JEREMI 2:2 - Boy Lonana

² Tuɗ ci luluura hum Yerusalem. Yawe ɓak anaba, an ka njaɗak dlaakka ndak laɗ ay u gorokka, min mayra ndak min njufuk ma vak wilinara. Ndak tuɗ ay kay ceren hu fulla, kay ndaŋga mayra va ka wul huɗira.

JEREMI 2:2 Iomraidhean Croise

SOOLLA 129:1

Soolla suu tuɗ luu ma vi Lonna gaɗta. Asi duurun ay ni u zoŋ tan day ta ta cemi, Suu Israelna di na.

KALKIRA 14:31

Suu Israelna wi dlara eŋga Yawe laɗ eg suu Egiptenara ki u irisiya. Suu Israelna li ndaa Yawe cocoo, asi tin hurusi kay Yawe kay Moiz saam ma sunda lay.

KALKIRA 16:8

Moiz min dasi ni ana, «Hu fiɗigira ni Yawe hin ɦagi tliwna maɗiira ni nam ɦagi funa agi ti, hoɓ may. Kay Yawe humugi gurni magira ha wa agi gurni ni egemu, ami ni gege a agi gurni egemi nige? Agi gurni ni eg Yawe.»

VUN ŊGOLNA 1:20

Yalna ka yi kolo hu voɗ bulna, nam ka oo um kolo eŋga yiya.

SOOLLA VI SALOMON 3:11

Gorɓii suu Siyonna cukugi ay ki kiɗiki, gologi mulna Salomon. Nam ka u jumba mulla sum tinimba ay kamba kamu, ni hu buu ma nam a vi caambana, hu buu ma hurum furi cocona.

SOOLLA VI SALOMON 3:6

«Sa ma col ay kolo ŋgoo bagi hu fulla ko ndal ndoos kura nana ni gege? Vaɗ ay ki hisna ko ndal mir u mbitla his jivira na.»

EZAYI 58:1

Bu Suuna di ana, Oo uŋ koloo, sawalla loɓbi, ko ndal tokolomma bura na, tli deleŋ koloo. Dla cora suu mansina laɗta dasira ha kiyo. Di goryoŋ Yakobma ha ki kay suluk masina.

JEREMI 11:6

Yawe dan ana, «Tuɗ ɓak boy namma ki hu ɦoŋzi ma Yudana halaŋ, ki hu voɗta Yerusalemba halaŋ may ana, humugi dlara kay galambara haa, hin takagi dla ndaɗta ki kiɗik may.

JEREMI 19:2

Aŋ kal ki keŋ ko ma ɦuɗugumba Hinnomba, ay hu vun grek ma doyogi suu tooyna huna na a ɓak boy ma an hin daŋŋa hana kiyo.

JEREMI 2:1

Yawe ɓakan boy mamma ana,

JEREMI 2:6

Asi di ka ana, Yawe ni arage? Ma selemi ay ki hu mbassa Egiptera, ma takami voɗta ay hu fullana, hu mbassa gogoyra u dawna, mbassa faɗta ɦayra, li ma ci suuna kina, mbassa sa ka jak huɗira, sa ka kak huɗi layra?

JEREMI 3:4

Olo, cecem wanda na ni ndak ka yan ana, «Bunu, aŋ ma minin ay u gooron daynaɗi su?»

JEREMI 7:2

Aŋ col fun zira vi Yawe a ɓak boy namma kira. Humugi boy ma vi Yawena haa. Agi suu Yuda suu kalagi hu fun zi ndaɗta a goɓogi kaŋga fok Yawena.

EZEKIYEL 16:22

Hu dla cora ndak ka laɗ ndaɗta halaŋŋi humuk ka gak kay buu ma ndak ay u way takŋaɗi su? Hu li ma ndak ay ki siiliya, baraw ka egekgi lay, hu li ma ndak ay mbusuk ga duk busuɗukŋa.

EZEKIYEL 16:60

An humun gan kay galam manda an vaɗ u ndakka hu li ma ndak ay u way tak tuna. An hin vi galamba tuɗ din dinda u ndaku.

EZEKIYEL 16:8

An jak egek na ni waku, ndak ki jeŋi hu li ma a li zoŋga lay. An baarak baraw manna kaku, kuluɓuk siili makka kiyo. An suu tan kiyo, vi galamba u ndaku. Di ni Bu Suuna, Yawe. Ndak hin ki ni manu.

EZEKIYEL 23:19

«Ndaɗ su dla cora ki kaɗ saɓaki waɗi. Humuɗ gaɗ ni kay dla cooɗta ndaɗ laɗ ay u way taɗta, mbuɗ taɗ ay ki gawlaŋga hu mbassa Egiptera.

