JEREMI 2:30 - Boy Lonana

³⁰ An poŋogi goryogi ni a wassa. Asi ka humun haɗ mandaɗi. Ŋgew magira cagi suu magi suu jok vun Lona ko ndal dlo ma vi mburina na.

JEREMI 2:30 Iomraidhean Croise

1 MULINA 19:10

Nam hoŋom dira ana, «Yawe Lo ma Saɓakŋa, an hurun miniŋ cocoo. An ka ndak a siɓ dlara suu Israelna laɗtaɗi. Asi bus galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

1 MULINA 19:14

Nam hoŋ dira ana, «Yawe, Lo ma Saɓakŋa, an hurun miniŋ cocoo, an ka ndak a siɓ dlara suu Israelna laɗtaɗi. Asi bus Galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

2 DLAŊ MULINARA 24:21

Asi vi vunusi ki kamu, gikim ki u gogoyra, cam ki ko mulna dasisra na ni fun biɗii Zira vi Yawera hu gaw.

2 DLAŊ MULINARA 28:22

Duk dlara yoora cocora na lay ni Akaz ka hin cora laɗ eg Yaweraɗi.

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

EZAYI 1:5

Agi min a waɗagi ni ana me ologe, agi suu tuɗ fok u dla cora gak gakŋa? Yagi halaŋ mbuɗ ki ni tuguɗiyo. Hurugi mbuɗ maŋiya.

EZAYI 59:3

Huu duk kogi ki coori u busuna, gogor kogi oy u dla cora, vunugi ɓakŋi dlara ganyamba, sinigi hosokŋi dlara gi sulukŋa sak sak.

EZAYI 9:13

Kay ndaɗta Yawe ka yamba u njawra hu Israella kiyo. Nam ka manawna u cerewna ki ni buu ma dewna.

JEREMI 31:18

An humma, gasi an humma, Efrayim ka yoo tamu, «Aŋ haɗanu an hin tan aŋ haɗanu ko ndal goo mbutl ma sa ka tin kom egembina na. Aŋ keŋen irin aya, an hin ndak hoŋ ay may. Kay ana aŋ Yawe aŋŋi Loonna.

JEREMI 46:14

Dagi boy namma ha ki maŋ suu hu Egiptena, ɓakagi boy namma suu hu Migdolna humum kiyo, ɓakagi boy namma suu hu Memfisna humum ha kiyo, suu Tapanesna lay, dagi ana, Cola gol u lina. Ŋgewna ka ci suuna keŋegu.

JEREMI 5:3

Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.

JEREMI 7:28

Aŋ dasi ɗaŋ, gologiya, suu ka hum vun Yawe, Loosinaɗina, ka li u gaɗ mambaɗina, gasira viɗ ki wa, ndaɗ bulum ki funusi wa.

YOORA 4:13

Ni kay dla cora vi suu maɗ suu jok vun Lona, ni kay dla cora vi muli maɗ suu li ɓivunna suu vo busu suu ɗegeena ki kaŋga huruɗna.

EZEKIYEL 22:24

«Goŋ sanna di mbassa Yerusalemba ana, hu li ma hurun ki ɓeŋina ni lo si ka huruɗɗi. Ndaɗ ki ni njenjee, buu ma yara.

EZEKIYEL 24:13

Yerusalem, ndak mbuɗ tak ki njenjera u dlaakka cora. An hal a mbusuk lay ni ndak ka min mbus ki oloɗi. Na may ni ndak ka ndak a mbus ki oloɗi ta ta yaanda daɓ ki egek tuwa.

DANYEL 9:13

Ko ki ɓiirira hu magaara gaɗta vi Moizza na, dla co ndaɗta halaŋ mba kamiya, may ami heɓ huu Yawe, Loomina, ka u hinda hin coomira kiraɗi, a li ka kira na en hu ɗegee mambaɗi.

SOFONI 3:2

Ndaɗ hum yira kaɗi, ndaɗ vi haɗta ka kaɗɗi, ndaɗ hum vun Yawe kaɗi, ndaɗ ɦuɗ taɗ ay ka eg Looɗnaɗi.

MATIYE 23:29

«Hahawra kagiya, agi suu wi magaara gaɗta u suu Farisenna, agi ni suu mbambana. Suu jok vun Lona, agi minisi ususi jiviya. Suu ɗegeena agi ndolosi ususi jivi lay.

SUNDA 7:52

Suu jok vun Lona suu somoyogi lasasi kaɗina ni suurage? Asi ci suu di ki kay mbara vi sa ma Ɗegeena kiyo, Cecemi nam ma agi di kolokŋa kam cam kina,

1 TESALONIKŊA 2:15

Asi ni suu ci Bu Suuna Yesu u suu jok vun Lona kina, ni suu lasamina, asi ka ii Lona jiviɗi, asi gonokka u suuna halaŋ.

WIRA ŊGAYRA 16:9

Suuna zamal fatɗa ŋgalasi lay ni asi ŋgul sem Lona ni ŋguli na ɗow ɗow ka hom kay coosiraɗi, ka min a ɦal ŋgolla maŋ Lona ma saɓakŋa kom suy kay dla ndaɗtanaɗi lay.