JEREMI 2:32 - Boy Lonana

³² Go tamara ndak maa tlesuu humuɗna ki su? Goora ki ɗumira ndak maa baraw maɗna ki su? Na may asi suu mansina maaran ki day day buuna bolow cocoo.

JEREMI 2:32 Iomraidhean Croise

URA TIN AYRA 24:22

Hu li ma jamballa ci yona ki halaŋ cini, sana tli walakka lor jivira, gus loɓma, kalaɗta ciniɗu, yowoɗ walakŋa del kona mba' ma gusum loɓma cukuɗna koɗ may.

URA TIN AYRA 24:30

Hu li ma nam wi walakka cin wayamba Rebeka u walakŋa cuki koɗ na ni, nam hum boy ma Rebeka damma ana, «Sana njaɗan ay na.» Nam hin mbay eg sa namma eg jambal mamsina fun goloŋgana.

URA TIN AYRA 24:53

Sa sunda vi Abraham yow tlesuu ay komma ki kiɗiki, doonora, lor, u barawna ɦasi maŋ Rebeka. Nam ɦal tlena coco maŋ wayaɗna u suɗu. Ŋgoo dagan nam u suu ay umma tiya, ciya, asi hin buura.

2 SAMUEL 1:24

Gorɓii suu Israelna tiirigi kay Sol ma cukugi baraw ma gus loɓma u tlesuu humba egegina, ma njaɓagi ɦeɗew lorra kelegi kay baraw maginana.

SOOLLA 106:21

Humusi maa ki kay Lona ma suɗusina, ma li dlara mbuɗ mbuɗta ŋgolora ay hu Egiptena,

SOOLLA 9:17

Yawe tak tam ki kaɓakŋa wa, suu li dla cora cuk kaŋga hu mbeleŋ masina wa.

EZAYI 17:10

Kay aŋ maa ki kay Lona sa ma suɗuŋŋa wa, humuŋ gaŋ ka kay ɦini maŋŋa aŋ ŋgay taŋ irimbaɗi. Aŋ zaa ŋgusugi suu jivina, aŋ zaa ni ii tlesuu ay ki keŋŋa.

EZAYI 57:11

Fulina ni mege? Agi li ndaana kosi ni kay mege? Agi mbaɗanu, humugi maa ki kan lay. Agi ka lan ndaranɗi ni kay basara ŋgolo an seŋ tan ki, ka di vaɗira su?

EZAYI 61:10

Yerusalem ŋga Lona di ana, an furi cocoo, furi coco ni kay Yawe, iri manda furi coco kay Loonna, kay nam cukun baraw ma suɗta egenu, nam kalan hu baraw ŋgol ma kaɓakŋa, ko ndal goora min taɗ a hal njufna, ɗowba mul ma li ɓivunna tin jumba jivira kamba na, ko goora hal a i njufna min taɗ ki jivira na.

JEREMI 13:10

Suu may suu co suu ka min a humun boy mannaɗina, tuɗ fok u su vunna, liŋ ki u loogi suu daŋŋa a goɓosira. Asi mbuɗ ki cora ko gandi namma ka jivi oloɗira na.

JEREMI 13:25

Gola ni dla cookka. Ni ta an ŋgaakka kakka. Yawe di na. Ndak mayra maaran ki hin li dlara bay uɗta.

JEREMI 18:15

Suu mansina maaran kiyo, tuɗ ŋgal ɓivunna ki maŋ suu sunusi kaɗina, suu daɓasi sesi eg guna hu voɗta lay, hu voɗta vi somoyosi ta jew dayra. Asi tli voɗ ndaɗta may, voɗ mayra huruɗ ka jiviɗira.

JEREMI 2:11

Njaf suuna ndak a jok ki u lo ma daŋŋa su? Doli ɗaŋŋi ka ni looginaɗi. Suu mansina may ni mbuɗ jivi masira ki u va sunum kaɗina.

JEREMI 2:33

Ndak wi yal ma gi ii dlara may, gasi ndak tuɗ taɓ tak ki u suu ci maɗna wa.

JEREMI 23:27

U doy masira asi njaɗaɗ vunuɗ duk tasira, asi saa ana suu mansina hin maaran sen ki ko somoyosi u Baal masina maaran sen kira na.

JEREMI 3:21

Tiina hin col kolo ŋgolla hu voɗta halaŋ halaŋ. Yira hahawra vi suu Israelna kay asi tli voɗta cora kosi, maa Yawe, Loosina kiyo.

EZEKIYEL 22:12

Huruŋ olo ni suu daŋŋa vi warakŋa a tuɗ ci maɗna. Suu daŋŋa ka joɓ balna ko ndaryasina u mbona. Asi yow tlena ko ndarayasi suu vok zina u saɓkŋa. Asi ka ɦeɓesi kay a fi mbo ma bay umma. Humuŋ maa ki kan gaw may. Di ni Bu Suuna Yawe.

Magaara Vi Sa Jok Vun Lona OZE 8:14

Israel maa ki kay sa laɗna wa, na may ndaɗ min zigini suu jivina kaɗu. Yuda may ni zul ɦoŋzi ma jivi ma saɓakŋa ni zuliya. Na may an hin sun kura ay kay ɦoŋzi namma ndaɗ hin ŋgal zigini suu jivi asina kiyo.

GA 8ATAMBARA 32:15

Suu mamsina ɦis ki wa, mbuɗ ki suu gonokka, asi ɗoo ki wa, ndi ki mbala cocoo, noy Lona ma lasina kiyo, mbuɗ sa ma njun kasi ma suɗusi kina ki zolona.

WIRA ŊGAYRA 21:2

An wi ɦoŋzi ma teteɗna ni Yerusalem ma wilina, nam sii ay kaŋga huulona, nam ay ni eg Lona ki mini ko goo wayra min taɗ a tuɗ njufnara na.

SUU KAƁAKŊA 8:34

Suu Israelna humusi ka gasi kay Yawe, Loosina, ma tuɗusi ay ki ko suu babali masi suu ŋguyusinaɗi.