Aŋ, Yawe, aŋ wanu. Aŋ ka wan lay, golon saa manda lay. Ndaɗ halaŋŋi koŋu. Suu dlasi cona cukusi ki keŋ ko ndal timigii suu tuɗusi hu li ma ŋgaɗtana na. Hinisi cukira a juɓ buu ma ŋgaɗta.
Lini agi ka humbi ni, an hin mbuɗ tan ki hahawra hu liinna, kay ana dla ndaɗta ndakan wa, irin hin tii simina, tiira, mbus ki u simina, yoori suu vi Yawena tuɗ ki ni hu daŋgayna.
Aŋu, aŋ wiya, Yawe, maa ki kanɗi. Aŋ njununu. Aŋ saan sugulun u suu lasanna. Ko an mbuɗ ki cora u juɓpa aŋ juɓpaɗi. Ni kaŋ aŋu, aŋ wi ana an ka vi ŋgulla kanni na.
Na ni sana ndak hoŋ jivira ndaramma lambara ki u dla cora su? Asi may ni ŋguyun ki u dawna. Humuŋ gaŋ ko an ka coli fokoŋ a ɓakaŋ kay dlasira na, hin yaaŋga lasiɗi.
Yawe, aŋ suun dlara ki kan u nunuh manda wa. Gasi an ay jew nunuh daŋ may. Aŋ ay saɓakŋa suun jew day faɗ ha ki u ndaɗta. Hu buuna tew tew ni asi mbuɗun ki va sanda, asi halaŋ pananu.
Hu li ma an di ana, «An hin ka ɓak boy namma oloɗi, an hin ka ɓak boy u sem oloɗina», nam mbuɗ ki hurun kurufu ko kura ŋgalla na, a tliw tan ki gii daŋgayna an loɓ tan ana an daɓam hurunu may an ka ndakgi.
Gola ni va ma ami ŋga tami kamma, wiimira fokomira takami ana ami poyomi hu ndaŋgara tani dukugi ni u gasira u ɗegeera vi Lona u oora vi Lona ka u nera vi saɗi.