JEREMI 2:17 - Boy Lonana

¹⁷ Dla ndaɗta li egek na ni kay mege? Ni kay noyra ndak noy Yawe, Lookŋa, ki hu li ma nam ay a sa takak voɗtana.

JEREMI 2:17 Iomraidhean Croise

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

JOB 34:27

Kay asi ka min a hum umbi. ka wam voɗ mambaɗi lay.

JOB 4:8

Va ma an wamma ni suu may suu zaa dla cora, asi hin feɗ dla coosi ndaɗta ni asi may.

SOOLLA 107:7

Nam takasi voɗta tuɗ ɗegeera a tuɗ hu ɦoŋzi ma asi a lak huna.

SOOLLA 136:16

Nam tin suu mamsina ki ŋgoo bagi hu fulla kay ɗegee mamba ka ni na gak gak.

SOOLLA 77:20

Aŋ tli voɗ maŋga ay duk mbo lumma ŋgolna, aŋ jak ay duk mbo ma galina, sa ma waŋ balam seŋ ma tuɗta kaɗi.

VUN ŊGOLNA 15:10

Gaɗta ŋgolla ka kay sa ma calaɗ voɗta kina. Sa ma ka hum u nera ka neembaɗina hin miɗ kiyo.

EZAYI 1:4

Hahawra ka kay njaf suu co asina, suu may suu dlara vasina. Njaf suu li dla cora, gor suu mbuɗ dlara jivira ki dla corana. Asi noy Yawe kiyo, asi noy ma Teteɗ ma vi suu Israelna kiyo, asi hoŋ ki dagani, mbuɗ ŋgorosi mamu.

EZAYI 59:13

Ami ŋgeleŋ vunuŋu, Yawe, ami ɓakaŋ dlaŋ ki cora, ami min ka a tuɗ uŋ aŋ Loominaɗi, ami ɓakŋi dlara ciwayra u aŋga, hiniŋ ha ki na day. Dlara ka hurumira u dlara ami saaraɗta halaŋŋi kaboyna.

JEREMI 13:22

Ndak hin joɓ tak ana, «Dla ndaɗta mbay kanni kay mege?» Ni kay dla cookka ŋgolla asi mbay ɗuɗuk baraw makka ki kolo ni naɗi su? Asi durukŋi na lay.

JEREMI 19:4

Hu li ma asi noyon ki may, asi ɓeŋ li namma ki u ɓivun ma ŋgalam maŋ loogi suu daŋ suu loɓ tasi ay ka kasiɗi lay, ka kay somoyosiɗi lay, ka kay muli suu Yudanaɗi layna. Asi oy li namma ki u busu kem gorira li va kaɗira.

JEREMI 2:13

Gasi, suu mansina li dla cora yasi ni mba'. Asi noyon an mbo ma iirina kiyo, asi min zul mbona, zul mbo ma ki cooyna, ka vi mbo kolo huruɗɗi.

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

JEREMI 4:18

Tuɗ makka u dlara ndak laɗta takak ki ni cookka. Ni vuɗ huruk ma conaɗi su? Gasi daŋ may ki galaa cocoo. Dla ndaɗta waɗakŋi kay muguluk na gay.

JEREMI 44:3

Ni kay suu vun ma asi lama, asi ɓeŋen hurun ki u tuɗta asi tuɗ ŋgal ɓivunna may, goɓ kaŋga fok loogi suu li va ka kasiɗi layna, ka kagiɗi lay, ka kay somoyogiɗi layna.

JEREMI 5:25

Ci maɗ magina ɓeŋ dla ndaɗta ki ni namu. Coogira doo dlara jivira ha ki ni ndaɗu.

EZEKIYEL 39:24

An lasi ni kay dlaasira njenjera asi laɗta may, kay hurusi ma asi jokom ki egen dayna may. Kay ndaɗta an ŋgay tan ki irisiya.

Magaara Vi Sa Jok Vun Lona OZE 13:9

Gola, ndak bulum ki wa Israel, an u dew tanda ndak a njunukŋi anu.

MISE 1:5

Tle asina li halaŋŋi kay yara vi Yakobpa, ni kay suluk ma vi suu Israelna. Yara Yakob laɗta ni tarage? Ka ni Samariɗi su? Li ma vi Yuda ma kolo mbuyna ni manage? Ka ni Yerusalemɗi su?

NDUMBA 32:23

Na may lini agi li ka naɗi ni, agi li cora ni eg Yawe. Ni agi wi ki ana coogi ndaɗta hin cuɗugi ugi may.

GA 8ATAMBARA 32:10

Nam ŋgaf suu mamsina ki ŋgoo bagi hu fulla, hu li ma ki ŋgoo bagi duk gura wasna, nam ŋguyusi yasiya, ka haɗasi lay. Nam ka saa kasi ni ko ndal zo zoy irim na.

GA 8ATAMBARA 32:19

Yawe wi dla ndaɗta na ni irim co ɦay. Nam noy goryom suu njufiina u suu tamagina kiyo.