JEREMI 2:20 - Boy Lonana

²⁰ Ay day day lay ni ndak kus gu ma kelekŋa kiyo, ja duk ɦoŋok ki u an di ana, An ka min a li mbaɓu oloɗi. Kolo kay ɦinira fiyekka, kaŋga u ŋgusu ma ɗufina ndak buu kaŋga li gawlaŋŋa.

JEREMI 2:20 Iomraidhean Croise

1 MULINA 12:32

Nam tin luuna dew ni hu buuna doogo yam vadl u til ma kalavandina. Luu namma ni ko ma ka lam hu Yudana na may. Nam mbaa ɓivun mamma ay u tamba kay givin ma togolla may. Gola ni dlara nam laɗ ay hu Betella. Li ɓivunna maŋ gor mbutli suu nam yoorosina. Nam cuk muli suu li ɓivun suu daŋŋa hu li ma teteɗna may.

1 MULINA 14:23

Asi min liisi ma mbuy kolona a li ɓivunna, col ɦinira ceɗi ta teteɗta fokosiya, min fulina tlesuu teteɗna kolo kay li mbuyna na zeɗ zeɗ, hu li ma ŋgusugina ɗufi hu cocona,

SOOLLA 107:14

Nam taɗasi ay ki duk ndufunda, hu lina vi suu miɗina, nam kaasi kinjiŋ ma sesina kiyo.

SOOLLA 2:3

Asi di ana, «Njaaygi gaɗ masira asi njunuɗ kaygira kiyo, hiniɗ a ti kaygi oloɗi.»

SOOLLA 78:58

Asi ɓeŋem hurum u goɓpa goɓ loogi suu ɦawana kolo kay ɦinira, fuli masisina ɓeŋem hurummi ɓeŋi na ɗow.

KALKIRA 19:8

Suuna halaŋ hoŋ dira ana, «Dlara Yawe daɗta halaŋ ami min laɗu.» Moiz hoŋ boy ma suuna damma maŋ Yawe may.

KALKIRA 24:3

Moiz mba cuɗ boy ma Yawe damma ki maŋ suuna halaŋ u gaɗta lay. Suuna halaŋ hoŋ dira vunusi na dew ana, «Boy ma Yawe damma halaŋ ami min a li umu.»

KALKIRA 3:8

An cuk ay ga ni a buɗusi ki ko suu Egiptena, a tuɗusi ki hu mbassa ŋgolla jivi cocora, hu mbas mayra law gi mbiira u mbul yumma. Ni hu lina vi suu Kanaanna, suu Hetna, suu Amoreenna, suu Perizina, suu Hivna u suu Jebusenna.

EZAYI 1:21

Ni ana mege? Ҥoŋzi ma ɗegeena mbuɗ ki gawlaŋŋa ni nanage? Nam ay ni ɦoŋzi ma ɗegeena, dlara ɗegeera ay ni huwa. Cemi mbuɗ hu ni suu ci maɗna.

EZAYI 10:27

Hu buu namma ni nek masira hin tli ki kagiya, jug masina hin paɗ ki kelegi may. Jug masi ma kelegina hin kus kiyo.

EZAYI 14:25

An hin to zi ma Asirina ki hu mbas manda. An hin tayam ki ga u ɦini manda. Suu may suu ziirimma jug mamma hin tli ki kelesiya, nek mamba hin tli ki kasiya.»

EZAYI 9:4

Sem tuɓuru ma vi suu duuna ma soo ay kaŋga kiriɓ kiriɓma u baraw ma taɗ ay ga duk busunana hin ŋgal kiyo, asina hin hin ki ni a ti ma vi kurana.

JEREMI 13:27

Dla zoŋ makka, yira ndak yi suuna a li zoŋgara, gawlaŋ mak ma bay zolona kolo kay ɦinira, hu senena, an wak dla cookka. Ҥii, Yerusalem, ndak ka ndak a mbuɗ tak ki jivi teteɗ a tuɗ unɗira ni buuna ga ologe?

JEREMI 17:2

Asi ɓak kay goryosi may ni, asi hin ɓak kay otel masi ma ɓivunna u gu ma ɓivun ma pii eg ŋgusugina humum ɗuf tew tew kolo kay ɦinira fiyekkana may.

JEREMI 2:31

Agi suu wara, suu cecem wanna, humugi boy ma vi Yawena. An mbuɗ ki ni fulla vi Israella su? Mbas mayra ndufun ilik ilikka su? Ni kay me suu mansina di ana, «Tuɗuygi hu li ma aygi minimma, ami ka hoŋ ay egeŋ oloɗi ni ge»?

