JEREMI 18:11 - Boy Lonana

¹¹ Cecem wanda aŋ tuɗ di suu Yudana u suu Yerusalemma, Yawe ɓak ana, «An hin tinigi dla cora kagiya. An hin faɗ vun dlaanda ki egegiya. Gegelay hom dla coomba ki gasi, mbuɗugi tuɗ magira jiviya, mbuɗugi dlaagira agi laɗta ki jiviya.»

JEREMI 18:11 Iomraidhean Croise

URA TIN AYRA 11:7

Ɓaygi kaŋga mbuɗuygisina vunusi ki zeɗ zeɗ, hin a gege lay hum vun ma vi ndarammana oloɗi.»

1 MULINA 22:23

Lini gasi Yawe kal ŋgussa kaboyna ki fun suu maŋ suu jok vun Lonana ni, kay hahawra nam ɓakaŋ ki jew kaɗ ana ndaɗ hin faŋura.»

2 MULINA 17:13

Yawe ne yam suu Israelna ki coco fun suu jok vun Lona zeɗ zeɗ. Suu Israelna u suu Yudana halaŋ ana, «Humugi u gaɗ manda u gaɗta an dagira ay ki jew maŋ somoyogira, an hin hoŋ dagira magi agi tagira olo, fun suu man suu sununna, suu jok vun Lonana.»

2 MULINA 22:13

«Tuɗugi joɓogi Yawe ay kanu, kay suuna halaŋ, kay mbassa Yudara lay, kay boy ma di hu magaara gaɗta wannana. Boy namma ni ŋgol cocoo. Yawe hurum ki ni ɓeŋi egeygiya, kay somoyoygi hum ay ka u gaɗ ndaɗtaɗi. Asi li ka u dlara ɓiiri hu gaɗtaraɗi lay.»

2 MULINA 5:5

Mul ma Sirina hin di ana, «Aŋ gi taŋ hu voɗta tuɗ ni na gaw. An hin ɓii magaara ha maŋ mul ma Israelna.» Naaman tuɗa, yow doonora kam kelew va ma kis kis hindi, lorra kelew dok-karkiya, baraw ŋgolo ma luuna doogo may.

EZAYI 5:5

Ni an min haɗagi dlara an hin a laɗ eg sene gugutlu mannara haa. Hawaɗagi dlaɓpa kamba ki hin tlena tam kiyo, an min to gulumun ma gi kamma kiyo, hin voɗta duk suuna tayam ki gaa.

EZAYI 57:1

Suu ɗegeena ba kiyo, sa ma caa yam kasi kaɗi. Suu li dlara jivira asi lasasiya, sa ma njunusi kaɗi. Suu cona ka casi poŋga, na daŋ may suu ɗegeena ka lassa.

JEREMI 11:11

Na ɗaŋŋi, Yawe ɓak anaba, an hin mbaasi dla cora ay kasiya, asi hin ka ndak a taɗ tasi kiɗi. Asi hin yan ay ana an mbay njunusiya, an hin ka humusiɗi.

JEREMI 11:19

Anni ko goo timii ma lalamma na, tuɗum hu li ma ŋgaɗtara na. An ka wi ana dla cora asi laɗta ni kan layraɗi. «Kaaygi ŋgusna ki u mbiirim egemu, kaaygina ki hu mbassa vi suu iirinara. Ka sa yam sem oloɗi.»

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

JEREMI 19:15

Na ɗaŋŋi Yawe, ma Saɓakŋa Kom Belna, Lona vi Israel ɓak anaba, an hin mbaa suuna ay kay ɦoŋzi namma, kay suu ŋguy kamma lay dla cora an min a laɗ egesira kay ana asi so delesi kiyo, ka min humun boy mannaɗi.

JEREMI 19:3

Aŋ dasi ana, humugi boy ma vi Yawena haa, muli suu Yudana u suu Yerusalemma. Yawe, ma Saɓakŋa Kom Belna, Lona vi Israel, di anaba, «An hin mbaa dla cora ay hu li namma, gegelay ma hum dla ndaɗta na humma hin viɗ kiyo.

JEREMI 25:2

Boy ma sa jok vun Lona, Jeremi, ɓakam ki maŋ suu Yudanna halaŋ, ki maŋ suu Yerusalemma halaŋ lay.

JEREMI 25:5

Nam dagi ana gegelay hom ki kay tuɗ mamba cora, kay dlaagira bay uɗta, agi hin kak kay ndaŋga mayra Yawe ɦagira ki magi u somoyogi ay ki fok jew day a fafaɗtara.

JEREMI 26:13

Cecem wanda mbuɗugi tuɗ magira u dlara agi laɗta ki zeɗ, humugi yira Yawe Loogina yagira, Yawe hin doo dla cora nam a lagira gin egegira kiyo.

JEREMI 26:3

Asi li hin hum kala, li hin hom ki kay dlaasira cora kay dla cora asi laɗta kala, an hin doorosi dla cora an tinisira kasi ginda ki kala kay dla cora asi laɗta.

