JEREMI 17:9 - Boy Lonana

⁹ Va ma ganyamba su belna ni saara sa ka ndak a gaɗ iriɗɗira. Sa hin waɗ uɗna ni gege?

JEREMI 17:9 Iomraidhean Croise

URA TIN AYRA 6:5

Yawe wi ana suuna tuɗ fok a li cora kay ndaŋgara li na ɗow ɗow, hu buuna tew tew ni saa masira tini ni kay dla cora.

URA TIN AYRA 8:21

His ɓivun namma cuk kay Yawe na ni, nam di ana, «An ka gi vun ndaŋgara ki kay cora vi suunara oloɗi. Sana ay hu gorom day ni hurumi saara cora. An ka min a ba tlesuu irina ki ko an li wanda na oloɗi.

2 SAMUEL 11:15

Nam ɓii ha hu magaa ndaɗta ana, «Tin Uri ha hu li ma duuna ki hu saɓak cocona duk dar suu fokŋa. Agi hin ɦuɗugi tagi ay ki ŋgorom dagani. Asi hin gigimu. Nam hin miɗ kiyo.»

SOOLLA 51:5

Kay an wi coonda wa, an ka waɗ fokon hu buuna tew tew.

SOOLLA 64:7

Asi saa ni kay dla cora, asi saa ana sa ma wasi mbeleŋ masina kaɗi, huu sana gasi ni ko zulla yaɗ derewra na.

VUN ŊGOLNA 28:26

Sa ma hin tam kay saa mamba sak sakŋa ni sa ma laɓana. May sa ma poy u yalna sa namma hin suɗa.

DI BOLLA 9:3

Dlara li suu warnara ha ni fun taɗ halaŋ. Warak ma kay dla ndaɗtana ni ɓalakka. Suu warna li dla cora ɦay. Asi minni dlara uɗ kaɗira. A daɓ kira ni miɗna gaw may.

EZAYI 1:5

Agi min a waɗagi ni ana me ologe, agi suu tuɗ fok u dla cora gak gakŋa? Yagi halaŋ mbuɗ ki ni tuguɗiyo. Hurugi mbuɗ maŋiya.

EZAYI 1:6

Col ha ga kay semma ta ta tuɗ kolo kay yamba ni va ma jivi kaɗi, dagka, mbilna, u mbilna cuɗ loora. Sa ka mbus mbil nammaɗi lay, ka njunumbi lay, ka a do mbul ii mbilna a ɗerɗem irimbi lay.

EZAYI 6:10

Mbuɗ saa suu asina ki giniŋga, ŋgelesi humusi kiyo, dugusi irisi ki ka wiɗi may. A asi hum u humusiɗi, ka hurusi a saa dlaɗi lay, asi ka ndak a hom ki a garaɗ tasi kiɗi lay.»

JEREMI 16:12

Agi may ɗaŋŋi lagi dla cora ni suu somoyogiya, dukugi ni gegelay tuɗ irimmi fok u yamba eŋga, ka humunɗi.

JEREMI 7:24

Na may asi hum kaɗi, na lay asi tin humusi kaɗi. Asi li ni dlara u min masirara kay yasira eŋga. Asi hin dlara ɦan hurusira tani ɦanni ŋgorosi na ɗow.

MATIYE 13:15

Suu asina mbuɗ ki giniŋi. Asi ŋgel humusi kiyo, dug irisi ki lay, ana irisi wiɗi, humusi humbi lay, saa masira ka wi va a pereɗ irisi egen a an suɗusi kiyo naɗi lay.

MATIYE 15:19

Saara cora col ay hu sana, zuɗum um ha a ci maɗna, li zoŋga may, li dla cora, kulna, kaboyna, li ŋgeŋŋa kay suuna halaŋ lay.

MARK 2:17

Yesu hum na ni, nam dasi ana, «Suu may suu tasi ka tasiɗina, ka tuɗ hu li ma hal kumunaɗi. Suu tuguɗira halammi asiya. An mbay ka a yi suu hurusi ɗegeenaɗi. An mbay ni kay suu cona.»

ROMMA 1:21

Asi wi Lona may ka ŋgaambi, ka gam deɓ ana nammi Lona naɗi lay. Ni na ɗow saa masira mbuɗ ki giniŋi yal ka irisi oloɗi, saa masira mbuɗ ndufunu.

ROMMA 7:11

Hu li ma cora fi voɗta ndaɗ ganan yan u gaɗta ndaɗ can ki ni u gaɗ ndaɗta lay.

EFESNA 4:22

Hinigi dlaagira basira kiyo, ta tuɗugi hu poy mayra cora jak ki jewra, dlaagira basi ndaɗta ni ganyamba ba sana kira.

HEBRENA 3:12

Gologi tagi jiviya gorsenna a sa dukugi mba li hurum coo, bay vira a hin Lona ma irina kiɗi.