuna ni kolo kay ɦinira, voom ka ga duk ndaŋgaraɗi, tosom ka ki ga duk ndaŋgaraɗi lay.

EZEKIYEL 9:9

Nam dan ana, «Suluk ma vi suu Israelna u suu Yudana kal ki saɓakiya, mbassa ki oy u busuna cocoo, ɦoŋzi ma ŋgolona halaŋ ki hoɓi u dla cora. Kay asi ka di ana, Yawe noy mbas ndaɗta ki wa, nam ka ndak a waɗ oloɗi.