JEREMI 18:12 - Boy Lonana

¹² Na may asi hin di ana, «Ҥawaa, boy kaɗi. Ami hin tuɗ irimi ni foko, gegelay hin tuɗ irim fokŋi u yam eŋ mamba.»

JEREMI 18:12 Iomraidhean Croise

URA TIN AYRA 6:5

Yawe wi ana suuna tuɗ fok a li cora kay ndaŋgara li na ɗow ɗow, hu buuna tew tew ni saa masira tini ni kay dla cora.

URA TIN AYRA 8:21

His ɓivun namma cuk kay Yawe na ni, nam di ana, «An ka gi vun ndaŋgara ki kay cora vi suunara oloɗi. Sana ay hu gorom day ni hurumi saara cora. An ka min a ba tlesuu irina ki ko an li wanda na oloɗi.

2 MULINA 6:33

Vunum bay ndi kaŋga tu may ni, sa ma vun sunda mba egem dam ana, «Wihaw ndaɗta mbaarayra kay ni Yawe. Ay a hin tin saaray kammi kay me ologe?»

EZAYI 57:10

Agi loɓ tagi a hal fulina cocoo, ka di ana agi loɓ waraɗi lay. Agi saa ana fulina hin ɦagi saɓak ma wilina, kay ndaɗta tagi ka loɓbi.

EZAYI 65:2

Maɗii day ni an baa kon ki maliya, a yi suu may suu gonokka u anna, a yi suu may suu tuɗ hu voɗta cora. Suu ka zii saa masira corana.

JEREMI 11:8

Na may asi hum kaɗi. Asi tin humusi kaɗi lay. Gegelay su vunna ki u yasira eŋga ka haɓbira. Na lay ni an li dlara an ɓakaɗ kay galambara egesiya, ta an ɓakasi ana asi takaɗ ki kiɗikira asi hin takaɗ ka ki kiɗiki lay.»

JEREMI 16:12

Agi may ɗaŋŋi lagi dla cora ni suu somoyogiya, dukugi ni gegelay tuɗ irimmi fok u yamba eŋga, ka humunɗi.

JEREMI 2:25

Cola. Li ka naɗi ni ndak hin mbuɗ ki lalasi, fefegek hin co kiyo. Na may ndak di ana, «Ҥawaa va ka lanɗi. An min suu koyogina an hin liŋ usiya.»

JEREMI 23:17

Asi min a di suu ka min boy ma vi Yawenaɗina ana, «Dlara hin li kagi agi jiviya.» Sa ma min a tuɗ fok u yamba eŋgana, «Dla cora hin ka mba kagiɗi.»

JEREMI 3:17

Hu li namma ni asi hin yi Yerusalem ana, «Dlamba mulla vi Yawera.» Njaf suuna halaŋ hin hoŋ irisi ay kaɗu kay sem Yawena ma ɦam ki maŋ Yerusalemma. Asi hin ka su vunna u yasira eŋga kal ki na nderaɗi.

JEREMI 44:17

Ami min li ni dlara ami vi vunumi kaɗ a laɗta. Ŋgalami ɓivunna maŋ mul cara kolo huulonara. Ami hin ɦaɗ mbul ma his jivina ko ami li ay hu ɦoŋzi ma Yerusalemma u ma Yudana na. Ami tamira lay, somoyomi lay, muli mamisina lay, suu ŋgolo mami suu sunda lay. Ko ndaɗta na ami fami fu ma tira um hin ki komi lay. Ami kaki u heɓpa ka wami dla co egemiɗi lay.

JEREMI 6:17

An tin suuna a gologiya. Ko kaki jekjeke a hum del tokolomma. Na may ni asi di ana, «Ami ka gol tami jiviɗi.»

JEREMI 7:24

Na may asi hum kaɗi, na lay asi tin humusi kaɗi. Asi li ni dlara u min masirara kay yasira eŋga. Asi hin dlara ɦan hurusira tani ɦanni ŋgorosi na ɗow.

EZEKIYEL 37:11

Nam dan ana, «Goŋ sanna sok namma halaŋŋi suu Israelna. Asi di ana sokomi so ki wa. Ami ka saa a li va oloɗi. Ami ki ni baaya.

MALASI 3:14

Agi min a di ana, «Sunuygi Lona oloɗi, jivira aygi a faɗ hu lira aygi li u gaɗ mamba may, tuɗuygi u doona fok Yawe ma Saɓakŋa Kom Belna ni arage?

Boy Ma Ayra Ma LUK Ɓiirimma 1:51

Nam tak saɓakam ki u komu, nam njay suu ŋga tasina kiyo.

GA 8ATAMBARA 29:19

Sa namma ni Yawe ka bulumum coomba kiɗi. Yara vi Yawera tokŋi kay sa namma na ɗow. Givun ma ɓiiri hu maga ndaɗtana tokŋi kam halaŋ halaŋ. Yawe hin bulumum sem ki duk suu kay ndaŋgarana.