Lini sa ma ɗegeena hin dlara ɗegeera ki ta ni li dla cora ko suu li dla cora laɗta na, ni nam hin ndak a kak iiri olo su? Ҥawaa, ɗegeera nam laɗ ay ki fok jewra halaŋ sa ka ndumuɗ oloɗi. Kay cora nam laɗta nam hin miɗa.
«Aŋ goŋ sanna, tuɗ di gorseŋ suu Israelna ana, Ɗegeera vi sana ka suɗumbi lini nam li cora wa ni, ɗegee ndaɗta ka suɗumbi. Cora vi sana ka baam kiɗi, lini nam hom ki wa ni, coom ndaɗta ka ndak a baam kiɗi. Sa ma ɗegeena ka kak iiri ni kay ɗegee mambaɗi. Hu li ma nam li corana ni nam ki ni baaya.
Hu buu ma kiɗisiyana hu til namma ni asi hoŋ li ɓivunna kay suu may suu li cora ka u min masiraɗina u suu may suu li cora asi waɗ kaɗina. U dla ndaɗta asi hin mbuɗ Ziŋ Lonara ki teteɗ ni na.
duk suu asina halaŋ suu wan ŋgol manda ki u irisina, wi dlara mbuɗ mbuɗta an laɗ ay hu Egiptera lay, u dlara an laɗ aya ŋgoo bagira lay, asi hin li dlara a tukunda ki yasi ca ni doogo, ka min a humun vununɗi,
duk suu asina halaŋ an suu tan kiyo sa ma wi mbassa an vi vunum kaɗ a ɦasira maŋ somoyosira kaɗi, suu van vunun kaɗina sa dew lay ni ka wi mbas ndaɗtaɗi.
Ko agi tuɗ a gol mbassa li buuna ay dok-fiɗi, ko ndaɗta na may agi hin li basara ŋgoo bagi ni dok-fiɗi may. Buuna dew ni basa dew may, ni a zii coogira agi laɗta, agi hin wi ki ana an ma ka mbuɗɗina li ni na.
Samuel di Sol ana, «Aŋ li dla ndaɗta ni ko sa ki puluɗina na. Aŋ vi ka u gaɗta vi Yawe Looŋŋa ta nam haɗaŋgaraɗi. Cecem wanda gasi daŋ may, Yawe li ka ɦaŋ mulla kay suu Israelna ni a fafaɗta.
Ni kay ndaɗta Yawe Lona vi suu Israelna di ana, gasi an di ana, ziiŋu u ziŋ buŋŋa hin tuɗ fokon a fafaɗta. May cecem wanda Yawe gasi vunna. An tli yam suu ŋgaana kolo may, suu ka mininɗina hin ndi duk dla cora.