JEREMI 17:8 - Boy Lonana

⁸ Ni na lay kay ŋgusu ma pii fun mbona na, ma sii sariyam ha kaŋga duk mbonana. Nam ka wi faɗta egembi lay, humum warra na tew tew lay. Basara haw yona dew daŋŋi ka lam vaɗi. Nam ka seŋ duk bay vuɗtaɗi.

JEREMI 17:8 Iomraidhean Croise

JOB 29:19

Mbona is kaŋga u sariyan tew tew. Njeŋge halaŋŋi mbaɗagira ka gi kan tew tew.

JOB 8:16

Asi ni ko ndal ŋgus ma ki pii ii faɗta wasna na, humum ki laay kolo kay tlesuu zaari ga umma.

SOOLLA 1:3

Sa namma ni ko gu ma pii doŋ lummana na, nam vuɗ vuɗummi hu liim tew tew. Humum ka yak kiɗi lay, dlara nam a laɗta halaŋŋi nam faɗu.

VUN ŊGOLNA 11:28

Sa ma tin hurum kay bege mambana hin puk ki gaa, sa ma ɗegeena ni ko hum ŋgus ma ka ɗufna na.

EZAYI 58:11

Lini ki ŋgoo bagi duk gura lay, Yawe ni sa ma goloŋŋa, nam hin hoɓoŋ hayaŋu, ɦaŋ saɓakŋa. Aŋ hin mbuɗ ni ko sene ma malamma yorokom mbona um tew tewna na. Ni ko goloŋga mbii coco ta ka soɗira na.

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

JEREMI 39:18

An hin suɗuŋ ki gasi, aŋ hin ka miɗ ki ko ŋgewraɗi, lini aŋ ɦal taŋ ki man wa ni aŋ hin furi kay ana iiri maŋga suɗ ki wa. Di na ni Yawe.»

EZEKIYEL 31:3

Aŋ tli taŋŋi u ŋgus sedrena, ɗuffi jivi coco ɦay, um ŋgusna coco layna, ma wuli kolo fiyek cocoo, yam tew ha ki kolo duk ɗugulla na su?

EZEKIYEL 47:12

Hu doŋ lumma keŋem jakŋi ŋgusugi suu tira wuli hu cocoo, baɗasi zeɗ zeɗ halaŋ. Humusi ka yak kiɗi. Asi vuɗ cocoo, vuɗusi ne ni hu tilna dew dew halaŋ. Kay ana mbo ma col ay hu Ziŋ Lonara ka si usi tew tew. Asi tasi vuɗusi may, lasi humusi ni a kumuna gaw may.»