JEREMI 19:4 - Boy Lonana

⁴ Hu li ma asi noyon ki may, asi ɓeŋ li namma ki u ɓivun ma ŋgalam maŋ loogi suu daŋ suu loɓ tasi ay ka kasiɗi lay, ka kay somoyosiɗi lay, ka kay muli suu Yudanaɗi layna. Asi oy li namma ki u busu kem gorira li va kaɗira.

JEREMI 19:4 Iomraidhean Croise

2 MULINA 21:16

Manase ci suu ɓalak va kaɗina ki cocoo, suluk namma oy ki hu Yerusalem na halaŋ. Suluk ma nam lam eg Yuda halaŋŋa ka ndumbi. Nam li dlara ka ii Yawe jiviɗira cocoo.

2 MULINA 23:10

Nam mbuɗ li ma yam ana Tofetna ki njenjera. Li namma ay ni hu ɦuɗugumba vi goryoŋ Hinnommara kay ana kaa sa ŋgal gorom ma njuf ɗowba gorom ta tama ki duk kura a tokol fuli ma yam ana Molekŋa oloɗi.

2 MULINA 24:4

Olo ni kay busu suu li va kaɗi ma asi voom ki kaŋga ɦawa bay uɗna. Dla co ndaɗta oy ki hu Yerusalem. Yawe ka min zi ma Yerusalem namma oloɗi, ka min a heɓ hurum eg zi nammaɗi.

SOOLLA 106:38

Asi vo busu ma li co kaɗina ki gaa, busu gor njufii masisina u gorɓii masisina, asi li ɓivunna maŋ fuli suu Kanaanna, asi ɓalak mbassa ki u busuna wa.

EZAYI 59:7

Sesi ɓaɗ ni kay dla cora, asi liŋŋi kay a vo busu suu li va kaɗina ki ɦawara. Saa masira ni saara li dla cora. Li ma asi jak huna balamasi ni tlena ɓalaki cocoo.

EZAYI 65:11

Na may agi suu noy Yawe kina, agi suu maa ki kay ɦini manda teteɗtana, suu li ɓivunna maŋ lo ma ci beelerra, lagi mbul ma hisna ni maŋ ful ma di ki kay dlara fokka.

JEREMI 1:16

«An ɓakasi gaɗ manda kay boy dla coosira. Asi noyon kiyo. Asi li ɓivun ma ŋgalam kina maŋ loogi suu ɦawana. Asi goɓ kaŋga fok sunda asi laɗ u kosira.

JEREMI 11:13

«Loogi maŋsina mbuɗ ki bolow coco ko ɦoŋziiŋŋa na lay aŋ Yuda, otel ma li ɓivun ma agi minimma mbuɗ ki zolona lay. Otel ma ŋgal ɓivunna maŋ Baal huna bolow coco ko voɗ maŋga na lay Yerusalem.

JEREMI 15:6

Ndak noyon ki ni ndaku. Yawe di na. Ndak ɦan ŋgorok wa, an tli kon kolo kak a cak ki ni na may. An ɦuɗ buuna fok ŋgol cocoo.

JEREMI 16:11

Na ɗaŋŋi aŋ hin dasiya, «Ni kay ana somoyogi noyon kiyo. Yawe di na. Asi liŋ tuɗ ki u loogi suu daŋga a goɓosira, goɓ kaŋga fokosi lay. An tanda asi noyon kiyo, haɗ manda lay asi vaɗ ka kasiɗi.

JEREMI 17:13

Saara vi Israella ana Yawe, suu noyoŋ kina halaŋ zolona casiya. Suu ɦuɗ tasi ki egenna dlara vasi wa, kay ana asi noy ki ni voɗ mbo ma iirina ni Yawe.

JEREMI 17:20

Aŋ hin dasi anaba, humugi boy ma vi Yawena haa, muli suu Yudana, suu hu Yudana, suu hu Yerusalemma lay. Agi suu kalagi hu vun zi ndaɗtana halaŋ.

JEREMI 18:15

Suu mansina maaran kiyo, tuɗ ŋgal ɓivunna ki maŋ suu sunusi kaɗina, suu daɓasi sesi eg guna hu voɗta lay, hu voɗta vi somoyosi ta jew dayra. Asi tli voɗ ndaɗta may, voɗ mayra huruɗ ka jiviɗira.

JEREMI 2:13

Gasi, suu mansina li dla cora yasi ni mba'. Asi noyon an mbo ma iirina kiyo, asi min zul mbona, zul mbo ma ki cooyna, ka vi mbo kolo huruɗɗi.

JEREMI 2:17

Dla ndaɗta li egek na ni kay mege? Ni kay noyra ndak noy Yawe, Lookŋa, ki hu li ma nam ay a sa takak voɗtana.

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

JEREMI 2:30

An poŋogi goryogi ni a wassa. Asi ka humun haɗ mandaɗi. Ŋgew magira cagi suu magi suu jok vun Lona ko ndal dlo ma vi mburina na.

JEREMI 2:34

Busu suu hahawra, suu li va kaɗina ka tini eg vun barawi maksina. Ni gasi eg tle asina an famu, ka ni eg gulumun ma irim ki cooynaɗi.

JEREMI 22:17

Iriŋ u saaraŋ tinira ni kay li ma aŋ a fi tlena huna, a vo busu sa ma li va kaɗina ki kaŋga lay. Li dlara eg suuna u saɓakŋa bay saara lay.