EZEKIYEL 23:3

Asi ay gawlaŋiina hu mbassa Egiptera. Asi gijaŋ dlara gawlaŋŋa ni u way tasiya. Asi hin gorzoŋiina lumuɗusi poosiya, gijaŋ zoŋga ay ni u gori tasiya.

EZEKIYEL 23:8

Ndaɗ hin zoŋ maɗta ndaɗ ha laɗ hu Egipte jewra ka kiɗi. Hu li ma asi lumuɗuɗ pooɗ may na hu li ma ndaɗ ay go tamara tuna, suu daŋŋa buu u ndaɗu, mbuɗuɗ ki cara dalamba.

Magaara Vi Sa Jok Vun Lona OZE 11:1

Hu li ma Israel ay goo tuna, an miniɗu. An yi goronna ay ki hu Egipte.

Magaara Vi Sa Jok Vun Lona OZE 2:15

An hin ɓakaɗ ki kay buu ma vi Baalna, ma ndaɗ lam ɓivun ma ŋgalam ki ŋgalina ma ndaɗ min taɗ u walakka del konara may, ɦeɗewra deleɗ may liŋ kay cee banayaɗna, maaran an tanda ki gaw mayna. Yawe di na.

Magaara Vi Sa Jok Vun Lona OZE 2:17

Hu li namma an hin hoŋoɗ sene gugutlu maɗta. An hin mbuɗ ɦuɗugumba Akorra ki a vun grek ma saara, na ɗaŋŋi ndaɗ hin hoŋ dira ko ndal ndaɗ ay u wayaɗta na, hu buu ma ndaɗ kal ay ki hu Egiptena na.

Magaara Vi Sa Jok Vun Lona OZE 2:7

Gasi, susi gi taɗ ki gawlaŋga ndaɗ mayra vasi wirisira, zolona mba kaɗ hu li ma ndaɗ di ana, «An hin hoŋ liŋŋa u banayanna, suu ɦan funa u yona, suu ɦan baraw ma cili u tlimiɗ timigiinana u baraw dlemba may. ɦan mbulna u summana.»

Magaara Vi Sa Jok Vun Lona OZE 8:1

Bu tokolomma. Ko ndal ɓarawna na dla cora ka tuɗ ha kay zi ma vi Yawena, kay ana asi calaɗ ki kay vi vun manna wa, mbuɗ yara egen kay gaɗ manda.

Magaara Vi Sa Jok Vun Lona OZE 9:10

An fi Israel ni ko ndal vuɗ gugutlu ma ay ki bagi hu fullana na, ko ndal vuɗ tulum ma famma kolo humum jewna na, an wagi somoyogiya. Asi may ni mba hu Baal Peor mbuɗ tasi ki zolona ni na gaw, asi mbuɗ ki ni suu cona ko ndal va hurusi minimma na.

JONAS 1:2

«Col koloo tuɗ hu ɦoŋzi ma ŋgolna, Ninive, dasi boyna kay coosira. Kay ana dla cora hu ɦoŋzi nammara tew ha ki ta ta egenu.»

MATIYE 11:15

Agi suu humugi a humma, humugiya.

Boy Ma Ayra Ma LUK Ɓiirimma 12:13

San dew duk suu molina di Yesu ana, «Mala Haɗta di maŋ wayanna nam ɓorowomi tlesuu bumi hinimsina kana kiyo.»

GA 8ATAMBARA 2:7

Kay Yawe Loogina paɗ vunum ki kagi hu dlara agi laɗta halaŋ. Nam gologi ay ŋgoo bagi hu fulla ŋgolla, basara ca ni dok-fiɗi. Yawe Loogina ka u agiya va ma kaɗak kagi kaɗi.»

GA 8ATAMBARA 33:3

Na daŋ may aŋŋi sa ma min suu maŋ suu Israelna, asi halaŋŋi hu duk koŋu, asi ay goɓi ga ni u seŋu. Asi hummi boy ma aŋ dasina ayna.

GA 8ATAMBARA 8:2

Humugi gagi kay tuɗta fiyekka agi tuɗuɗ ay ŋgoo bagi hu fulla basara dok-fiɗira, Yawe tuɗugi ay ni namu. A agi mbuɗ ki haw cocoo, nam tukugi na ni a wagi ki ni hurugiya. A wi ki ana agi ndaki gasi a hum u gaɗ mamba sura may.

Magaara JAK Ɓiiriɗta 4:4

Agi suu ka ɗegeeɗina li galamba u duliyara ni sa ma gonokka u Lonnaɗi su? Sa ma li galamba u duliyara ni sa ma gonokka u Lonna.

WIRA ŊGAYRA 2:4

Aŋ gola va ma hurun ɓeŋ egeŋŋa ni aŋ ka minin coco ko jewra na oloɗi.