JEREMI 2:13 - Boy Lonana

¹³ Gasi, suu mansina li dla cora yasi ni mba'. Asi noyon an mbo ma iirina kiyo, asi min zul mbona, zul mbo ma ki cooyna, ka vi mbo kolo huruɗɗi.

JEREMI 2:13 Iomraidhean Croise

2 MULINA 22:17

Kay ana asi noyon kiyo. Asi ŋgal mbitla his jivira ni maŋ loogi suu daŋŋa. Asi ɓalakan hurun ki u sun masira asi laɗ u bik kosira. Yaanda tli kura eg li nammawa, ndaɗ ka tew oloɗi.

SOOLLA 36:9

Asi hoɓ u ti ma jivi ma ha hu ziiŋŋa, aŋ ɦasi mbo maŋ ma jivina.

DI BOLLA 1:14

An wi sunda li ga ii faɗta wanda halaŋga ni ɦawaa, jak ki ni u semeɗna.

DI BOLLA 1:2

Ҥawaa, tlena halaŋŋi ɦawaa, Sa ma Di Bolla di na.

DI BOLLA 12:8

Tlegena halaŋŋi ɦawaa, megelay ni ɦawaa. Sa ma Di Bolla di na.

DI BOLLA 2:11

An hoŋ irin gol sunda an laɗ u bik kon ndaɗta u loɓ ma an loɓ tan kay a li sun ndaɗtana na ni, tle asina halaŋŋi ɦawaa, jak ki ni u semeɗna ɦawaa. Tlesuu lasi ga kay ndaŋgara ii faɗta wanna ni va ka huɗi.

DI BOLLA 2:21

Gola sana li sun mamba u yalna, mbeleŋŋa u wira. Nam laɗ ki ni maŋ sa ma loɓ tam ka kaɗɗina. Halaŋ ca ni ŋga tara, loɓ taŋ ki ŋgolla na ni ɦawaa.

DI BOLLA 2:26

Na ɗaŋ may Lona va ma sana minimma ni nam ɦamma, yalna, wira u furira. Na may sa ma li dla cora nam tinim a tok yam tlena, nam hin ɦasi ki maŋ sa ma nam minimma. Ndaɗta halaŋ ca ni ŋga tara, hin jak ki ni u semeɗna.

DI BOLLA 4:4

An wi suuna loɓ tasi coco kay sun masira gegelay hal ni ana nam fi su ndaramma, halaŋ ca ni ŋga tara ɦawaa, hin jak ki ni u semeɗna.

EZAYI 1:3

Mbutlna wi malam ma gam vona, korra wi bulla ndaɗ ti haɗna vi malaɗna hura. Suu Israelna ka wi va dewɗi, suu mansina yal masina kaɗi.

EZAYI 1:4

Hahawra ka kay njaf suu co asina, suu may suu dlara vasina. Njaf suu li dla cora, gor suu mbuɗ dlara jivira ki dla corana. Asi noy Yawe kiyo, asi noy ma Teteɗ ma vi suu Israelna kiyo, asi hoŋ ki dagani, mbuɗ ŋgorosi mamu.

EZAYI 12:3

Agiya, googi yona u furira hu goloŋga suɗta.

EZAYI 5:13

Kay ndaɗta suu mansina hin njay kiyo, ni kay asi ka wanɗira. Suu masi suu ŋgolona hin laɓ ki ko mayra, suu hu ziinna ŋgolo hin laɓ ki ko laara.

EZAYI 55:2

Agi bas gursura ki kay ti ma ka hoɓogiɗina ni kay mege? Gagi zamalagi ki kay tlesuu ka a hoɓogiɗina ni amege? Humugi haa, humungi vunun haa, tagi tlesuu jivina na ɗow, tlesuu a lagi tagi furira.

EZAYI 63:8

Nam di ana, «Gasi asi ni suu mansina daŋ may. Asi ni goryon suu ka mbaɗanɗina.» Nammi a sa ma suɗusi kina may.

JEREMI 1:16

«An ɓakasi gaɗ manda kay boy dla coosira. Asi noyon kiyo. Asi li ɓivun ma ŋgalam kina maŋ loogi suu ɦawana. Asi goɓ kaŋga fok sunda asi laɗ u kosira.

JEREMI 14:3

Suu ɓii magaara sun suu gorina ha hu li ma yona, asi tuɗ ha hu hurgukka ni asi fi yo ka hu oloɗi. Asi hoŋ ay vo u tlegeyesi yo ka huɗi, mbuɗi hahaw lay, mbuɗi zolo lay, ka furi oloɗi.

JEREMI 15:6

Ndak noyon ki ni ndaku. Yawe di na. Ndak ɦan ŋgorok wa, an tli kon kolo kak a cak ki ni na may. An ɦuɗ buuna fok ŋgol cocoo.

JEREMI 17:13

Saara vi Israella ana Yawe, suu noyoŋ kina halaŋ zolona casiya. Suu ɦuɗ tasi ki egenna dlara vasi wa, kay ana asi noy ki ni voɗ mbo ma iirina ni Yawe.

JEREMI 18:14

Na ni aygi ndak a noy tlesuu col ay duk mborɦoyra Libanda u mborɦoy mayra gi kay ɦinira ki su? Na ni aygi ndak noyoygi yo ma col ay dayna ki su? Ma ɓaɗ heɓpa na cetl cetlna.

JEREMI 19:4

Hu li ma asi noyon ki may, asi ɓeŋ li namma ki u ɓivun ma ŋgalam maŋ loogi suu daŋ suu loɓ tasi ay ka kasiɗi lay, ka kay somoyosiɗi lay, ka kay muli suu Yudanaɗi layna. Asi oy li namma ki u busu kem gorira li va kaɗira.