JEREMI 22:3

Yawe ɓak anaba, njunugi kay ma ɗegeena u ma jivina, buɗugi suu suu saɓakŋa lasasina kiyo, lasasiɗi, lasagi sa mbay ŋgayra varaginaɗi. Goo haw kuyuna u cara donoraɗi lay. Voogi busu suu li va kaɗina kaŋga hu li nammaɗi.

JEREMI 26:15

Agi wi ki kagi ana lini agi can ki wa ni dlara hin vagi ni agiya. Agi tagira lay ɦoŋzi namma u suu hurumma lay. Kay agi ci ki ni sa li va kaɗina. Gasi daŋ may ni Yawe sunun ay ana an dagi boy namma ki agi humumu ni namu.»

JEREMI 26:23

Asi vi Uriya ay hu Egipte mbaaram ay ki maŋ mulna Joakim. Nam cam ki cini, hin gam maɗam ki hu zulla dukusi dewra.

JEREMI 44:3

Ni kay suu vun ma asi lama, asi ɓeŋen hurun ki u tuɗta asi tuɗ ŋgal ɓivunna may, goɓ kaŋga fok loogi suu li va ka kasiɗi layna, ka kagiɗi lay, ka kay somoyogiɗi layna.

JEREMI 5:6

Na ɗaŋŋi dlo ma ay duk gura na hin vasi kiyo. Bosogo ma hu fullana hin komosi kiyo. Sindilna hin buu kaŋga ŋgoo ɦoŋziisina, hu li ma asi hin kal kina, nam hin palawasi kiyo. Kay ana yaasira wul ha fokŋi wuli na ɗow ɗow, dla coosira ka seŋ tuɗta tuɗ fokkaɗi.

JEREMI 7:6

Yowogi tlesuu vi sa mbay mbeera dukuginaɗi, sa kuyuna u cara donoraɗi. Voogi busu suu li va kaɗina ki kaŋga hu li nammaɗi. Kay hahaw magira liŋigi kay cee loogi suu daŋŋaɗi.

JEREMI 7:9

Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?

YOORA 4:13

Ni kay dla cora vi suu maɗ suu jok vun Lona, ni kay dla cora vi muli maɗ suu li ɓivunna suu vo busu suu ɗegeena ki kaŋga huruɗna.

EZEKIYEL 20:26

An hinisi asi mbuɗ tasi ki njenjera u ɓivun masina. Asi ŋgaɗ goryosi suu njufiina suu vuɗ fok jewna ki maŋ fulina, ŋgalasi kiyo. An li na ni a hin kaasi ɓakŋa kasira. Asi hin wi ki ana anni Yawe.

EZEKIYEL 7:22

An ɦasi ŋgoronu, ka min a golosi oloɗi. Suu cona hin ɓalakan mbas manda kiyo. Suu ɦulla hin mba ki huwa asi hin mbuɗuɗ ki njenjera.

EZEKIYEL 8:11

Suu ŋgolo suu Israelna suu dok-kiɗisiyana u Yazaniya ma goŋ Kafanna may coli fok fuli masi asina, u ganunna kosi halaŋ halaŋ, ndoosna col kasi kolo ko ɗugulla na.

DANYEL 11:31

Suu mam suu saɓakŋa hin mbay min tasi a ɓeŋ li ma teteɗna kira, doo ɓivunna bay lira, hin mbaa dla cora ɓeŋ lina ay huwa.

Boy Ma Ayra Ma LUK Ɓiirimma 11:50

Ni kay ndaɗta suu ɗegee suu casi ki jewna busuusi hin hin ni kagiya.

GA 8ATAMBARA 13:13

Lini hu ɦoŋzi ma Yawe ɦagina ana agi cuk huwana, agi hum dlara di ana,

GA 8ATAMBARA 13:6

Sa ma jok vun Lona ɗowba sa ma wi ha fokom namma cam kiyo, kay nam li dla cora ni eg Yawe Loogina, ma cukugi ay ki hu mbassa Egiptera hu mbaɓura, sa namma hal a tuɗugi ki ni day eg voɗta Yawe Loogina takagirara. Agi tli co ndaɗta ki dukugiya.

GA 8ATAMBARA 28:20

«Lini agi li dla cora, lini agi ka min a li u Yaweɗi, ni nam hin kaagi ɓakŋa kagi ka wagi hahawagi oloɗi, agi mbuɗ lagira ni u ndaana, fagi lassa coco lay, ta ta daɓagi kiyo, ni kay dla cora agi laɗ noyom kira.

GA 8ATAMBARA 28:36

«Yawe sunugi u mul magi ma agi tlam fokogina ha ki maŋ njaf suu somoyogi lay agi tagira lay ka wasiɗina. Ha hu li namma agi sunni loogi suu hawana, gugunina u ɦinira.

GA 8ATAMBARA 28:64

Yawe Loogina hin njayagi ki kay yam mbassa halaŋ, hu li namma agi hin sunni loogi suu ɦawa suu somoyogi lay agi tagira lay ka wasiɗi, gugunina u ɦinira ceɗira.

WIRA ŊGAYRA 16:6

Asi ni suu ci suu vi Lona u suu jok vun Lona ki layna cemi aŋ ɦasi busuna asi camu, asi fi ni warak masina.»

SUU KAƁAKŊA 5:8

Suu Israelna man loogi suu daŋŋa na gaw ni, duuna ndi ni na gaw. Suu Israelna suu buɓ buɓ dok-fiɗi a fi mbarina kosi na dew ɗowba saɓpara ni loɓ cocoo.