JEREMI 3:13

Na may ndak wi cookka. Ni eg Yawe, Lookŋa, ndak mbuɗ yara. Ndak nja kok ki u tuɗta cora kay cee suu daŋŋa u ŋgusu ma ɗufina lay. Agi humun delen kaɗi. Yawe di na.

JEREMI 30:8

Hu buu namma ni, Yawe, ma Saɓakŋa Kom Belna, di ana, an hin kusum mbal ma kelemma kiyo. An hin tlamma ki kelemu. An hin jaam gali ma semma kiyo. Nam hin ka loɓ tam u sunda fok suu daŋŋa oloɗi.

JEREMI 5:5

An hin tuɗ ni eg suu ŋgolona na ɗow a ci wayra u asiya. Asi ɗow kala wi voɗta vi Yawera, gaɗta vi Loosinara. Na may ni suu daŋŋa ko suu hiŋŋana ni kus jug ma gii kelesina kiyo, bulum banara dukusira kiyo.

EZEKIYEL 16:28

Ndak hin li zoŋga u suu Asirina lay, kay dla ndaɗta ka ndakakgi. Ndak li u asi na lay, ni ka hoɓbi lay.

EZEKIYEL 16:31

Hu li ma ndak min li ma mbuy kolo dayna keŋ voɗta halaŋ halaŋŋa, min li ma jivina hu lima tokka halaŋ lay, ndak li ka ko gawlaŋii suu daŋŋa naɗi lay, min ka a joɓ warakɗi lay.

EZEKIYEL 16:41

Asi hin ŋgalak ziikŋa kiyo. Asi hin lak dlara gaɗta daɗta ki egekŋi ii boyogi suu daŋŋa halaŋ. An hin doorok dlaakka gawlaŋ ndaɗta kiyo. Ndak ka ndak a warak sa oloɗi lay.

EZEKIYEL 20:28

«An cukusi hu mbassa, an suu tan tli kon kolo ana an a ɦasirara. Asi hal ni ɦini mayra kolo dayra u ŋgus mayna ɗufi cocona, li ɓivun masina ni huwa. Asi li ni ɓivun ma ɓalak huuna na ɗow. Asi tin mbul ma his jivina ni huwa, vo sum veŋ masina ni hu may.

EZEKIYEL 23:5

Na may Ohola hin dla mayra kak u an dewra tani, mbuɗ taɗ ki gawlaŋga. Ndaɗ li zoŋga u suu Asirina, suu miniɗ ɦayna, u suu Asgaarina.

Magaara Vi Sa Jok Vun Lona OZE 1:2

Oze gijaŋŋa u boy ma vi Yawena. Yawe di Oze ana, «Tuɗ ɗum ca mayra hin taɗ ki gawlaŋŋara ndaɗ hin vuɗuŋ gor suu gawlaŋina, kay ana mbassa min ŋgolla ni gawlaŋŋa noy Yawe kiyo.»

Magaara Vi Sa Jok Vun Lona OZE 2:5

Li ka naɗi ni an hin fokoɗ barawi suu egeɗna ki hin hiniɗ ki siiliya. An hin hiniɗ ki ni ko hu buu ma ndaɗ vuɗ ay ki huu suɗna na. An hin mbuɗuɗ ki ko ndal fulla na. An hin mbuɗuɗ ki ko ndaŋga koɓona na. An hin caɗ ki ni u laa yona.

Magaara Vi Sa Jok Vun Lona OZE 3:3

An daɗ ana, «Ndak hin hin ki man buuna bolowo, bay goɓ kaŋgaa, bay mbuɗ ki maŋ sa daŋŋi. An hin li u ndakŋi ko ndaɗta na may.»

Magaara Vi Sa Jok Vun Lona OZE 4:13

Kolo kay yam ɦinira asi li ɓivunna tew tew huwa, kolo kay ɦinira asi li ɓivun ma ŋgalam ki ŋgalina, kaŋga u ŋgus guna, ɦoyna, peplierna, terebintena, ŋgususi jivi cocoo. Na may gorɓii magisina hin cuk tasi ki gawlaŋŋina, boyogi suu vi goryogina hin li zoŋga.

Magaara Vi Sa Jok Vun Lona OZE 9:1

Israel kal furira ki kak coco ko ndal suuna naɗi, kay ana ndak li dlara zoŋga, tuɗ ki eg Lookŋa day lay, ndak min ni warak ma ɦakŋa hu li ma to wana belna.

