JEREMI 19:7 - Boy Lonana

⁷ Hu li namma an hin mbuɗ boy ma vi Yudana ki dlara bay uɗta, dlara vi Yerusalemba lay, an hin casi ki u ŋgewna fok suu babali masisina. An hin yow suu min a casi kina cukusisina kasiya. An hin ɦasi maɗasi ki maŋ layagi suu pii kolo huulonana u mburi suu kay ndaŋgarana a tiisina.

JEREMI 19:7 Iomraidhean Croise

2 MULINA 21:14

An hin noy u suu man suu hin ndena kiyo. An hin ɦasi ki ko suu babali masisina. Asi hin ki ni a tlesuu ɦurumusi ay ki fun duunana.

VUN ŊGOLNA 21:30

Yal ma vi sa warnana, neemba u mbeleŋ mamma halaŋ ka ndak a col fok Yaweɗi.

EZAYI 29:14

Kay ndaɗta an tuɗ fok a lasi dlara mbuɗ mbuɗta na gak gak. An wi kan ana yal ma vi suu wi yalnana ka oloɗi lay. Mbeleŋ ma vi suu wi mbeleŋŋa kaɗi lay.

EZAYI 8:10

Vagi vunugi kay dlara dla ndaɗta ka hin liɗi. Ҥagi gaɗta a lira may ndaɗ ka liɗi. Kay Lona ka u amiya.

JEREMI 15:2

Lini asi joɓoŋ anaba, «Ami tuɗ ni arage?» Ni aŋ hoŋosi dira anaba, «Yawe ɓak ana, Maŋ maɗna, sa ki maŋ maɗna na. Maŋ ŋgewra, sa ki maŋ ŋgewra na. Maŋ mayra, sa ki maŋ mayra na. Maŋ mbaɓura, sa ki maŋ mbaɓura na.»

JEREMI 15:9

Cara vuɗ goora ki kiɗisiyara miɗ kiyo. Ndaɗ ka musuk oloɗi. Fataɗ ca ki hu buuna dukka gayra wa. Dlara zolona mba kaɗ wa. Ndaɗ mbuɗ ki zolona wa. Dlara hin ŋgoo daganda ni an caɗ ki u ŋgewra, hin ɦaɗ ki maŋ suu babali maɗsina. Di ni Yawe.

JEREMI 16:4

Mayra hin casi ki ni ndaɗu. Sa hin ka tiirisi maɗasiɗi lay, ka wasi ususiɗi lay. Asi hin li ni ko tlesuu cim ndaŋgarana na. Asi hin miɗ ki ko ŋgewra u mayra. Maɗasi hin li ni tlesuu layagi suu pii huulonana u mburi suu kay ndaŋgarana Komosina.

JEREMI 18:21

Na ɗaŋŋi Aŋ gasi mayra kay goryosiya, casi ki u ŋgewna. Ko boyogosi viɗ goryosi ki u njufuyusiya, ko maɗna ci suu warna kiyo, ko ŋgewna ci gorzoŋŋina ki fun duuna.

JEREMI 21:7

Ŋgoo dagan wanni, Yawe di ana, an hin ci Sedesiyas, mul ma Yudana, ki u suu mam suu sunda u suu hin bay miɗ ki ko tuguɗi bora hu ɦoŋzi nammana ki u ŋgewna, baktarra lay. An hin ɦasi ki ko mul ma Babilonna, ko suu babali masisina lay, ki ko suu min a casi kina lay. Asi hin casi ki bay saara, bay wasi hahawasi lay, bay oora hurusi lay.»

JEREMI 22:19

Asi tosommi ko tos korra na. Taɗam kaŋga tuɗ gam ha ki day eg vun zi ma Yerusalemma.

JEREMI 22:25

Gasi, an ɦaŋ ki maŋ suu min a caŋ kina. Suu aŋ li ndaana kosina, maŋ Nabukodonosor mul ma Babilonna, maŋ suu Kaldena.

JEREMI 32:28

Na ɗaŋŋi, Yawe ɓak anaba, an hin ɦal ɦoŋzi namma ki maŋ suu Kaldena, maŋ Nabukodonosor, mul ma Babilonna may. Nam hin tlamu.

JEREMI 34:20

An hin ɦasi ki ko suu babali masisina, maŋ suu halasi a casi kina maɗasi hin mbuɗ ni li ma layagi suu huulonana fi ti masina u mburi suu kay ndaŋgarana huna.

JEREMI 46:26

An ɦasi ki maŋ suu min a casi ki na, maŋ Nabukodonosor, mul ma Babilonna u suu mam suu sunda. Ŋgoo dagan wanni Egipte hin kak hu balamaɗ ma jewna.» Yawe di na.

JEREMI 7:33

Duk suu asina suuna hin miɗ ki ŋgolla, layagi suu huulonana, mburi suu kay ndaŋgarana hin komosi kiyo. Sana dew lay hin ka dikisi ki oloɗi.

JEREMI 8:2

Hin warasi ki i faɗta, i tilna maŋ suu duu suu huulonana suu asi minisina, sunusina, tuɗ usina, joɓosi layna, suu asi goɓ kaŋga fokosi layna. Sok namma taram taa ni tosom kaŋgaɗi, nam hin hinni a zozot ta cim ndaŋgara.

JEREMI 8:8

Agi hin ndak di ana, «Ami yal cocoo kay ana gaɗta vi Bu Suunara ka ni duk komiya» nige? Gasi may ni ndaɗ mbuɗ ki ni gaɗta cora u dlara suu co suu ɓii magaara laɗta.

JEREMI 8:9

Suu wi dlara viɗ ki lay. Asi bulum ki lay. Asi ki yowi daŋgayna lay. Asi noy boy ma vi Yawena kiyo. Na ɗaŋŋi va asi hin di ana asi yal cocoo u namma ni mege?

YOORA 3:37

Sa ɓak wa ni dla ndaɗta li na gawna ni gege? Bu Suuna ka gaɗaygi ni nambi su?

DLAŊ LEVIRA 26:17

An hin pereɗ zagaɗan magiya, suu babali magisina hin cagiya, suu gonok magisina hin lak a mulina kagiya. Agi hin yow liŋŋa ni bay sa ma dikigi ugi lay.

DLAŊ LEVIRA 26:25

An hin munugi duuna kagiya, kay a gagi daŋgayna kay agi bus galamba vaɗ u anda kira, hu li ma agi tok tagi hu ɦoŋzi ma ŋgolna a ŋgayra ni an hin gagi tuguɗira cora ay kagiya, agi hin ki ni ko suu babali magisina.

ROMMA 3:31

Lini na ni aygi mbuɗ gaɗta ki maŋi u vira wa su? Ni ka naɗi, aygi haɗni saɓakŋa na ɗow.

ROMMA 4:14

Lini ana suu hum u gaɗta doy holna fi jona ni asiya ni, vira mbuɗ ki ni ɦawaa, vi vun Lonna hin ki ni va ma ɦawana lay.

1 SAMUEL 17:46

Karam gak gak Yawe hin ɦaŋ ki konu, an hin caŋu hin ŋgaɗaŋ yaŋ ki lay. Karam gak gak an hin ɦal maɗ suu duu suu Filistinna ki maŋ layagi suu kolo huulonana, ki maŋ mbuuri suu kay ndaŋgarana. Ndaŋgara halaŋ hin wi ki ana Lo ma vi Israelna kaa.