JEREMI 2:19 - Boy Lonana

¹⁹ Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

JEREMI 2:19 Iomraidhean Croise

1 MULINA 18:18

Eli hoŋom dira ana, «An mbaa wihawra kay suu Israelna ni ka anɗi, ni aŋ taŋga u suu vi buŋŋa. Agi noy gaɗta vi Yawera kiyo. Aŋ tin iriŋ ki a goɓmi Baal.

2 DLAŊ MULINARA 12:5

Sa ma jok vun Lona, Semaya, mbay eg Roboam u muli suu Yudana, hu li ma asi ka toki Yerusalem a ŋgaf Sisak a duunara dasi ana, «Gola, Yawe di ana, Agi hinin kiyo ni, an may ni hinigi ki hu duk ko Sisak may.»

2 DLAŊ MULINARA 21:10

Col ay hu li namma day ni suu Edomma hin ki ni kay tasiya. Sa heɓesi kaɗi. Suu hu ɦoŋzi ma Libnana li hu coki ndaɗta ni na lay, buɗ tasi ki hu mulla vi Joramba kay ana nam ka hum u Yawe, Lo ma vi somoyosina oloɗi.

2 DLAŊ MULINARA 25:16

Hu li ma nam ka dam nana ni Amasiyas hoŋom dira ana, «An tlaŋ ana aŋ li a sa ma ne suuna tani hu mul manda su? Aŋ li ka min lassaɗi ni seŋ vunuŋ ha ni na gaw.» Sa ma jok vun Lona seŋ tam, kak ki na jok ni hin di hu olo ana, «An wi ki ana Lona min a caŋ ki ni ciya, kay aŋ li ko ndaɗta na, min ka a van boy mannaɗi.»

SOOLLA 36:1

Soolla vi sa ma fok suu gi soollana, soolla vi David sa ma sun Lonana.

KALKIRA 33:6

Suu Israelna fok baraw masi ma luuna ki halaŋ halaŋ, tuɗ irisi eg Ҥinira Horebba na.

VUN ŊGOLNA 1:31

Na ni asi hin ti ni vuɗ poy masira may, dlaasira cora asi laɗta hin hoɓosi ni ndaɗ may.

VUN ŊGOLNA 1:32

Wira ka min a wi vaɗira ci suu giniŋŋa kiyo. Tara ka tuɗuŋ ko dlaɗira ɓalak suu giniŋŋa kiyo.

VUN ŊGOLNA 5:22

Sa ma dlam cona dla coomba vammi ndaɗ tok, nam hin vi ni hu bayna vi dla coomba tok.

EZAYI 3:9

Irisira golla ka takasi coosira kiyo, asi tak dla coosira ki ko suu Sodomma na, asi ka ŋgayaɗi. Hahawra kasiya, asi mba dla cora kasi ni kay tasiya.

EZAYI 5:5

Ni an min haɗagi dlara an hin a laɗ eg sene gugutlu mannara haa. Hawaɗagi dlaɓpa kamba ki hin tlena tam kiyo, an min to gulumun ma gi kamma kiyo, hin voɗta duk suuna tayam ki gaa.

EZAYI 50:1

Yawe di ana, magaara an ɓiirigira a busugi sugi kira ni arage? An ɦagi ki maŋ sa ma an ka balna komma ni gege? Gola dla coogira agi laɗta gusugi ay ki ni ndaɗu. Ni kay ŋgel magira agi ka humbira dikigi sugi ki ni na.

JEREMI 1:16

«An ɓakasi gaɗ manda kay boy dla coosira. Asi noyon kiyo. Asi li ɓivun ma ŋgalam kina maŋ loogi suu ɦawana. Asi goɓ kaŋga fok sunda asi laɗ u kosira.

JEREMI 13:22

Ndak hin joɓ tak ana, «Dla ndaɗta mbay kanni kay mege?» Ni kay dla cookka ŋgolla asi mbay ɗuɗuk baraw makka ki kolo ni naɗi su? Asi durukŋi na lay.

JEREMI 2:17

Dla ndaɗta li egek na ni kay mege? Ni kay noyra ndak noy Yawe, Lookŋa, ki hu li ma nam ay a sa takak voɗtana.

JEREMI 3:22

Hoŋogi aya, goryon suu noyon kina. An hin garaɗagi tuguɗi magira ki a fafaɗta. Ami wana, ami ni varaŋu. Gasi ni aŋ, Yawe, Loomina.

JEREMI 4:18

Tuɗ makka u dlara ndak laɗta takak ki ni cookka. Ni vuɗ huruk ma conaɗi su? Gasi daŋ may ki galaa cocoo. Dla ndaɗta waɗakŋi kay muguluk na gay.

JEREMI 5:22

Agi hin ka ŋgaan kiɗi olo su? Yawe di na. Hin ka lagi ndaana fokonɗi su? An sa ka ii lumma ŋgolna ki u ŋgetlna na, ii hakara nam hin ka jak ki kaɗɗi a fafaɗta. Nam zal walak walak lay ni saɓakam kaɗi. Bil mamma ndak soo coco lay, hin ka jakgi.

