JEREMI 2:26 - Boy Lonana

²⁶ Ko ndal sa kulna viɗ ki hu li ma vam a li dlarana na, suu Israelna ki viɗiya. Asiya, muli masisina, suu ŋgolo masisina, muli masi suu li ɓivunna u suu masi suu jok vun Lona lay.

JEREMI 2:26 Iomraidhean Croise

EZDRAS 9:7

Col ay hu buu ma vi somoyomina day ta ta karammi suluk mamina ŋgolla ɦay, kay suluk mamina, ami lay, muli mamisina lay, suu mami suu li ɓivunna lay ɦami ki maŋ mul ma kay ndaŋgarana, maŋ ŋgewna, maŋ suuna a yowomi ki mborɓogina, maŋ suuna ɦurumumi tlegeyemiya, hinimi zolona cami ko karamba na.

SOOLLA 97:7

Suu togol fulina halaŋ zolona vagi wa, agi suu ŋga tagi ɦayna. Agi loogi suu ɦawana halaŋ goɓogi ga fokomu.

EZAYI 1:29

Agi suu goɓ ga fok ɦoy ŋgolnana hin mbuɗ zolona. Agi halaŋ hin mbuɗ zolona kay agi tin hurugi ni kay zi fuli magisina.

EZAYI 44:11

Gola suu goɓ loogi asina halaŋ mbuɗ ki zolona, suu yoo tle asina ni suu warna ɦawaa. Asi tok tasi ay halaŋ, asi dlak ndaana mbuɗ ki zolona u dlasira halaŋga.

EZAYI 44:9

Suu min loogi suu ɦawana ki ni ɦawaa. Sun masira asi laɗta ka fi va huɗi. Suu a diki kasina ka wi vaɗi lay. Zolona vasi wa asi ka wi vaɗi.

JEREMI 2:36

Ndak tuɗ ni hu li ma cona u zulla zul ii dla cookka. Ndak hin fi dla cora ŋgolla ko ay hu Egipte u Asirira na may.

JEREMI 22:22

Suu goloŋŋa halaŋ semeɗna sunusi a taa suuna, banayaŋŋa tuɗ ki mbeera wa. Gasi, zolona u hahawra hin mba kaŋu kay ci wayra aŋ caɗ kay dla cooŋgara.

JEREMI 32:32

Ni kay dla cora suu Israelna u suu Yudana laɗta. Asi ɓeŋen hurun kiyo. Asi lay, muli masisina lay, suu masi suu ŋgolona lay, muli suu li ɓivunna lay, suu masi suu jok vun Lona lay, suu vi Yudana, suu Yerusalemma lay.

JEREMI 4:9

Hu buu namma gaw ni, Yawe di ana, ɦiŋga vi mulna u suu ŋgolonara hin viɗ kiyo. Muli suu li ɓivunna hin mbuɗ ki hahawra. Suu jok vun Lona hurusi ɓeŋ ki lay.

JEREMI 48:27

Israel mbuɗ ka ki iriŋ va sanda gasiɗi su? Aŋ faɗ ay duk suu kulla a aŋ ɓakaɗ dlaaɗta tew tew u kisikka kisik yaŋga su?

EZEKIYEL 16:54

Kay ana ndak zii nek dlaakka mbuɗ ki zolona ko dlara ndak laɗta halaŋ. Ni asi irisi hin ɗil may.

EZEKIYEL 22:26

Muli masi suu li ɓivunna ɓalakan gaɗ manda kiyo. Asi mbuɗun tlegeyen suu teteɗna ki njenjera. Asi ka ɓorow ii tlesuu teteɗna ki u tlesuu ɦawanaɗi lay. Ka ɓorow teteɗta ki u njenjeraɗi. Asi dug irisi ki kay buu ma vi Lonna, mbuɗum ki dukusi lalassa.

ZAKARI 5:4

Yawe, ma Saɓakŋa Kom Belna, di ana, An gigiɗ ɦawa a ndaɗ tew ziŋ sa kulla a sa suu tam bay gasira tew tewna, ko ndaɗ kak hu ziimu, tamma kiyo, mbalna u gogoyra.

ROMMA 6:21

Agi hin fi me u sunda zolo ta agi laɗ ay jew ndaɗta ge? Sun ndaɗta tuɗuŋŋi hu miɗna.