JEREMI 19:8 - Boy Lonana

⁸ An hin mbuɗ li namma ki li ma hahawra ma suuna tii tii ma hahawra huna. Sa tli hu li namma tokŋa hin viɗ ki na dawlaɗ hu li ma nam wi dla co ndaɗta nana. Nam tii tii ma hahawra lay.

JEREMI 19:8 Iomraidhean Croise

1 MULINA 9:8

Zira mini kolo day jivi coco ndaɗta gegelay hin jak egeɗ ni yoo tam cocoo, ko komu, joɓ tam ana Yawe a li dla ndaɗta eg mbas ndaɗta u Ziŋ Yawera na ni ana mege?

JEREMI 18:16

Na ni asi hin mbuɗ mbas masira ki a li ma hahawra, ma suuna hin tii tii ma hahawra hurum tew tewna. Suu tli voɗta hu li nammana viɗ ki na dawlaɗ, kisik yasi na gak gak.

JEREMI 25:18

Yerusalem lay, ɦoŋzi ma Yudana lay, muli masisina u suu ŋgolo masi suu sunda lay, mbuɗ li namma ki didiŋga hu jonara, mbuɗ li namma ki li ma hahawra ma suuna tii tii ma hahawra huna. Ma suuna ndumum ki duk li ma conana lay, ni dlara ka cecem wanda.

JEREMI 49:13

Gasi an suu tan ki u tanda, Yawe di na. Bosra hin mbuɗ ki ni li ma hahawra, li ma didiŋga, nam hin mbuɗ ki ni li ma suuna ŋgul tasi may, gi vunna maŋ tasi may u namma. Ҥoŋzi ma hin tam kamma halaŋ hin mbuɗ ki ni li ma didiŋga.

JEREMI 50:13

U saɓak yara vi Yawera sa ka kak huruɗ oloɗi. Ndaɗ mbuɗ ki u ŋgoloɗ halaŋŋi li ma ki kiɗik ma hahawra. Suu jak tli voɗta eg Babilon tokŋa mbuɗ ki zolona lay, hu li ma asi wi tlena ki ɓeŋi coco nana asi tii tii ma hahawra coco ɦay.

EZEKIYEL 27:36

Suu li paara duk suuna halaŋŋa feɗ coco kay dlaaŋga. Aŋ mbuɗ ni a va ma li ta suuna ndaa cocona. Sa ka waŋ oloɗi ni a fafaɗta.»

DLAŊ LEVIRA 26:32

An hin ɓalakagi mbas magira ki ni u tanda, suu babali magisina suu cuk ki huna hin mbuɗ ki ndaana cocoo.

MISE 6:16

Aŋ li u gaɗta vi Omrira, u dlara asi laɗ vo hu zina vi Akabpa lay. Agi tuɗugi ni u gaɗ masira, an may ni hin hiniŋ hu li ma hahawra, suu maŋsina hin mbuɗ ki zolona lay. Agi hin fagi ni dla co mayra suu mansina faɗta.

SOFONI 2:15

Ҥoŋzi mayma kak gin u furira ana nam dla ka kambina hin li ni ko wanda na, nam mayma ɓak hurum kurufu ana, «Sa daŋ kaɗi ni an doy holona.» Ndaɗ hin mbuɗ ki mbas mayra hahawra ni nanage, li ma mbuurina buu huna ni nanage. Gegelay tli egeɗ wa toko ni feɗ vunum lay, yorok kom lay.

GA 8ATAMBARA 28:37

Yawe njayagi ha ki kay yam mbassa daŋga, suu hu li nammana wi na ni li ndaa coco kay dlara li ay egegi wanda, asi mbaɗagiya, hin panagi may.

GA 8ATAMBARA 29:22

«Mbas mamba halaŋ huruɗ ni kura, vuvuna, sa ka zaa va huɗi lay, bubu ka ɗufi huɗi lay, va ka day hu na dewɗi, tli taɗ ni ko zi ma Sodomma u Gomorra, Adma u Cevoyim zi ma Yawe u yaamba toom kina.»