JEREMI 5:24

Asi ka ɓak tasi kay tasi ana, «Ŋgaaygi Yawe Looyginaraɗi, nam saygi yona kaygi hu liim tew tew vun ɦoɗogolna lay, vun walla lay, goloygi njaf tlena tew eg liisi ma feɗta.»

JEREMI 5:6

Na ɗaŋŋi dlo ma ay duk gura na hin vasi kiyo. Bosogo ma hu fullana hin komosi kiyo. Sindilna hin buu kaŋga ŋgoo ɦoŋziisina, hu li ma asi hin kal kina, nam hin palawasi kiyo. Kay ana yaasira wul ha fokŋi wuli na ɗow ɗow, dla coosira ka seŋ tuɗta tuɗ fokkaɗi.

JEREMI 7:19

Na ni gasi co ndaɗta asi laɗ ni egen su, Yawe di na. Na ni co ndaɗta ka ni egesi tasiraɗi su? Asi hin mbuɗ ki zolona.

JEREMI 8:5

Ni kay me na ɗaŋ ge, suu Yerusalem agina, viɗ tagi ki ŋgolla cocora u dla cora laɗta na ni kay mege? Asi vi vunusi eŋga kay saa masira bay uɗta, asi ka min a hoŋ ayɗi.

EZEKIYEL 23:30

Asi hin lakŋi ko ndaɗta na, kay ana ndak li zoŋga ki ni u njaf suuna halaŋ. Ndak mbuɗ tak ki njenjera u fuli masisina lay.

EZEKIYEL 39:24

An lasi ni kay dlaasira njenjera asi laɗta may, kay hurusi ma asi jokom ki egen dayna may. Kay ndaɗta an ŋgay tan ki irisiya.

Magaara Vi Sa Jok Vun Lona OZE 11:7

Suu mansina taɓ tasi u suu ɓeŋesi kina. Asi ka yasi ay koloo. Asi may ni ko wanda na halaŋ ka min a col koloɗi.

Magaara Vi Sa Jok Vun Lona OZE 13:9

Gola, ndak bulum ki wa Israel, an u dew tanda ndak a njunukŋi anu.

Magaara Vi Sa Jok Vun Lona OZE 14:1

Samari hin warakka, kay ndaɗ mbuɗ yara eg Looɗna, hin casi ki u ŋgewra, kemba vuɗ wilira hin njereɓesi kiyo, boyogi suu wiina hin coosi hurusi kiyo.

Magaara Vi Sa Jok Vun Lona OZE 4:16

Gasi, Israel yaɗ ay jew eŋ daŋ may, ko ndal mbutla ka min a sa tlaɗ va kaɗɗira na. Cecem wan daŋga Yawe hin cukusi kay haɗna ko ndal gor timigiina na.

Magaara Vi Sa Jok Vun Lona OZE 5:5

Ŋga tara vi Israella ɓak ki kaɗu. Israel u Efrayim ka daɓ sesi eg coosira, Yuda may ni ka daɓ seɗ u asi may.

Magaara Vi Sa Jok Vun Lona OZE 7:2

Asi may ni ka ɓak tasi hurusi kurufu ana dla cora asi laɗta halaŋŋi an ka ndumuɗ kanuraɗi. Cecem wanda dla coosira ka tini kasiya, ndaɗ ka fokonu.

Magaara Vi Sa Jok Vun Lona OZE 9:1

Israel kal furira ki kak coco ko ndal suuna naɗi, kay ana ndak li dlara zoŋga, tuɗ ki eg Lookŋa day lay, ndak min ni warak ma ɦakŋa hu li ma to wana belna.

AMOS 8:10

An hin mbuɗugi poy magira ki hahawra, soolla agi gaɗta hin mbuɗ ki ni yoo tara. An hin tinigi sawalna kay ufurugiya. An hin welegi yagi ki halaŋ halaŋ, agi hin ziriɗ ko ndal hahawra laɗ kay maɗ goo ma dewnara na, dlara hin mbay daganda hin li ni ko buu ma yoo tara na.

MISE 1:5

Tle asina li halaŋŋi kay yara vi Yakobpa, ni kay suluk ma vi suu Israelna. Yara Yakob laɗta ni tarage? Ka ni Samariɗi su? Li ma vi Yuda ma kolo mbuyna ni manage? Ka ni Yerusalemɗi su?

ZAKARI 7:11

Na may asi tin humusi ka kay boy nammaɗi. Asi yow pel bikisi koloo, ŋgel humusi ki ka hum boy nammaɗi.

ROMMA 3:18

Asi ka li ndaa u Lona ndeɗi lay.»

SUU KAƁAKŊA 10:13

Agi hin noyon kiyo, sunugi ni loogi suu ɦawana. Kay ndaɗta an ka min a suɗugi ki oloɗi ni na.