DLAŊ LEVIRA 26:13

Anni Yawe, Loogina, ma suɗugi ay ki hu mbassa Egiptera kay a agi li a suu masi suu sunusina oloɗi. An kaagi jug ma kelegina ay ki ni anu, agi mbuɗ tuɗ yagi ki tlii kolo ni unu.»

NAHUM 1:13

Cecem wanda an kusum guum ma gii deleŋŋa ki wa, an buɗuŋ zew mamma ki seŋ wa.

GA 8ATAMBARA 12:2

Agi bulum li ma suu agi dikisi ki wanna minim a goɓ loogi suu ɦawana kolo kay yam ɦinira zeɗ zeɗna ki halaŋ halaŋ, u ma keŋ voɗtana, ma mini u ŋgusugi suu ŋgolona lay.

GA 8ATAMBARA 15:15

Humuŋ gaŋ kay mbassa Egiptera hu li ma aŋ ay mbaɓura huna, Yawe Looŋŋa buɗuŋ ay kiyo, ni kay ndaɗta an ɦagi gaɗ ndaɗta cemi wanna.

GA 8ATAMBARA 26:17

Ni Yawe ma agi vi vunugi ana nammi Looginana, agi min a tuɗ ni hu voɗ mamba, agi min li u gaɗ mamba u yal mamma u neemba mayna.

GA 8ATAMBARA 4:20

Na may agi ni suu Yawe yowogi kiyo, nam cukugi ay ki hu mbassa Egiptera, kura ŋgal ndaɗta ni ko jojokka yoo kawi ma vagi ga namma kira, na ni kay a agi mbuɗ ki suu mamsina, ni a joomma ko agi ki cemi wandara na.

GA 8ATAMBARA 4:34

Ɗowba lo ma ɦawa maa tuk tam dew a mba duk suuna a tlasi ki a suu mamsina u takka ko wanda na ka su? Ma duu kay suu mamsina u bik kom u saɓakŋa li ndaana coco ko ndal Bu Suuna Loogina li ay kagi hu Egiptera na ka su?

GA 8ATAMBARA 5:27

Aŋ Moiz ni sa ma ɦuɗ taŋ ha tok hum boy ma vi Yawena ay halaŋ, aŋ hin mba jokomi boy ma Yawe Looygina damma kiyo, ami hin hum boy namma, li um may.»

JOSUWE 1:16

Asi hoŋ dira maŋ Josuwe ana, «Dlara aŋ damira halaŋ wandara ami hin laɗu, li ma aŋ hin a sunumi huna lini aragelay ni ami hin tuɗa.

JOSUWE 24:24

Suu Israelna hoŋ dira maŋ Josuwe ana, «Ami hin sunni Yawe, Loomina, ami hin humummi vunum doy hol.»

JOSUWE 24:26

Josuwe ɓii boy namma halaŋ ga hu gaɗta vi Lonara. Nam tli ɦinira ŋgolla coloɗ kolo hu li namma u ŋgus guna fun zira vi Yawera.

WIRA ŊGAYRA 17:1

Olo sa sunda huulona ma dew duk suu kiɗisiyana ma kop ma kiɗisiyana komma dan ana, Mbaya an min takaŋ warakka kay cara gawlaŋga ŋgolla, ndaɗ ni ɦoŋzi ma ŋgol ma mini fun mbo lummana.

SUU KAƁAKŊA 10:6

Suu Israelna hoŋ li dlara ka ii Yawe jiviɗira olo. Asi sun loogi suu ɦawana gi Baal u Astart, loogi suu Aramma u loogi suu Sidonna, loogi suu Moabma u loogi suu vi goryoŋ Amonna, loogi suu vi suu Filistinna. Asi noy Yawe kiyo, ka min a sunum oloɗi.

SUU KAƁAKŊA 2:11

Suu Israelna li dlara ka ii Yawe jiviɗira, asi gijaŋ a sunni Baalgina.

SUU KAƁAKŊA 2:13

Asi noy Yawe kiyo. Asi sunni Baal u Astart.

1 SAMUEL 12:10

Na ɗaŋŋi asi yi Yawe kolo u delesi eŋga ana, ami li suluku, kay ana ami noy Yawe kiyo. Ami hin sunni Baal u Astart. Cecem wanda ni aŋ ɓaɗami ay ki ko suu babali mamisina ami hin sunuŋu.