JEREMI 17:1 - Boy Lonana

¹ Cora vi suu Yudana ki kaŋga ɓiiri u kawina, ki saɓak cocoo. Ndaɗ ki ɓiiri hurusi kurufu u vun kawi ma eŋŋa, ki kolo kay otel masi ma li ɓivunna lay.

JEREMI 17:1 Iomraidhean Croise

VUN ŊGOLNA 3:3

Ɗegeera u gasira ka tuɗ ki egeŋ dayɗi, njunusi keleŋ na tok, ɓiirisi ni kay magaara huruŋ kurufura.

VUN ŊGOLNA 7:3

Njunuɗ ki kay gogor koŋu, ɓiiriɗ ki hu huruŋ ma kurufuna.

EZAYI 49:16

Gola an ɓiiriŋ seŋŋi hu duk konu. Ziiŋ ma minina ka fokon buuna tew tew.

JEREMI 11:13

«Loogi maŋsina mbuɗ ki bolow coco ko ɦoŋziiŋŋa na lay aŋ Yuda, otel ma li ɓivun ma agi minimma mbuɗ ki zolona lay. Otel ma ŋgal ɓivunna maŋ Baal huna bolow coco ko voɗ maŋga na lay Yerusalem.

JEREMI 2:22

Lini ndak mbus tak ki u tumuɗta lay, lini ɦok tak ki na teteɗ lay, balam dla cookka ka egek fokon gak gak. Bu Suuna Yawe di na.

JEREMI 31:33

Gola ni galamba an hin vaɗ u suu Israelna ŋgoo dagan wanda. Yawe di na. An hin ɦasi gaɗ manda hurusi kurufuwa, ɓiiriɗ ki egesi lay, an hin li ni a Loosina, asi hin mbuɗ ki ni suu mansina may.

JEREMI 4:14

Mbus huruk ki u dla cora halaŋ, ndak hin buɗ kiyo Yerusalem. Ndak hin paɗ saara cora ki hurukŋi sabage?

Magaara Vi Sa Jok Vun Lona OZE 12:11

An hin ɓak u suu jok vun Lona, an hin tak tlena ki ii suuna cocoo. An hin ɓakagi ndal boy manna ki fun suu jok vun Lona.

Magaara Vi Sa Jok Vun Lona OZE 7:2

Asi may ni ka ɓak tasi hurusi kurufu ana dla cora asi laɗta halaŋŋi an ka ndumuɗ kanuraɗi. Cecem wanda dla coosira ka tini kasiya, ndaɗ ka fokonu.

Magaara Vi Sa Jok Vun Lona OZE 8:11

Efrayim zul otel ma li ɓivunna coco a bulum cora kira. Na may gologiya, otel ma li ɓivun namma mbuɗ ni va ma kalam hu cora.

DLAŊ LEVIRA 4:25

Mul ma li ɓivunna kal cifiɗ kom duk busuna, tuɗ tinim eg mekŋa hu givin ma togolla, u busu ma hinna nam voom ki ga u givin ma togolla.

ZAKARI 7:12

Hurusi mbuɗ ki hurusi diɓilikka ko kawina na a hum haɗta u boy ma Yawe, ma Saɓakŋa Kom Belna, ɓakasina u musuk mamba ay fun suu basi suu jok vun Lonana. Yawe, ma Saɓakŋa Kom Belna, hurum mbuɗ ki yara cocoo.

2 KORINTNA 3:3

Ki gasi ana agi ni magaara Kristu ɓiiriɗ fokomira ki mami lay. Ndaɗ ay ɓiiri ka u va ma sa ɓii magaa u nambi, ay ɓiiri ni u Musukka vi Lona ma iirina, ndaɗ ay ka ɓiiri hu ɦinira beɗiraɗi, ay ɓiiri duk tliw sana hurugiya.