JEREMI 2:11

Njaf suuna ndak a jok ki u lo ma daŋŋa su? Doli ɗaŋŋi ka ni looginaɗi. Suu mansina may ni mbuɗ jivi masira ki u va sunum kaɗina.

JEREMI 2:17

Dla ndaɗta li egek na ni kay mege? Ni kay noyra ndak noy Yawe, Lookŋa, ki hu li ma nam ay a sa takak voɗtana.

JEREMI 2:26

Ko ndal sa kulna viɗ ki hu li ma vam a li dlarana na, suu Israelna ki viɗiya. Asiya, muli masisina, suu ŋgolo masisina, muli masi suu li ɓivunna u suu masi suu jok vun Lona lay.

JEREMI 4:22

Gasi, suu mansina saarasi kaɗi. Asi ka wanɗi. Ni gor suu to'onosi kaɗina. Asi ka ndak a wi dla na ndeɗi. Asi yal coco kay a li dla cora, a li dla jivira ni asi ka wiɗi.

JEREMI 5:26

Kay ana duk suu mansina suu dlara vasina kaa, asi kagi cuculukka ko ndal suu gun layagina dleɓesira na, gunusi dawna fokosiya, asi vi suu warna.

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

EZEKIYEL 14:5

Hoŋ diinda hin vi suu Israelna cocoo kay asi ɦuɗun ha ki egesi day ni u goɓpa asi goɓ fulinara.

EZEKIYEL 47:1

Sa namma tuɗun ha fun Ziŋ Lonara. An gol na ni mbona ɓaɗ ay ga u vun Ziŋ Lonara ii ma u maɗiinana na, kay biɗii zira mini ni ii u maɗiina na, mbona ɓaɗ ga bik njufna keŋ givin ma togolla ii dali na ɗow may.

MISE 2:8

Suu manna kaa wanni min tasi a duu u saasi ma babalira. Agi fokogi baraw ma cuki kolo kay ndarammana kiyo, ma vi suu ay fun duuna hoŋ ay vo u heɓpana na.

MISE 6:3

Suu mansina, va an lagina na ni mege? An loɓogi tagi ki ni u mege? Hoŋongi dira aya.

ZAKARI 13:1

Hu buu namma ni mbona hin ɓaɗ hu ziŋ Davidna, suu Yerusalemma a fi kumuna kay sulukŋa u dla cora.

Boy Ma Ayra Ma JAŊ Ɓiirimma 4:10

Yesu hoŋoɗ dira ana, «Lini ndak wi tlesuu Lona ɦasina ni, ndak wi sa joɓok yo ma cira may ni, ndak a joɓ yona ko sa namma ni ndak ɗow. Nam hin ɦak yo ma iirina.»

Boy Ma Ayra Ma JAŊ Ɓiirimma 4:11

Cara dam ana, «Bu Suuna, zew gan ka koŋgi may ni, goloŋga uɗ day may ni, aŋ hin fi yo iiri ma ɦannana ni arage?

Boy Ma Ayra Ma JAŊ Ɓiirimma 4:14

Sa ma ci yo ma an ɦammana, laara ka cam oloɗi, yo namma hin egemmi a iirira ka daɓ kiɗira.»

Boy Ma Ayra Ma JAŊ Ɓiirimma 7:37

Buu ma daɓ dagan a luuna ni ma ŋgolna. Buu namma Yesu col kolo fok suuna sawalla ana, «Sa laara camma mbay egen, ciya.

GA 8ATAMBARA 31:16

Yawe di Moiz ana, «Gola cemi ni aŋ hin buu ni ga u somoyoŋu, suu asina ca ni hin gi ni jaŋ li dlara gawlaŋŋa, hin tuɗ ki ni u loogi suu vi suu koyogi suu ka hu mbas ndaɗta wanna suu asi hin cuk ha dukusina, asi hin noyon kiyo, hin bulumun galam manda u asira kiyo.

2 PIYER 2:17

Suu asina ni ko mbo goloŋ ma ki sooyna na asi ni ko ɗugulla semeɗna valawaɗ kira na. Lona min lina ha kasi hu zulla ŋgolla duk ndufunda.

WIRA ŊGAYRA 21:6

Nam hin di hu ana, an lasi wa, an ni Alfa u Omega, gijaŋŋa u daɓpa. Sa ma laara camma an ɦam yo ma law iirira ɦawaa.

WIRA ŊGAYRA 22:1

Sa sunda huulona takan mbo lumma vi iirira nam weleɗ ko kristal na, nam ɓaɗ ay ki u dlamba mulla vi Lonna u Goo Timiina.

WIRA ŊGAYRA 22:17

Musuk Lonara u Cara vi Goo Timiina di ana, «Mbaya.» Sa ma hum boy ma namma di ana, «Mbaya,» na may. Sa ma laara camma nam mbaya, sa ma min yo law iirirana nam fam ɦawaa.

SUU KAƁAKŊA 10:13

Agi hin noyon kiyo, sunugi ni loogi suu ɦawana. Kay ndaɗta an ka min a suɗugi ki oloɗi ni na.

1 SAMUEL 12:10

Na ɗaŋŋi asi yi Yawe kolo u delesi eŋga ana, ami li suluku, kay ana ami noy Yawe kiyo. Ami hin sunni Baal u Astart. Cecem wanda ni aŋ ɓaɗami ay ki ko suu babali mamisina ami hin sunuŋu.