JEREMI 3:1

Lini sana dik caamba kiyo, ndaɗ hinim ki tuɗ a kak ki u sa daŋŋa ni, nam ndak a hoŋ egeɗ olo su? Ndaŋga ndaɗta ka ki ni mbuɗi njenje gawɗi su? Ndak may ni li gawlaŋŋa u suuna bolowra ndak hin mbay egenu. Yawe di na.

JEREMI 3:22

Hoŋogi aya, goryon suu noyon kina. An hin garaɗagi tuguɗi magira ki a fafaɗta. Ami wana, ami ni varaŋu. Gasi ni aŋ, Yawe, Loomina.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 36:3

Kala suu Yudana hin tin saarasi kay dla cora an di kaɗ ana hin lasira egesiyara kala, a gegelay hin hom ki kay dla coomba u tuɗ mamba cora, a an hin ɦasi gira kay maɗ ma asi camma u cora asi laɗta.»

JEREMI 36:7

Kala li ni tii masina hin tew ki eg Yawe kala, a gegelay hom ki kay tuɗ mamba cora kay ana yara vi Bu Suunara ta nam a laɗ eg suu asinara ka ŋgol cocoo.»

JEREMI 4:1

Lini ndak hoŋ aya ni, ndak hoŋ ay ni egen anu. Yawe di na. Lini ndak yow zozot makka ki fokonu ni ndak hin ka poy na dadam oloɗi.

JEREMI 4:14

Mbus huruk ki u dla cora halaŋ, ndak hin buɗ kiyo Yerusalem. Ndak hin paɗ saara cora ki hurukŋi sabage?

JEREMI 4:23

An gol ndaŋgara, ndaɗ mbuɗ ki fulla. Va ka kaɗɗi. Kiɗik mayra kolo huulonara daɓ ki lay.

JEREMI 4:6

Yagi yira hahawra ha ii ko ma vi Siyonna na. Tuɗugi kak u ŋgusuna. Cologi duk hu voɗtaɗi. Ni hahawra an ka mbaaɗ ay ii ko ma mbayawnara ni dla cora ŋgolla.

JEREMI 51:11

Minigi mbuurura kogiya. Yowogi ɓagina kogi may. Yawe dliɗ saa muli suu Medina ki kolo wa, gasi dlara Yawe daɗ kay suu Babilonnara nam saa ay ki kaɗu. Nam laɗ ki wa. Nam ɓak ki ana nam a ɓeŋeɗ kiyo. Ni sa sugul ma vi Yawena, ni sa sugul ma ay kolo huulonana.

JEREMI 7:3

Na ɗaŋŋi Yawe, ma Saɓakŋa Kom Belna, Lona vi suu Israelna, ɓak ana, mbuɗugi tuɗ magira ki jiviya, dlaagira agi laɗta ki jivi a an hin ndak kak dukugi hu li namma.

EZEKIYEL 13:22

Agi ka viɗ suu ɗegeena ki u boy ma kaboyna, suu an min ka a lasi dla co egesiɗi na. Kay agi so u suu cona ha hu dlasira cora ka min a asi hoŋ ay hin poy masira cora ki lak iiriyaraɗi lay.

EZEKIYEL 18:23

Na ni an furi gasi kay miɗ ma vi suu cona su? Di ni Bu Suuna Yawe. Ҥawaa, an min ni na ɗow ana asi hin dla coosira ki ta ni lak iiriya.

JONAS 3:8

Suuna u yoorina halaŋ cuk baraw bolna tasiya, asi mba cen Lona u saɓakasi halaŋ. Gegelay mba hom kay dla coomba nam laɗta. Hin fuli masi suu cona ki halaŋ, hin sun masira cora ki lay.

MISE 2:3

Ni kay ndaɗta Yawe di ana, gola suu ko ndaɗta nana an tinisi hahawra kasiya. Agi hin ka ndak a paɗagi delegi kiɗi, ka a tuɗ yagi kolo tliɗi lay, kay ana li namma hin li ni li ma hahawra.

ZAKARI 1:3

Dasi ana, «Yawe, ma Saɓakŋa Kom Belna di ana, hoŋogi ay egenu. Yawe, ma Saɓakŋa Kom Belna, di na, an hin hoŋ ay egegi may Yawe, ma Saɓakŋa Kom Belna, di na.

SUNDA 26:20

An gijaŋ boyna dira maŋ suu Damasna u suu Yerusalemma tuwa, ŋgoo dagan an di suu hu mbassa Yudera halaŋ u suu hu njaf ma daŋŋa ni na tuwa. U dira dasi ana jok hurusi ki zeɗta, mbuɗ irisi eg Lona a li sunda gasira tak ana hurusi ki joki zeɗta.

Magaara JAK Ɓiiriɗta 4:13

Humugi boy namma haa, agi suu di ana, «Karam ɗowba vin maɗii ni ami tuɗumi hu ɦoŋzi ma ŋgolna, ami lami basara hu ɦoŋzi namma dew a lami paara kay a fi gursura.»

Magaara JAK Ɓiiriɗta 5:1

Humugi boy manna haa agi suu ɦizina, tiirigiya, yoorogi tagiya, kay hahaw mayra hin a mbay kagira.