JEREMI 17:11 - Boy Lonana

¹¹ Ceke mayra buu kay se ma ndaɗ gam kaɗi layna, ni sa ma ci suuna ki bay dlara kosina, tew hu buu mamma dukka gayra may ni bege mamba hin ka li kom oloɗi. Nam hin hoŋ ki dagani, mbuɗ sa bay vana komma.

JEREMI 17:11 Iomraidhean Croise

JOB 20:21

Kurufuk mam ndaɗta ni va ka hin kom dewɗi. Furi mamba ka li ŋgolɗi lay.

SOOLLA 49:13

Sa warna bibiŋil mamba ka ɗik faɗɗi, nammi ko tle bagi suu miɗ kina na.

SOOLLA 55:23

Tin dlara caŋ nekka fok Yawe, nam hin ɦaŋ saɓakŋa, nam ka hin sa ma ɗegeena ndi kaŋgaɗi.

VUN ŊGOLNA 13:11

Ҥizza sana faɗ kolo na pokolla, ka kak ta taɗi. Begera sana faɗ ha na nde ndera, ɦiz ndaɗta ka daɓbi.

VUN ŊGOLNA 15:27

Sa ma godlom gursura cocona mbaa ni dla cora kay suu mamsina. Sa ma ka hin tam a sa gusum ki u bege ɦawaɗina hin furi may.

VUN ŊGOLNA 21:6

Suu ɦiz tasi u begera faɗ ay u ganyambana cuk tasi ni hu miɗna ɦawaa.

VUN ŊGOLNA 23:5

Aŋ tin saaraŋ wa kay begera ni ndaɗ u garaŋga uɗu, pii ko ndal bakŋa na tin iriɗ kolo huulona.

VUN ŊGOLNA 28:16

Mul ma ka neeyɗina las suuna cocoo. Sa ma ka min a vi warak ma kul ko saɗina ni buu mamma kay ndaŋgarana hin ɦuɗ foko.

VUN ŊGOLNA 28:20

Sa ma ɗegeena paɗvunna ka kam cocoo. Sa ma min a ɦiz tam na zak gawna ka hin bay kal daŋgayɗi.

VUN ŊGOLNA 28:22

Sa ma liŋ ki dagan begera babana gol ni u iira cora. Nam ka wi ana may ŋgolla ndi kammi ndaɗuraɗi.

VUN ŊGOLNA 28:8

Sa ma ɦiz tam u tlesuu kaasi kay suunana, bege mam ndaɗta hin tuɗ ki ni vi sa ma wi hahaw suu maŋinana.

JEREMI 22:13

Cora ka kay sa ma min ziim ka saa kay ɗegeeraɗina. Min zigini suu daŋŋa kolo kasi, bay saa kay ma jivina layna, ma tin sunda nekka kay suuna ka ɦasi warakŋaɗi layna.

JEREMI 22:17

Iriŋ u saaraŋ tinira ni kay li ma aŋ a fi tlena huna, a vo busu sa ma li va kaɗina ki kaŋga lay. Li dlara eg suuna u saɓakŋa bay saara lay.

JEREMI 6:13

Asi halaŋ, kemba u suu ŋgolona gegelay hal ni li ma nam fi huna. Asi halaŋ, suu jok vun Lona u muli suu li ɓivunna tuɗ masira ki coo.

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

AMOS 3:10

Asi ka u yal ma li dlara ɗegeeraɗi, suu tok dla cora varasi a ɦurum tlena hu ziisina kira, Yawe di na.

MISE 2:9

Boyogi suu vi suu mansinana agi dikisi kiyo, taragelay ay ki hu zi ma ndaɗ minimma. Agi ɓaɗagi jivira an laɗ eg goryosira ki a fafaɗta.

MISE 7:3

Kosi tinira ni a li dla cora. A li jivira eg saa ni mulna joɓ va nde may, sa ma kaɓakŋa joɓ ana ɦam va ɦawa nde may. Sa ma ɓii magaara ɓakŋi kay a hoɓ hayamba ɦawaa.

SOFONI 1:9

Hu buu namma wanni an hin kaɓakŋa kay suu hin weɗ ki kolo kay vun goŋgana, oy zira vi sa ŋgol masinara ki u tlesuu yowosi ay u saɓakŋa, u li iira lay na.

ZAKARI 5:4

Yawe, ma Saɓakŋa Kom Belna, di ana, An gigiɗ ɦawa a ndaɗ tew ziŋ sa kulla a sa suu tam bay gasira tew tewna, ko ndaɗ kak hu ziimu, tamma kiyo, mbalna u gogoyra.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

MATIYE 23:13

«Hahawra ka kagiya agi suu wi magaara gaɗta u suu Farisenna, agi ni suu mbambana, agi dug vun ziŋ Mulla Huulonara ki ii suuna. Agi tagira ka kal huɗi lay. Suu cuk huna agi ka hinisiɗi lay. [

Boy Ma Ayra Ma LUK Ɓiirimma 12:20

Lona dam ana, Aŋ sa ma giniŋ namma karam njeŋge wanni aŋ ka kak iiri oloɗi. Tlesuu aŋ tokosi asina hin hinisi ni maŋ gege?»

1 TIMOTE 6:9

Suu hal a ɦiz tasi kina cuk kaŋga hu ndemba wa, saara cora gunusi yowosi wa, ta zuɗ suuna ha hu ɓalakka a baasi kira.

TITTA 1:11

Lini nanagelay ni casi vunusiya, kay asi ɓeŋ suuna ki u deeresi halaŋ, haɗasi dla mayra cora kay fi gursura u ganyamba.

2 PIYER 2:14

Irisi hal ni dlara zoŋga, cora ka ndakasi liraɗi, asi ganyam suu maŋina, hurusi oyra u kurufuk begera, givun ma vi Lonna ka kasiya.

2 PIYER 2:3

Saa masira ni kay a fi gursura, suu haɗ haɗta co asina hin taɗagi usi u dlara ka gasiɗira. Sa ma kaɓakŋa kasina kaki day day ka buu senɗi, ɓeŋ masira ka juɓ ta taɗi lay.